Ral A Dai Veve Ballomi Kawlram le Israel Ram Epchunhnak!
=========
Panglong ruangah Ral adai ballomi Kawl le Chinland ah aummi kansi caah Tutan Israel le Gaza Raldohnak, Tuksapur mipi thihnak hi kan caah thilthar cu ansilo nain Chinland Cathiam tampi nih phuan in relcio asi. Rebecca paw in Faphir an chuah hrim ah Anau Jacob nih a u Esau ke tlaih buin ansi, Esau nih pehang khengkhat in Upa sinak azuar, etc., thil sining hna le Baibal zoh tikah an tefa karlak ah ral adai bal lailo ti asicang.
Chinland Prophets tampi le keimah aatimi vialte nih Tutan Israel Gaza Raldohnak hi a thai lo kan um lo. Lang Ak pue le Vakok thlu loin kan rel cio mi asi. Kan fimthiamnak kan langhter I kan I cuah (Uahpi) cio hna.
Vakok pue hi an dai deuh I AK AK pue ko hi tutan Israel Gaza Dohnak hi kan buaipi khun. NUG nih Kawl model (NLD) in Dohthlennak an kan tuahpi mi kha philh hna sehlaw, Amay Suu Luat dingin raldoh hna seh tiah anṭial an chuah bia. Panglong le Federal cu NUG ah umlo tikha Cikkhat kan phil ve ko rua. Amay Suu luat ding ah MAL he PEACE aduhmi NUG hi zeitin?
Jerusalem Biakinn ansak khawh I, Messiah Voi 2 aṭum lai I, Kum 1000 pennak asi hnu lawng ah Israel ral hi adai dingmi asi. Buaipi tuk ding silo. Israel Ral hi Arabs ram 15 pinah Hamas, Hezbollah, Taliban, AL Qaida, etc., an ral atam ngai. Chinmi kan ral hi 8 hrawnglawng ansi tawn nain Pau Dohthlennak kan phan tikah Chinland ral 12 hrawng aachuah cang.
WCCCC can kan phan/ phak tikah Chinland kan ral hi kan hliah khun hna. Lungmawng hruaitu aatimi tete le Chuekhat lotlau fapa rual nih CNF CNA cu Chin ahuap lo tiah kan ti hna buin Chinland Ral vialte thianh tu ah CNA nih hmalak asi fawn zeitin?
Israel le Arabs ram hna siseh, atu Gaza um Hamas he sihna seh, Ral dohnak anum tikah PEACE an tuah I cuticun Cikkhat an dai zungzal ko. Kawlram belte PEACE (NCA) ti zungzal in ral adaih ballonak ramchia asi. Panglong le Federal hlen kansi hnu ah Raldaih ni aum ballo. Tutan Dohthlennak hi kan tei lo ah siseh, PEACE le NCA in kan ti ah siseh, Chan chung, Techin fapar chan tiang Raldaih dawh asi velo.
MAL le Kawl Ralkip kan tei lawngah ral adai ding phun in thil an um cang. MAL atla ah tibia. MAL tla ko hmanh sehlaw, NUG asiloah NLD nih Cozah an tlaih ṭhan ahcun Federal aduh lomi ansi veve caah Raldohnak aapeh rih men lai. NUG nih MAL nih Ralhrang sinak a ngawl cikcek ahcun PEACE kan tuah lai anti mi hi tuak cio ko uh.
Panglong hnu in Ralhrang sinak pelte hmanh angawl ballomi Kawl te le an ralhrang Rallokap hi tuak cio ko uh. MAL nih NLD he lawng PEACE tuah aduh. NUG PDF CDF he peace tuah aduh lo. EAOs he PEACE tuah cu MAL duhbikmi asi ve. Nu taw nakin MAL nih duhmi asi. Hakha – Falam nih Zu/ Nu duhmi nakin azual deuh. Cucaah Kawlte asimi le NUG he MAL doh ah siseh, CNA I fonh loin MAL kan doh ah siseh, Techin fapar chan tiang Raldaih ni um dawh ansi ti hi Nan tuak cio maw? Credit: Jacob R. Thang