Rakhine ralkap AA sinah va fonh in raltu mi phu an tampinak kong anmah AA upa hna sin zongin kan theih pin ah AA he ral an tuk ttinak cathanh chuahtu phu zong an um pah len hna.
Mah hna phuchung lakah phukhat simi pakhat nih a chimmi ahcun ngaihchiat awk ngai simi thil a hun ummi ah, “ralhmaisuang ah an kan kalter peng, nain an sin ah raltuk tti dingin le an kawngkeng ah va awk thlai dingin kan va kal tikah kan ruah thiam deuh ko.
Nain a harcem mi ahcun, kan ralkap nu pawl kha duh poh in le ningcang loin AA ralkap nih an tuaitam hna mi ah i theihter lo bantuk in i umter a hauh tawn hi a har bik” Note, mitthli a luang i, thin le lung mei bang a alh.
Thawngpang dang: Yangon In Mandalay Lei A Kir Mi Mino 4 Cu SAC Ralkap Nih Motor Chung Ah An Tlaih Hna.Yangon in Mandalay lei a kir mi Taze khua mi mino 4 cu SAC ralkap nih motor chung ah an tlaih hna, tiah tlaih a tong mi hna he naihniam in a um mi nih an chim.
Nihin February 13, zinglei ah Yangon-Mandalay a kal mi Express khualtlawng motor aa cit lio mi mino 4 cu SAC ralkap nih Tada-U gate pawng ah an tlaih hna, tiah theih a si.
“Yangon-Mandalay Express motor he khual a tlawng mi Taze peng Kanhtuma khua mino 4 cu Tada-U gate pawng an phanh ah SAC ralkap nih motor chung ah an tlaih hna. Tlaih a tong mi mino 4 cu kum 23-24 hrawng an si hna i Yangon-Mandalay ah motor pakhat aa citṭi mi hawikom rual an si,” tiah tlaih a tong mi hna he naihniam in a um mi nih an chim.
SAC nih hramhram in kum 18 cung mino nu le pa ralkap tlakter ding tiin phung a nunter ṭhan ni February 11 ni thawk in SAC ralkap nih khualtlawng mino hna cu chekhlat in an tlaihkhih hna, tiah Sagaing le Magway thawng laaknak hrampi nih an chim. The Chin Post