Kan I Funtom Atlai Tuk Caah SAC Ral Kan TEI Rihlo!
==========
NUG le NLD Party, MPs rual nih kum tlawmpal ah MAL te kan tei lai tiah an zumh caah Federal phu rual he I fonh duh loin Kawl Model in an kan kalpi. NUG Federal kan in pek hna lai tiah an kan hlen. Federal Upadi le Phunghrampi zong tutiang anngeih khawh ti lo. Chin le Tlangcungmi caah NUG aamaa ti lo.
Kum 3 chung kan I fonh khawh lo I kan I pumkhat lo caah MAL te kan tei khawh hna lo, tiah NUG, MPs rual anlung afiang caah Tlangcungmi Duhmi Federal aduhmi MPs vialte cu WCCCC ah an I funtom dih cang. Federal duh lo lawng te antang cang. Kanral ansilo nain Federal Ral ansi. SAC kan doh pah in Chin Nation le State Building ah CNF Nih an kan hruai I Lang Ak MPs hna cu Kum 2 chung lungfim lakin an cawnpiak khawh cang hna caah MPs + CNF (Defecto + Dejure) nih WCCCC aasiam.
MPs 9, CNF 5, Local CDF8, Myone CDF9 in WCCCC cu 31 Member in siam asi. Chinland Constitution Draft aalim cang. Chin land Council siam hnu ah Chin Cozah, Chin Upadi siamtu phu le Chin High Court siam rih asi lai. 23rd Oct 2023 thawk khan Camp Victoria ah November 2023 Chinland Conference tuah khawh awkah WCCCC meeting tuah lio pi asi.
Chinland Council le Chin Nation Building/State Building caah rian 80% a hlawhtlin cang. Hriamtlai 19 + MPs = phu 20 kan si. CNO/CNDF le ZFU/PDF Zoland lawng ankai lo caah 10% an bau.
Democracy phung in cun 90% an kai khawh caah 100% teinak kan hmuh. Amen Halleluiyah. WCCCC ah akai lomi phu 2 cu Upa hna nih an sawm lio hna asi.
NUG hruainak lawngin MAH kan tei khawh lailo ti kha NUG hrim nih an hngalh cang nain Chinland kuri tu CNF/CNA ah I funtom loin MAL tei awk ah adoh mi Chin Mino hna hruaimi Hriamtlai tlukin ahrut mi an um ti lai maw? Churte le Ak Ak pawl hmanh anlung piang cang nak lak ah mu. WCCCC le Chinland Council siam awkah NUG nih power pekmi cu CNF ansi tihi kan hngalh tawn rua lo. Mah le State cio ah Federal in Cozah phun 3 le Constitution siam kha NUG nih 100% an cohlan cang.
Kuri tu ah EAOs cu full power pek asi. CDFs le PDF cu NUG rianpek mi ansi lo. Panglong biakam ningin Tlangcungmi Duhmi Federal aduh tu vialte CNF + MPs kuri mi WCCCC ah kan I funtom dih cang.
Atang mi cu Ram ui, Ceihngia, Mifir le damiah lawng antang cang ko. Kansi lo anti ahcun Gang Stars le Mafia Guide ansi ko lai dah.
SAC thluk hnuah Chinland le Chin Miphun ral lianbik asi ding mi Hamas le Hezbollah phu ansi ko ma. WCCCC ah umlo phu nih Chinland Council dang dirh ve awkah, Isacc Khen nih Ting 300 – 500 Budget achuah I ansawm mi Pengtlang upa le MPs chuekhat cu an hlawhtlin rua lo. Pengtlang nih thimh loin le aiawhtu silo piin ankai caah, Pu Htet Ni nih rolung abunh mi pa te kha ningzakin.
Anih le Annih cu ningzak nih akaltak mi hna ansi cu aw.
CNF/CNA ah I funtom dingin Kum 2 leng kan tlai caah Kawl Ralhrang kan tei rih lomi hi asi. Nan rat duh lo ahcun kan pennak atlun tikah philh in nan um ve lai. Atang mi Phu 2 le adang Upa hna hi Nan rat duh hlei lo ahcun Sathuh bawhmi Lang Ak nansi cang ko. Todan le Popular, Credit nan duh tuk ah nan tlau cang hi. Amah thawng nung minih amah kha kan thlau ding asilo. Chinland le CNF thawngin anung mi Dohthlen tu lawng te kansi. Nan rat duh hlei lo ahcun Hmanthlak taar mi hna sinah kal lawl law cang ko uh. Kik lo lum lo in um hlah uh, Kan in chak cang hna lai.
Democracy le Biakamnak Azulh Lomi Hruaitu Hna. Chiatserh buin biakammi kan zulhlo caah Panglong le Federal an thi. Mirang nih Kawl cu an I hlen hna lai an kan timi cu Bible nakin atling deuh.
Falam Civui ah Ramukbawi kan thlak hna I Chin Pennak adih I Kawl Pennak aathawk. Kanram le Miphun tiangin Kawl ta lawngte ansi cang. Democracy in kan kal lai tiah nan kan ti nain Khoi Democracy cu?
Ralhrang uknak le Kawl pennak lawng tein asimi Chinland le a miphun. Falam Civui ruangah Chin pennak adih cikcek, Chinland Burmaland ah aathlen N asinain CND cu tlongai in kan tuah I kan sopawt tuk rih. Saal Sinak le Miphun dang pennak aaziak tukmi Chin Miphun kansi Sual maw?
Pau Dohthlennak kan phan. Hruaitu cu Patlung nakin kan par deuh. Ṭhalcan le Vawlei kakmi hmanh in kan par hlawimai hna. Keimah lawng Chinland hruaitu, Cakei, Chiandeih, Vantawi Thang tiah kan I chalh hna. Chinland cu Democracy le Federal ramin siam in Canaan ram bang lutpi awkah Ralhrang (Civil + Ralkap) Cihmih awkah Raldoh cuahmah asi. Nain Hruaitu Relcawk lo nih Democracy le Federal kan kal tak I Ralkap phung (Militarization) tu in Chinland cu kan khat ter.
Pachia bangin kan par ter I Rul siivai chiakha cu Chinland le a miphun cu kan dinh hna. Kawl Uktu kip lawng maw Panglong, Federal le adang biakamnak an zulh lo tiah Chinland Pau Dohthlennak hruaitu 90% leng nih Kan biakam le senthuh ciami kan zulh ve tilo. Kanmah duhmi lawng kan hngalh I Mipi duhning, democracy, rule of law, Pumkhat le lungrualnak kan hngalh tilo.
CDF dirhka ah CNF CNA hruainak tang ah kan um lai tiah Vawleipi hngalh in thanhca chuahpi cio asinain tucu Pathian hmanh nih uk khawh ding kansi tilo. Bawi si nan thiam tuk I Mipi cu chiahhrin ah nan kan tuah.
CJDC nih ZRA le MDF cu Ralhrang ansi tiah an thanh nain CNF CNA lawng kan puh hna hlei ah ZRO/ZRA he Mahamei kansi rih. ZRA ralhrang asi tiah CJDC nih ati lio ah CNDF cu CJDC GS ansi. NUG le CJDC nih CNA cu chin huap asi tiah Senthuhmi in fekter asinain kanram ah um hlah ticu. CJDC le MPs nih cozah dirh asilai ti lio ah senthuhnak le biakamnak angeih cang mi ZFU/PDF Zoland le CDF Mindat ankai lo.
Mah Chiaṭha I hlik asinain CNA an puh hoi. Biakamnak le Senthuhnak angeih ciami CNO le Salai Peter Thang telin Kawl Party Luban nih CNA ruangah anti hoi. ICNCC cu NUG le CNF nih siam mi asi. Federal le Tlukruannak in akal lo ahcun CNF nih Veto in a hnawn khawh timi cu CJDC zong nih senthuh asinain an hnawn I WCCC aum tikah kannih kan I tel ve lai lo kan ti hoi ai.
Chinland Council dang kan tuah lai nan ti hoi. Nan taw le nan kaa nan I palh bang. Lungthin, thluak lo Cuap in na tuak ruah. We Are One in Chin, Pumkhat sinak le Lungrualnak in Chin Nation Building kal buin Federal lei ah kan kal lai I SAC kan thluk lai tiah Senthuh mi asinain Pumkhat sinak nan hrawk dih hoi. Ninghngalh tukin khua nan sa rih CNA cu Chin huap lo, kanmah kan thawng deuh hei ti phun in Khuazeimaw in kan um hoi. Tutan Hruaitu Chuekhat tlukin a chiakha mi le thluakchiat mi hi Chinland ah um ti hin hlah seh. Credit: Jacob R. Thang