Update! KIA Brigade 9 Ananhpa Khua Le Kanhsee Khua SAC Ralhrang Nih Vanlawng In Bomb A Thlak; KIA Officer 2 An Thi!
=========
Khuachia SAC pawl tuah ser nak hi cu chimpit taktak khi asi ko e… cu caah kan lung a dong ti awk a ttha loh, kan dihlak in kan cawl rih cio a hau ko. Apoinak cu mipi a tam u hi bystander sawsawh bantuk in ka um peng rih hna i kan ttang rual hna lo. Nizaan tihni Pu Htetni chim ning ah Chinmi ramcung mi 98 % cu thazang an chuah lo ti asi i hi ti hin cun asi kho lo, thitsaphoh taak bantuk he ai khat ko. an kan tuah tu ning hi a faak tuk.
Kachin ramkulh, Hpakant peng, KIA brigade 9 hmunram Anahpa khua le chawdawr, Kanhsee khua hna cu 2023, October 16 zanlei 4:30 in 5:30 tluk tiang SAC ralhrang nih raltuknak vanlawng hna hmang in bomb a thlak caah KIA officer 2 an nunnak a liam, tiah KIA thawngzamhnak nih nihin October 18 ah a chim.
“SAC ralhrang raltuknak vanlawng 2 cu voi 2 tiang a ra i bomb lung 8 a thlak. Cu lio ah Kanhsee khua um SAC ralhrang sakhan pi in hriamngan an kah chih caah Kachin Independence Army(KIA) officer 2 an nunnak a liam i KIA ralkap in a dang officer 1 zong hliamhma faak ngai a tuar” tiah KIA thawngzamhnak nihcun a chim. SAC ralhrang nih atu bantuk in bomb a thlak mi ruang ah mipi cheukhat zong hliamhma an tuar i nunnak liammi KIA officer 2 hna cu October 17 ah an ruak an vui hna, tiah a chim chap.
SAC Nih KIA Brigade (9) Hmunram Anangpa bomb Thlaknak Ah KIA Ralbawi (2) Nunnak Liam. Kachin ramkulh,Hpakan peng Anangpa khua,Bazaar le Kanse khua hna ah SAC nih October 16 zaanlei slm 4:30 in 5:30 karh ah Vanlawng in bomb a thlak caah KIA ralbawi (2) nunnak a liam tiah KIA sinin theih a si.
“Ralhraang raltuknak vanlawng 2 nih voi hnih bomb lung (a rak thlak leng ah Kanse khua hrambunh SAC nih hriamngan pehtlai in an kah ve caah KIA ralbawi (2) nunnak a liam KIA ralbawi pakhat hliam fakngai a tuar leng ah Satil le mipi cheukhat zong hliam an tuar,KIA ralbawi (2) ruak cu October 17 ah vui a si” tiah KIA lei nih thanhnak an tuah hi a si.
Thayetchaung Kahdohnak Ah SAC Ralhraang (11) An Thi. Tanintary ramthen,Thayetchaung peng Katwe khua in a rakchuak mi ralhraang thazaang 53 hna cu nihin October 17 zinglei slm 7:13 ah Ya Nge le Katwe khua kar an phak ah Dawei district battalion 2 (T5-Zone) hna nih bomb in an puah hnawh hna leng ah an kah hna i kaphnihkar kahdohnak suimilam cheu tluk a rau,cu kahdoh nak ah ralhraang (11) an thi tiah ah Dawei district battalion 2 (T5-Zone) in rianngeitu pakhat nih Khit Thit Media ah a chim.
Cu kahdohnak ruang ah a thi mi le hliam a tuar mi hna a rak phor tu SAC mawtaw cu tualchung hriamtlai guerrilla phukhat nih bomb in an puah hnawh than hna caah ralhraang thi le hliam kong bel theih a si lo.SAC ralhraang hna nih Ya Nge khua mipi inn pathum cu mei in an khangh tiah theih a si.
NUG No.1 Ralhmunram September Thla Kahdohnak Ah SAC (175) An Thi, PDF (42) Nunnak Liam ve. 2023 September thla chung kahdoh nak ah NUG No.1 ral hmunram (Military region) i ummi Sagaing, Magway, Mandalay le Shan ram chaklei ah a um mi PDF (42) nih nunnak an pek i (29) nih hliam an tuar tiah NUG runven nak zung nih a thanh. No.1 ralhmunram ah a ummi PDF hna le SAC ralhraang hna kar ah kahdoh nak voi (323) a chuak i SAC lei minung (175) an thih leng ah (301) nih hliam an tuar tiah an langhter.
Cu kahdoh nak chung ah cun No.1 ralhmunram nawlpek nak tang ah a um mi PDF, PKP,EROs hna i bawm in tuah mi kahdoh nak a si.kahdoh nak chung ah hriam Meithal phunphun zun (46),Kuan (3518),bomb lung (5), Minebomb (3) hna cu PDF hna lei nih an laak tiah an langhter chih.
Yinmabin Peng,TeKung Khuami Hngakchia (3) Telh In Minung (6) SAC Nih Hngawng Tan In An Thah Hna. Sagaing ramthen,Yinmabin peng Tekung khua mi hngakchia (3) telh in minung (6) cu SAC ralhraang hna nih October 16 zinglei sang ah an hngawng tan in an thah hna tiah theih a si.Hi ralhraang hna hi Pale khua in Tekung khua lei ah ralllam a sial mi an si.
“October 14 ah Ralhraang hna khuachung an luh caah khuami hna cu a himnak ah zaam a si,October 15 ah ralhraang hna cu Tekung khua in an chuak cang ti thawng kan theih caah Khuami pakhat cu Satil rawl pe ding in a kal nak ah ralhraang nih an rak tlaih ,Cutin an tlaih hnu ah Khua chung ah ralhraang an um tilo tiin phone an chawnhter caah minung panga an kal i an zapi minung 6 an si ah an hrem hna i an hngawng tan in an thah hna ,khua chung kan luh ah khua hauka ah an ruak cu kan hmuh hna hi a si” tiah khua mi pakhat nih a chim.
SAC ralhraang nih An thah mi hnaThu le Ko Maung Lin hna an si i kum (30) tluk minung an si hna,Sianginn a kai lio hngakchia an thah mi hna cu Mg Khant Nay Naing, Mg Thanh Zin Oo le Mg Than Htike Aung an si i kum (17) an si hna.