KNU Cawlcanghnak Hmunram Chung Ah Ralzaam Sing 8 Tluk An Karh
=========
Karen National Union kuttang Brigade 7 an cawlcanghnak hmunram chung ah ralzaam sing 8 tluk an karh, tiah Karen nuhrin covo rianášuantu phu KHRG nih an thanh.
SAC ralkap hriamngan kah ruang le kaphnih kar kahdohnak ruang ah ralzaam an karh ngai. Ralzaam pawl ca ah rawl, sii-ai le an umnak bawkte tomhnak ding ah Silpaulin an herh ngaingai, tiah KHRG nih an langhter.
“A hlei in zingzan an herhmi rawl kong ah lungre a thei i bawmhnak ding ca ah tangka kan ngei lo,” tiah KHRG chimnak nawlngei Saw Nan Dah Su nih a chim.
KNU Brigade 3 an cawlcanghnak Bago ramášhen, Mone khuapi le Brigade 6 hmunram Karen ramkulh Kawkareik peng hna cu kahdohnak ruang ah tualchung mi dihlak ral an zaam hna.
Kutkhine Khuapi Chung SAC Ralkap Le Pyituhsit Sakhan Cu TNLA Nih An Laak, Ralkap 7 An Tlaih Hna.Shan ramkulh chaklei, Kutkhine khuapi chung SAC ralkap le Pyituhsit sakhan pakhat cu kan laak i hriamnam tam ngai zong kan laak khawh, tiah Ta’ang ralkap TNLA nih an thanh.
Kutkhine khuapi, Myothit sang chung SAC ralkap le Pyituhsit sakhan cu nizan December 10, zan suimilam 8:30 ah PSLF/TNLA nih luhhnawh in an kah i an laak. Cu sakhan kahdohnak ah cun ralkap 7 an tlaih hna, hriamnam phun 58 le ralkap hmanmi thilri zong an laak khawh.
“Kaphnih kar kahdohnak a chuah hnu ah ralkap pawl cu an zaam i sakhan cu fawi tein kan laak khawhnak a si. Nizan zong Namsan lei ah sakhan 3 kan laak khawh, Manton sakhan cu kan kah lio a si,” tiah TNLA chimnak nawlngei pakhat nih a chim.Kutkhine khuapi ralkap sakhan telh in 1027 Operation kalpi hnu ah sakhan 55 nak tlawm lo TNLA nih an laak cang.Credit: The Chin post