Kawlin Khuapi Ah A Lut Mi Tualchung Mi Hna Cu SAC Ralhrang Nih An Tlaih Hna. SAC ralhrang nih an humhak ṭhan mi Sagaing ramṭhen, Kawlin khuapi chung ah a lut mi tualchung mi hna cu SAC ralhrang chungtel pawl nih an tlaih hna, tiah theih a si.
“SAC ralhrang nih Kawlin khuapi cu mei in an khangh caah kan inn a kaang ve hnga maw tiin a va zoh mi tualchung mi cheukhat hna cu khuachung an luh lio ah SAC ralhrang nih an tlaih hna. SAC ralhrang le an kuttang pawl nih Kawlin khuapi ah atu bantuk in an tlaih mi hna cu an tlawm ti lo i tlaihkhih a tong mi hna konglam zong kan thei kho ti hna lo” tiah February 15 ah tualchung mi pakhat nih BVJ ah a chim.
Kawlin khuapi cu SAC ralhrang nih tualchung hriamtlai phu hna sin in February 13 ah an laak khawh ṭhan i tualchung mi hna innlo pawl cu an khanghpiak hna pinah thil mansung an zaam taakmi pawl zong an firpiak hna, tiah theih chih a si.Crd:Lungmili Post
Thawngpang dang: February 16, ah Hakha City Council nih SAC ralhrang nih February 10, ah cathanh an chuahmi ” People´s Military Service Law Of 2010 “, kumtling mizapi ralkap luh ding timi phung thar cu kan doh, hi bantuk in mizapi zalonak le himnak a hnorsuangtu ralhrang rianṭuannak phung cu kan cohlang lo tiah cathanh an chuah.
Hakha City Council nih mizapi humhimnak le dirkamhnak kong he pehtlai in a tanglei bantuk in sawmnak le theihternak an langhter.
CDF-Hakha, Brigade 4 le HCC rianṭuannak nih lungthin a thlek kho cangmi mino hna lunglawm tein kan in don hna. Miphun le ram nih na sining le na thazaang a herh zungzal. 2. Himnak hmuh ding lam a kawlmi nan caah cawlcangh ning, ṭhutdirnak le kalumnak kong hna zong timhlamh a si.
Hi rianṭuannak he pehtlai in a lam kip in bawmh a herh lai caah pumpak, chungkhar, bu le phu in dirkamh ding zong kan in sawm hna.Crd:LMP