Khah-Lah-Yiah 143 Battalion Cu An Dihlak In Hriamnam He MNDAA Sin Ah An I Pe!
===========
Shan ramkulh chaklei Kunlung peng Kan Main (ကံမိုင်း) hrambunh SAC ralkap khah-lah-yiah 143 battalion, ralkap 41 cu an dihlak in hriamnam he MNDAA sin ah an pe tiah MNDAA media The Kokang nih a thanh.
MNDAA, TNLA le AA nih 1027 Operation an thawk in SAC sakhan pakhat hnu pakhat an lak i SAC ralkap hna zong an sin ah i pe dingin sawmnak an thanh bal. Khah-lah-yiah 143 hi 1027 Operation thawng an theih tikah an sakhan chung ah an i dup, an chuak ngam lo i bawmtu ralkap dang an hngak hna ti a si.
Cucu MNDAA, TNLA le AA nih October 28 ah khan meithal puah hau lo tein an sin ah i pe dingin an sawm cang hna. Cuticun October 30 ah khan an dihlak in an hriamnam le thilri he MNDAA sin ah an i pek hi a si. SAC ralkap 41 hna cu MNDAA nih minung pakhat ah MMK sing 15 cio, a dihlak sing 700 leng laksawng an pek hna i an thlah hna. MNDAA nih an thanh ning ah SAC ralkap hi an tlawm chin lengmang i battalion pakhat ah ralkap 100 hrawng lawng an um ti a si.
Hriamnam hi i chawnhbiaknak seh 3, rifle meithal zun 27, seh meithal a hme mi zun 5, RPG 2, Sniper 1, seh meithal a ngan mi 2, Type-82 miakpi 1, 60mm miakpi 2, 5.56 kuan bawm 11, 5.56 shot gun kuanfang 8,000, MA-4 bomb 80, bomb dangdang 247, 82mm bomb 91, 100mm bomb 130, MA-4 4, handphone 28, i chawnhnak 7, facang dip 38, Readymade Food bawm 12, kalape bawm 3, sii bawm 5, chiti pung 3, vok pakhat le a dangdang hna an si.
Khun Lung Peng Kamaing Hrambumh Battalion 143 Ralkap Minung An Dihlak Hriamnam He SAC An Chuahtak. Chaklei Shan ramkulh, Khun Lung peng, Ka Maing hrambunh SAC ralkap battalion 143 minung dihlak hriamnam he SAC an chuahtak tiah MNDAA nih thawngthanhnak a tuah. October 30 ni, Khun Lung peng thlanglei um, Ka Maing hrambunh battalion 143 ralkap minung 41 nih unau hawikom phu 3 sin ah hriamnam he an rak luh, ralkap 41 ah Second-in- Command 1 telh in rawlbawi တပ်ခွဲမှူး (Company Commander 2) zong an i tel tiah theih a si.
Khun Lung peng, Ka Maing hrambunh SAC ralkap rual hi battalion sakhaan chung erh in bawmchantu an hngak, October 29 zaan ah unau hawikom phu 3 hna nih an sin lut ding in an chawnh hna, October 29 ni ah MNDAA lei nih “ Kan nih ralkap phu MNTJP party hruaining bantuk in ramkhel rian a tuan mi le dohthlennak a tuah mi bu kan si, midang thah le nawn cu kan i timh mi a si lo, kan bu nih cun, kan sin aa rak dor mi, kan tlaih mi hna cu dawtnak he zohkhenh ding” tiah kan ralkap bu timh mi a si caah kaphnih biachawnhnak ngeih a si hnu October 30 ah battalion 143 ralkap 41 hna nih an hriamnam cu battalion sakhaan ah kaltak in hnu an kir tak hi a si.
MNDAA sin a rak lut mi SAC ralkap 41 cu minung pakhat ah umkalnak tangka kyat sing 15 cio in sing 700 leng an pek hna. Nihin SAC hi battalion pakhat ah ralkap minung 100 hrawng lawng a um. Mah lak ah battalion a chuahtak mi, nifa tein a tli mi le a thi mi an um peng tiah theih a si. “Ka Maing hrambunh bantuk in battalion dihlak hriamnam he a tli mi an um rih lo, mah hi zohtik ah SAC pawl an chunglei uknak aa rawk dih cikcek a langhnak a si” tiah MNDAA ralkap bawi pakhat nih Khit tit media sin ah a chim.
Battalion 143 lei hriamnam an kal tak mi ah, Operator seh 3, Rifle meithal zuun 27, Seh meithal a hme zuun 5, RPG zuun 2, Sniper 2, Seh meithal a lian zuun 2, Type-82 zuun 1, 60 MM 2, 5.56 kuan bawm 11, 5.56 shot gun kuan 8000, Enaga bawm 3, Rifle kuan bawm 130, MA-4 bomb thei 80, Bom thei phungtling 247, 82 MM bom thei 91, 100 MM bom thei 46, MA-4 meithal zuun 4, handphone 28, walkie talkie 7, facang tung 38, Readymade food bawmpi 12, Kalape pung 3, Sii bawmpi 5, Chiti pung 3, Datsi pung 3, Vok 1 hna an lak khawh mi a si tiah theih a si.
SAC Lei Tang Pyituhsit Pawl MNDAA Sin Ah A Sungpek In Hriamnam He An Rak Lut. SAC kuttang um Kokang khua um pyituhsit minung 15 cu a sungpek in MNDAA ah hriamnam meithal zuun 16 he an rak lut tiah theih a si. MNDAA lei biachimnak nawl ngei Ly Kyarwen nih, “mah operation 1027 kahdohnak ni 5 a rau hnu ah SAC lei battalion a ningpi a sungpek in a rak lut mi ralkap an um bantuk in Pyituhsit lei zong a sungpek in a lut mi zong an um. Kanmah MNDAA lei nih SAC ralkap le pyituhsit pawl a sungpek in an rak lut ding in cathanh chuah a si” tiah a chim.
October 30 ni, Khun Lung peng thlanglei um, Ka Maing hrambunh battalion 143 bu ralkap minung 41 nih unau hawikom phu 3 sin ah hriamnam he an rak luh, ralkap 41 ah Second-in- Command 1 telh in rawlbawi တပ်ခွဲမှူး (Company Commander 2) zong an i tel. MNDAA sin a rak lut mi mi SAC ralkap 41 cu minung pakhat ah umkalnak tangka kyat sing 15 cio in sing 700 leng an pek hna. Nihin SAC hi battalion pakhat ah ralkap minung 100 hrawng lawng an tang cang. Mah lak ah battalion a chuahtak mi, nifa tein a tli mi le a thi mi an um peng tiah kokang MNDAA nih cathanh a chuah.