KIA le PDF nih SAC Tilawng 9 An Kah, 3 An Rawk Khawh!
============
Mandalay in Kachan ramkulh kahohnak a zualhma chin i, SAC ralkap pawl bawmchan ding ah Ayeyarwaddy tiva in a rak kai mi ralhrang tilawng 9 cu KIA le PDF nih an kah hna caah tilawng 3 a rawk tiah 7 Stare News nih a chim.
KIA le PDF tamrual phu nih Ayeyarwaddy tiva kam hmun 6 ah bawh in an rak kah hna. “Tilawng 9 ah ralkap tilawng 2 aa tel. KIA le PDF tamrual phu nih hmun 6 ah bawh in 107 mm le rocket bom 90 mm lamhla in kahdohnak kan tuah. SAC ralkap lei an kan kah ve, thih a nung ko. Vanlawng kah bantuk te a si ko. An nih tilawng 3 kan hrawh kho” tiah Mipi ralkap nih an chim.
SAC le Kachin ram cung kahdohnak a zualhma chim lengmang i, SAC an ralkap bawmchan dingin hriamngan le ralkap thazang chap dingin an rak kai tonnak lam pi a si mi, Sagaing ramchungah mipi ralkap PDF le KIA nih an rak kainak lam ah bawh in kah an ton lengmang caah Ke tlanglam zulh ngan ti lo in Tilam in an hun kai mi mi a si.#
Tanintharyi Ramṭhen, Yephyu Peng Tualchung Mi 30 Leng Cu SAC Ralkap Nih Ralphaw Hman Ding Ah An Tlaih Hna. Tanintharyi ramṭhen, Yephyu peng, Kanpauk hmunram um Khaungpyan khua le Daikdakaw khuami 30 leng cu SAC ralkap nih ralphaw hman ding ah an tlaih hna, tiah Khit Thit Media nih a ṭial.
Nizan July 27 zinglei suimilam 5:00 hrawngah motor 5 in a kalmi SAC ralkap 150 cu Khaungpyan khua le Daikdakaw khua ah an lut i khuami 30 leng cu ralphaw hman ding ah an tlaih hna, tiah theih a si. SAC ralkap pawl cu Khaungpyan khua in Hkuaimaphaw khua nichuahlei tlang thluan ah PDF an um tiin thawngpang an theih caah rallam an sial, tiah theih a si.
Ramkomh Cozah, Ramkulh Federal Unit Commission le Karenni IEC, KSCC Meeting An Ngei. Ramkomh Cozah le Ramkulh Federal Unit Commission he caankharlak tangrual in riantuan ti ding in Karenni Interim Executive Council (IEC), Karenni State Consultative Council (KSCC) hna a voikhatnak Meeting cu July 28 ni ah an tuah tiah theih a si. Meeting ah Ramkomh Cozah le Ramkulh Federal Unit Commission Chairman caankarlak President Duwa Lashi La le Karenni State Consultative Council Aung San Oo nih onnak bia an chim.
Cun, Ramkomh Cozah le Ramkulh Federal Unit kharlak tamrual in riantuan ti ding Commission nih aa timh mi le hmailei a riantuan lai mi kong cu Ministry of Federal Affair’s Dr. Lian Hmung Sakhong, Karenni State Consultative Council phunglam le hmailei riantuan dingmi cu Council Chairman Aung San Oo le Karenni Interim Executive Council (IEC) Vice-Chairman Khun Bi Htu hna nih bia an chim.
Cu hnu ah Fimcawnnak, Ngandamnak, Harnak a tonmi sin bawm channak, Nu le ngakchia zohkhenhnak, Nuhrin covo, tangka kong, Uknak le raldohnak le a dangdang kong biaceihnak tampi an ngei.
Cun, National Unity Consultative Council ah ton biaruahnak ngaih ti thannak le hmailei karhlannak ah FSCC Secretary, IEC Secretary bu le KSCC Secretary chungtel he komh in Focal Group dirh ding in hnatlak nak an ngei.
Ramkomh Cozah le Ramkulh Federal Unit kharlak tamrual in riantuan ti ding Commission Vice-chairman Prime Minister Man Win Khaing Than le Karenni Interim Executive Council General Secretary Khu Pah Luh Reh hna donghnak bia chim hnu in meeting cu tluang te in an dih.
Meeting ah National Unity Government Duwa Lashi La, Union Prime Minister Man Win Khiang Than le Union Minister pawl, Karenni caankharlak council Chairman Aung San Myint le council chungtel, NUG committee chungtel Min Ko Naing le chungtel hna meeting a kai mi an si tiah theih a si.
Kalaymyo Letpanchaung Khua ah SAC Hriamngan Nih Mi 5 A Hliam. Sagaing ram, Kalaymyo peng Letpanchaung khua chungg SAC hriamngan kahnak ah khuami 5 hliam an tuar tiah theih a si. July 26 zaan 10:00 ah Kalaymyo hrambunh hriamngam battalion in Letpanchuang khua ah hriamngan 2 an kah i pakhat cu khuachung inn ah a tla caah mi 5 hliam an tonnak a si.
Kalaymyo peng chungah, June 1 – July 27 thlakhat leng ah hriamngan kah ruangah mipi 9 an thi i hliamtuar mi 31 leng an si. SAC lei nih runvennak an laknak hmun le an ralkap pawl umkalnak lam deuh ah nifatein hriamngam kahnak le bom puak a tam caah Kalay khuachung um mipi pawl cu thinphan in an um ko.
“July thlachungah khuachungah SAC lei hriamngan kahnak voi 10 leng a um i cheukhat inn ah a tla. Ralhrang nih an duhnak paoh ah hriamngan kahnak an tuah lengmang caah kan inncung ah hriamngan zeitik aa tla sual te hnga tiah thinphan in kan um ko” tiah khuachung pakhat nih RFA ah a chim.
Hriamngan kahnak a tuahmi ralkap bu cu kalaymyo hrambunh, keralkap battalion-365, battalion -228, Regional Operations Commands (ROC) (ဒေသကွပ်ကဲမှု စစ်ဌာနချုပ်) Kalay hna nih hriamngam kahnak an tuah ton. Credit: The Chin Post, The Chinland Post