KNU Hmunram Chung Um SAC Ralkap Sakhan 60 Leng Cu KNLA Nih An Laak — KPSN
==========
KNLA le ṭangṭi phu hna i bawm in KNU hmunram um SAC ralkap sakhan 62 an laak khawh, tiah Karen Peace Support Network(KPSN) nih nizan September 26 an an thanh. Karen Peace Support Network nih an langhter ning ah, SAC nih nawlngeihnak an laak hnu in 2023 kum laifang tiang KNU hmunram chung ah SAC lei sakhan 62 an sung. Thaton pengkomh ah sakhan 17, Taungngu ah sakhan 6, Nyaunglebin ah sakhan 13, Taninthari ramṭhen ah sakhan 1, Hpapon ah sakhan 21 le Kyainseikgyi ah sakhan 5 cu KNLA le ṭangṭi phu nih an laak, tiah an langhter.
Karen ramkulh Hpapon hmunram ah SAC nih an sunghmi a tam bik i Thanlwin tiva thluan ah a ummi, a biapi ngaimi ralkap sakhan hna zong an sung dih, tiah KPSN in ṭuanvo ngeitu Naw Wa Khu nih a chim. Thailand le Karen ramri um ralkap sakhan hna zong an laak khawh caah cuka ramri hna cu KNU kuttang ah an tla cang.
A luancia zarh zong ah KNLA le ṭangṭi phu hna nih Thailand ramri um Yetashiok ralkap sakhan zong an rak laak. Karen ramkulh chung kahdohnak ruangah tualchung mi sing 6 leng ralhrial in an zaam cang, tiah theih a si.
SAC Ralkap Sakhaan 60 Leng KNU Phufonh Nih An Lak. Hramhram in uknak lak a si hnu thawk in 2023 July thla tiang Myanmar ram nichuah thlanglei hmunhma ah SAC ralkap nih an sakhaan 62 tiang an sungh cang leng ah KNU le a hawikom phu pawl nih hmunhma tampi an tlaih khawh tiah Karen Peace Support Networks (KPSN) nih September 26 ah report a chuah.
Kahdohnak le uknak lei a sung thluahmah mi SAC ralkap pawl cu KNLA telh in a hawikom phu pawl nih kahdohnak ruang ah sakhaan 24 tiang an lak khawh i an zaamtak mi sakhaan 38 a um cang. SAC nih hramhram in uknak a lak hnu 2021 February thawk in Myanmar ram nichuah thlanglei ah SAC pennak a zor tuk kha hmuh khawh a si tiah KPSN nih an langhter.
SAC ralkap nih a ṭhawnter chin mi hriamngan le vanlei kahdohnak ruang ah Kawthoolei hmunhma ah ralzaam 630,000 leng an um bantuk in atu cazin hi 2023 January in rel kan thawk ahcun ralzaam hi 18% an karh tiah KPSN nih a ṭial. Hramhram in uknak lak a si hnu ah SAC ralkap nih vanlei kahdohnak le hriamngan kahdohnak ruang ah mipi 130 deng an nunnak a liam bantuk in aa hliam mi 480 leng an um.
Cun ralzaam cazin hi 637, 414 an phan i atu thla February in rel kan thawk a si ahcun 18% a kai caah minung pakhat nih thla 6 ca a herh mi tuak in an eidin harnak thla 12 caah a herh mi hi a tlawmbik USD $ 42 Million a si i nifatin eidin leng ah innlo, sii, sianginn lei bawmhnak leng ah hngakchia le nu pawl caah adang tein bawmhnak a herh rih tiah KPSN nih report an thanh.
KNU Humhaknak Chungah SAC Ralhrang Sakhan 60 Leng KNLA Le Ṭangti Phu Nih An Lak. KNU humhaknak hmun ram chungah a um mi SAC ralhrang sakhan 62 cu KNLA le ṭangti phu nih an lak tiah Karen Peace Support Network (KPSN) nih an langh ter.
Hi sakhan an lak mi cu SAC ralhrang nih uknak an lak hnu in 2023 kum cheu chungah a cang mi a si. SAC ralhrang nih hriamngan le raltuknak vanlawng i bochan hmanh hna seh law an sungh cang mi an sakhan cu an la ṭhan kho ti lai lo tiah an langh ter chih.
SAC ralhrang sakhan an lak mi hna hi, Thaton pengkomh ah 17, Taungoo ah 6, Nyaunglepin pengkomh ah 13, Tanintharyi ah 1 ,Hpapon ah 21 le Kyainseikgyi peng ah 5 tiin ralhrang sakhan an piak hna hi a si. Mah pin ah KNU humhaknak hmun ram ah ralzam minung sing 6 leng an um tiah KPSN nih an langh ter chih.
Tilin Ah Rallamsialmi SAC Ralhrang Ankah Hna 5 An Thi, Magway Ah AA Chokvak Mi Motor bomb in An Kah. Magway ramṭhen Tilin pengah rallamsialmi SAC ralhrang cu mipi hriamtlaiphu nih ankah hna 5 an thi tiah NUG nih a langhter. September 23, zing suimilam 9:32 in 10:3 tiang Tilin peng ShweAungTha khua le KaTinTaw karlak lamcung pakhat ah Ah-Mah-Tah 368 in ralhrang thazaang 80 tluk cu mipi hriamtlai phu nih ankah hna caah 5 an thi tiah theih asi.
Cu bantuk ṭhiam in September 23, zan suimilam 7:40 tluk khan Magway ramṭhen ah aa chokvak mi SAC ralhrang motor pakhat mipi hriamtlaiphu nih bomb in ankah tiah NUG nihg a langhter. kahdohnak ah a telmi mipi hriamtlai phufonh hna cu Magway peng battalion 2, ZyNanchaung Tetkhuai le Special Guerrilla Force Taung Dwin Gyi ṭangṭi phufonh hna ansi.
Shwegu Peng Ah Kahdohnak Voi 3 A Chuak, Ralkap 9 An Thi. Kachin ram, Shwegu peng ah SAC ralkap le Myohla PDF hna karlak ah kahdohnak voi 3 a chuak i ralkap 9 an thi tiah Myohla PDF nih an thawng an thanh. September 20 ah Shwegu tilawng dinhnak in SAC ralkap riahcaw a phor mi tilawng 6 cu Banmaw lei an kai lio ah himnak lak piak ding in SAC ralkap Brigade 88 kuttang LIB 121, LIB 10, LIB 77 hna nih Tinbawin khua ah hmunhma an khuar.
Cu ni zaanlei ah ralkap riahcaw phor tilawng pawl himnak caah tilawng 2 in LIB 10 le LIB 77 in thazang 46 hrawng SAC ralkap cu Sindat khua lei ah an ṭum, LIB 121 in thazang 67 hrawng tilawng 1 cu Tinbawin khua in Naungmo lei an kai lio ah Myohla K-PDF nih an kah hna i kahdohnak aa thawk hi a si. Kahdohnak chung ah SAC ralkap tilawng pawl ṭha tein an khen hna caah tilawng pakhat a pil i a thi mi ralkap, hriam le hliam a tuar mi pawl kha ti chung in an chanh hna.
September 21 zinglei sml 7:20am ah Irrawaddy tiva kam ah a rak phan mi SAC ralkap LIB 121 Battalion le Myohla PDF hna karlak ah kahdohnak a chuak ṭhan i ralkap 9 an thi, Platoon Leader telh in ralkap 11 an i hliam. Cu ni zinglei sml 8:40am ah LIB 121 le Myohla PDF hna karlak ah a voi 3 nak kahdohnak a chuak i hliam a tuar mi ralkap pawl kha phungki sianginn ah an kalpi hna tiah theih a si. Credit: The Chin Post, The Chinland Post