Kan ning a hngal tuk eh
================
Ca hi ka ttial bal lo. Nain tutan cu khurkhua ka ruah i kan ning a hngal tuk caah kaa sum kho ve lo. CNF/CNA cu maw CDF bantuk pengtlang hriamtlai phukhat bantuk in an lung an tthumh lo ahcun nan hei ti. Chimram le Chin miphun ca ah kum sawmthum leng dohthlennak a tuah cangmi cu maw, nizan tihni i hriamtlai aa thawhmi nanmah bantuk men in Chinram chung hriamtlai phukhat bantuk men in aa ruah lai?
Kumhrabu 2 chung ramkulh dang hriamtlai phu hna he an i komh lio ahkhan pengtlai aiawh in maw an komh, ramkulh aiawh in a si lo maw? Thein Sein chan in Suh Kyi Chan tiang rampi cozah he hmaitongh in cabuai cung dohthlennak an rak tuah ah khan, Hakha Thantlang ca lawng ah maw dohtlennak an rak tuah? Chin ramkulh le Chin miphun ca ah a si lo maw?
Kum sawmthum leng dohthlennak a tuah cangmi nih zeihmanh an si lo, thazaang an ngei lo na ti sual maw? CNF/A nih kum sawmthum chung dohthlennak an rak tuah chung ah piasen khat tal na rak bawmh bal maw?
Nizan tihni hriamtlai mi hmanh nih pei “kan hnu lei in mipi nan kan dirhkhamh lo ahcun…” nan ti i tlang nan au peng cu. Chin miphun ca ah dohthlennak tuahtu CNF/A cu piasen khat hmanh nan rak bawmh lo caah pei a thazaang a rak der cu.
A tu cu nanmah pawl Chin ramkulh chung hriamtlai phu vialte ngeihmi hriamnam nak hmanh in an ngei deuh cang ti a si hi. Cucu maw kum sawmthum chung dohthlennak an rak tuahmi vialte kal tak in nizan tihni in hriamtlai aa thawhmi hriamtlai phu phukhat menmen bantukin a lung tthum seh nan hei ti. Kan ning a hngal tuk eh. Dohthlennak an rak thawhka in Chin ramkulh huap in an rak thawh i a dongh tiang Chin ramkulh an huap ko rih lai.
Miphun hawile September 18 ah khan CNA Salai Lal Lian Sang nih ThanTlang kah doh ah a kan liamtak. A mah hi Falam peng Ngawn Phun a si. A mui Aa dawh i a pa nih CNA rian a ttuan mi cungah aa zohthla tuk, mahbel te a ruak zong an la Kho lo I an tuar ngaingai ve.
Cun September 23 ThangTlang kah doh nak ah Salai Ling Hung Midat peng nih a kan paamtak. Kum 21 te lawng a si muidawh pum rua tha a si, a nu Le pa an tar ngai cang. an tuartuk. Hakha TT peng fale hna an nu Le pa mitthli hnawtpiak hna uh sioh.
Zaangfah ten a thei mi nih comments ah vun kan tialpiak chap uh. Samaria Mitha kan in kawl hna, ral hmanh kan doh kho lo taantak mi Chungkhar an mitthli kan hnawt hna lai. Voidang bantuk ten Saya Tluang Hre sin in Kan kuat lai. Bulhnak cu, Manglin Bawitlung, 317 457 4750 ah kuat ding si lai.
Ka Khuaruah; Mi fimthiam deuh le mi nungkho deuh poh nih an fale pawl a himnak ah an chiah/kalter hna … Yangon ah zeimaw kaiter ti bantuk, India ram ah zeimaw kaiter pah in refugee bawh pah ti bantuk, Malaysia ah kalter i refugee hngahter ti bantuk, Ram dangah further study in kalter ti bantuk pawl in…
Hiti a si kun ah ziah kannih tah kan fale kan siang cio hna maw, ziah a himnak ah kan rak kalter cio ko hna lo… hohmanh nih chungkhar pumpak nihin kan nunnak ah siseh, hmailei nunnak kongah siseh țuanvo lakpiak aa si țung lai lo …. tiin kan tonmi thil tampi chungin bia kaa hal lengmang i khua ka ruah caan a tam… ….
A sikun ah a himnak hmun ah kal dih cio usihlaw honih dah ramrian a țuan kun lai, a hodah miphun a chanhchuah kun lai…?? Vai/kawlpa sal ahmaw kan miphun dihlak kan taan peng ko kun lai …. tiin khua thuk deuh in ruah deuh kan hau lo maw, vawlei cungah ram pakhat te lawng kan ngeihmi hi ngeihchun nunnak pakhat te thap/pek in khamh le chanhchuah ding rian cu ram hrinfa a simi kanmah cio kan rian pei a si cu.
Zeipoh tong ko hmanh usih miphun caah a si “A PHU KO” tiin ka ruat țhan tawn. Pathian pekmi ramdawh “CHINLAND” kan zaamtak lai lo… na intuarnak kan hrawmpi lai … “Ramhlum Inn Ngeilo Pa” siko hmanhning law kan hngah țhioțheo ko lai.