Kan pasal hna thisen nih Chinram chung um ralhrang hmurkhuar vialte phur dih nakah cang hram ko seh mu!
==========
Kan pasal hna thisen nih Chinram chung um ralhrang hmurkhuar vialte phur dih nakah cang hram ko seh mu! Zuun 30 hrawng cu si ko lo maw zei? Nunnak le thisen in cawkmi a si a e… a sung lawi in a ropui tuk hringhran.
Kan Chin Miphun ralkap hna pathian tunih an umpi in an kil veng zungzal ko hna sehlaw CNF /CNA thithruai nak tang paoh ah a kal mi CDF zg kan in upat hna lengah nan lungput hrimhrim a pical kho tuk e lungrual nak nih cun tei nak a chuahpi zungzal ko lai e.
Khit Thit Media nih Chin National Flag tiah a hman ko hi teh. CNF/A chimlo Chin hriamtlai dang an flag cu rovolution flag tiah a hman tawn. Tio hlei ahhin CNO/CNDF timi phu nih a pawng i ralhrang camp pakhat zong lak hmasa lo pi in an flag an rak thlai i a zaan lila ah ralhrang nih an hrawh piak than hna. Cu lio ahcun Khit Thit nih revolution flag tiah a rak hman.
Midang hmanh nih ti khan an kan pompiak, an kan hmanpiak ko ahcun kanmah zong nih hman kan duh cio ding a si ko nain, kanmah chung lila ah kan cohlan duh lo khi a poi ngai. KT Media Chief Editor hi a fit bakmi, a mak taktak mi pakhat a si ve i amah nih khatin a hman cu hmailei ah santlaihnak le tthathnemnak tampi a chuak te ko lai dah.
Chin ralkap CNA, CDF-Hualngoram, CDF-Thantlang le tualchung hriamtlai ṭangṭi phu hna fonh nih Rihkhawdar SAC ralhrang sakhan le Ṭio tiva pawng tlangcung um SAC ralhrang sakhan an laak i hriamthil chaukhat zong an laak chih pinah India Myanmar ramri ah Chin thantar an taar cang, tiah kan theih. Chin National Flag cu Kawlram – India ramri gate ah a dir cang. Hi flag a dir khawhnak hnga nunnak a petu kan pasal tha le hna kan i philh hna lo. Upatnak sang kan i pek hna.
CDF-Hualngoram Nih Rihkhawdar Luhcuahnak Lam Paoh Cu Caan Karlak Chung An Kham. Chin ramkulh, Falam peng, Rihkhawdar khuapi No.1 le No.2 he aa pehtlai mi lam paoh cu caan karlak chung phihkhar a si, tiah Chinland Defense Force-Hualngoram nih nihin ah cathanh an chuah.
2023, November 14 thok in Rihkhawdar khuapi luhchuahnak lam paoh cu phihkhar chung a si i thawngpang daih hnu lawng ah zapi nih hmanh khawh ṭhan a si lai, tiah an langhter. Atu bantuk in thawng kan thanh mi a zul lomi cu harsatnak pakhat khat nan ton sual zong ah ṭuanvo kan in la hna lai lo, tiah Chinland Defense Force-Hualngoram nih cathanh an chuahmi ah an langhter.
India-Myanmar Pehtlaihnak Hlei Cung ah Chin Thantar an Tar Khawh Cang. India-Myanmar ramri pehtlaihnak hlei cung ah Chin miphun thantar cu nihin November 14 ah Chin ralkap hna nih an tar khawh cang, tiah thawng kan theih. India-Myanmar ramri khua a simi Falam peng, Rihkhawdar cu November 13 ah CNA, CDF-Hualngoram, CDF-Zanniatram, PDA le CDF-Thantlang nih tlamtling tein an lak khawh hnu ah atu bantuk hin thantar an tar khawh hi a si.
Kap hnih kahdohnak ah SAC ralhrang a thi mi milu zat cu fiang in theih a si rih lo nain SAC ralkap Major pakhat telh in ralkap 7 nih Chin ralkap sin ah hriam an chiah i, India ramchung Zokhawthar lei ah SAC ralkap 30 leng zong an zaam, tiah CNA chimnak nawlngei Salai Htet Ni nih a chim. Rihkhawdar kahdohnak ah SAC nih Fighter Jet le Helicopter a hman hna i ralzaam minung pakhat a nunnak a liam pin ah khuami 20 hrawng zong hliamhma an pu, tiah thawng kan theih.