Khua Fak deuh in ruah a herh ko cang!
==========
Tulio kan dothlennak lamthluan hi a bik in Chin miphun ko kan caah tihnung kho mi dirhmun ah kan um. Mah cucu naite kan thlihran zoh in theihcia chung khawh a si. Cucaah CNF/A he aa naihbik mi kan unau CDF pawl a si khawh nak lam kawl in CNF/A he kan i fonh or One Command in kan um zokzok a hau.
Hakha CDF, TT CDF, Zophei CDF, Zotung CDF, Mara CDF, Lautu CDF, Senthang CDF tal hi cu nan lutlai i sining chiahta in CNF/A ah nan i fonh or One Command tang timi cathanh nan chuah zok a hau. Nan i fonh zokzok a hau ka ti duhnak a si.
A ruang cu nai ah CNDF nih CNF/A an hmunhma chung in i thial awk ca an pek cang hna. A tu Matupi CDF nih CNF/A an pek ve hna tiah kan theih. Culawng si lo in duhpoah in CNF/A or Hlutdaw Aiawhtu tiang khamnak cathanh hmuh khawh a si cang. Khat le khat respect timi hmang in an cathanh zok tik ah hinak in a zualhma deuh mi buainak a chuak kho timi hmuhcia chung khawh a si.
CNF/A a thawn ahcun khi hna pawl nih a tulio ah cathanh or capek hmanh hna hmanhsehlaw an i fonh tgan khawh lai. A thawn lo ahcun a dang cheukhat CDF an chuak than rih lai. Cucaah CNF/A he naihniam biknak hmun khua a sa mi tal nih lungkhat put thinlung or tuahsernak nei hram cang hna uhsih. Kan unau KKG, Houlngo pawl lungput hi tulio ah neih kan hau hrimhrim cang ko.
Cunglei ka mention mi hna CDF vialte nanmah le mah i doh itim citcet lai uh cih. Nanmah le mah kar buainak donghter zok i zuam uhlaw CNF/A ah nan i fonh khawh lo hmanh ah Command tang pakhat in um khawh le raltuk khawhnak lam nan ser khawh ahcun tulio cheukhat CDF buainak hi a ci nan hmih khawh ko lai.
TT Kahdohnak i Kan Chambau Bik Nak Cu One Command lo in ral kan tuk caah a si. Tulio kan boruak kong ah ka siherh mi hun tial ta than ka duh ko. Ka tial mi pawl hi cheukhat One Way in khuaruat mi pawl nan caah cun dolh a har ngai lai nain Kaphnih in khua a tuaktan mi pawl caah cun thiltha ah nan ruah khawh lai ka zumh.
Tulio kan raldohnak kong hi tamngai ka tial cang. Cheukhat CDF pawl a tanhtu pawl nihcun tuning tein in kan ral doh ning hi a tha ko e nan ti. Cucaah CDF ramleng supporting hruaitu le Ram chung CDF hruaitu pawl tangdor nun kan neih piak hram uh kan ti lengmang mi cu a si.
Nai TT kahdohnak ah zeidah kan chambau nan i fiang maw? Nunnak a pemi kan ralkap CNA le CDF vialte upatnak kan pek hna. Nain CDF ralkap hruaitu cheukhat pawl upatnak kan in pe kho hna lo.A ruang cu nan nih cu raltuk fawn tung lo in mipi nih duhmi One Command ti lengmang mi nan duh lo i nan kuttang um paraltha nan nau le pawl cu nanmah duhning rumro in nan hruai hna caah tutan TT kahnak ah hinzat pasaltha nunnak a liam hi a si.
Tutan TT kahdohnak ah ifonh in kah a si ko nain zeidah kan chambau nan hngalh ko lo maw? CDF supporting cheukhat nih ral kan tuk ti ko e nan hei ti rihchap hui. I fonh in raltuk ti timi le One Command in raltuk timi ai dannak hi tutan kan ton mi tal nih hin nan lung an fimter deuh cang hna hnga maw? Tutan TT kahdohnak ah kan chambaunak cu One Command tang in kan tuk lo caah a si tihi nai fian ve ko a si ahcun zaangfah tein Ramleng Supporting hruaitu le ramchung na thuthmun in na naule CDF a hruaitu pawl nawl kan duh ko hna.
Zaangfah tein nan lungput rak thumh cang ko hram uh. A rauhhlan ah i fonh in ral tukti than a si lai. A tuhi strategy suai cuahmah lio a si cang. Cucaah ramleng CDF hruaitu le ramchung CDF hruaitu pawl nih nan lung nan rak thumh a si ahcun One Command tang in kan tuk lai i zeituk dah kan thazaang le kan sining nan hmuh lai. Ral a tumi nan nau le hmanh nih a tu kal ning hi an lungtling ti lo hih. Hruaitu pawl nan lung nan thumh lo ahcun nanmah lawng kaltak mi nan si sual lai caah nan lung rak thumh cang uh! Credit: The Star Enter