Chin Ramkulh Kanpetlet Peng Kahdohnak Ah SAC Ralkap 20 An Thi
===========
Chin ramkulh, Kanpetlet peng ah thazaang 100 hrawng he rallam a sialtu SAC ralkap hna cu Chin ralkap le PDF phufonh nih an kah hna i SAC ralkap 20 an thi, tiah NUG runvennak vuanci zung nih nihin July 26 ah a thanh.
2023, July 24 zinglei suimilam 8:27 in suimilam 7:52 tiang Kanpetlet peng Mawchaung le Hlaingdot kar ah rallam a sialtu SAC ralkap ṭatmah 88 le khahlahyiah 304 in thazaang 100 hrawng cu tualchung ralkap phufonh nih an kah hna. Cu kahdohnak ah cun SAC ralkap 10 an thi, mipi ralkap lei in ralkap 4 hliamhma an tuar, tiah an thanh.
Cu ni ṭhiamṭhiam July 24, zaanlei suimilam 5:00 ah SAC ralkap ṭatmah 88 kuttang um, khahmahyiah 301/307 phufonh in thazaang 150 hrawng nih rallam an sial ṭhan caah CNA/CDF, PDF phufonh he kaphnih kar kahdohnak a chuak ṭhan. Cu kahdohnak ah cun SAC ralkap 10 an thi i, hliamhma tuar zong an tam. Tualchung ralkap phufonh lei in ralkap 5 hliamhma an tuar.
Ka
SAC ralkap hna nih Magway ramṭhen le Chin ramkulh uk ding in thazaang tampi he rallam an sial pinah hriamngan le vanlawng hmang in kahdohnak an tuah nain tualchung ralkap phufonh nih lungrual tein kan rak doh hna, tiah NUG runvennak vuanci zung nih a langhter.
Myanmar Ram Pumpi In Ni Hnih(24 le 25 July) Chung Kahdohnak Ah SAC Ralkap 137 An Thi. Myanmar ram pumpi in July 24 le July 25 ni hnih chung kahdohnak ah SAC ralkap 137 an thi. Tualchung hriamtlai phu lei in ralkap 6 nih ram le miphun ca ah an nunnak an pek. Ni khat chung SAC ralkap a thi mi le mipi ralkap nunnak liam mi hna cazin langhtermi hi tualchung hriamtlai phu hna nih an langhtermi le an chimmi cazin chung in kan langhter, tiah Khit Thit Media nih a ṭial.
July 24 chungah Bago ramṭhen in SAC ralkap 43, Chin ramkulh Kanpetlet ah 12, Karen ramkulh ah 8, KNU brigade 6 hmunram ah 10, Sagaing ramṭhen ah 14, Shan ramkulh ah 3, an dihlak ralkap 90 an thi, tiah theih a si.
July 25, 2023 ni khat chung kahdohnak ah Sagaing ramṭhen in SAC ralkap 25, KNU brigade 6 in 11, Tanintharyi ramṭhen in 6, Magway ramṭhen in 5 an dihlak ralkap 47 an thi. July 24 le 25, ni hnih chungah SAC ralkap 137 an thi, tiah Khit Thit Media nih a langhter.
Tualchung hriamtlai phu lei in July 24 ah Bago ramṭhen in 1, Chin ramkulh Kanpetlet ah 1, KNU brigade 6 hmunram ah 1, Karen ramkulh ah 1, an dihlak ralkap 4 an nunnak a liam pinah July 25 ah, KNU brigade 6 in ralkap 2 an nunnak a liam, tiah Khit Thit Media nih an langhter.
Kanpetlet Peng Kahdohnak Ah SaC Ralkap 7 An Thi, CDF-Kanpetlet In Ralkap Pakhat Nunnak Liam! Chin ramkulh Kanpetlet peng, Cinduai ah riahcaw chan ding in a kalmi SAC ralkap le Chin ralkap phufonh hna cu nizan July 24 ah fak ngai in an i kap i cu kahdohnak ah cun SAC ralkap 7 an thi, Chin ralkap lei in ralkap 4 hliamhma an tuar, tiah CDF-Kanpetlet nih an thanh.
SAC ralkap nih vanlawng in kahdohnak a tuah pinah hmunhma i thleng in ralvengtu hna le riahcaw chantu hna cu hmunhnih in rallam an sial caah kahdohnak a fak. Nizan, July 24 zinglei suimilam 8:30 in 9:00 tiang Cinduai ah riahcaw chan ding in aa thawhmi SAC ralkap 300 leng le Chin ralkap kar kahdohnak a chuak i, SAC ralkap 7 an thih pinah hliamhma tuar zong an tam, tiah theih a si.
Zinglei ṭhiamṭhiam ah Kanpetlet vanlawng bual pawng ah SAC ralkap le Chin ralkap phu hna cu an i kap ṭhan i cu kahdohnak ah cun Vakok battalion in ralkap pakhat nih ram le miphun ca ah a nunnak a pek, tiah CDF-Kanpetlet Vakok battalion nih an thanh.
Kanpetlet peng ah ni 10 chung hrawng kahdohnak a chuak cang i, cu kahdohnak ah cun SAC ralkap a thi mi le hliamhma tuar mi hi 30 leng an si, tiah Chin ralkap lei nih an thanh. Kanpetlet ah pehtlai in kahdohnak a fah caah mipi bawmhchanhnak kan herh ko, tiah Kanpetlet peng zatlang uktu phu le Chin Defence Force -Kanpetlet nih an chim.
Khampat Thawngpang Hnubik! Khampat cu I kahnak zual lei a panh caah ralhrang nih July 24 ahkhan helicopters in voi 4 ralhrang a vun chek hna. Kanan tiva a in Kanan lei leikuang ah a thumh hna I ralhrang minung 30 le meithal zun 30 cun an zenkuan 18,000 cu a dihlak he rak thah an si.
Hi kong hi biatak tein ka dothlat i Kanan tiva leiin Tamu lei a rak kaptu PDF nih an thahmi hna asi an ka ti. Ralhrang nih helicopter cu Kanan leikuang ah thum ngắm tilo caah an mah sakhan pawng ah a thumh cang hna ti asi.
Khampat No. 1 cu an dihlak ning in zaamtak cang, Kanan C group zong an zaam dih cang. Khampat No.4 a tam u cu lungretheih in an zaam dih nawn ve cang. Ralhrang bomb nih Khampat No 2 inn pahnih a khenh tiah an ka chimh. Tuzaan cu ruah a sur tuk i meithal thawngpang a dai rih in an chim. Khampat cu leikuang hmun asi bantuk in tulio cu fang phun cingling asi caah fang phun manh loin a zaam mi an tampi ti asi. Apoi kho taktak!
Khampat Thawngpang Theih Tawk; Khampat le Kanan mipi nih ral hi zual lei panh lai an zumh caah le ralhrang nih hriamnam ngan le vanlawng in minung a vun chiah caah khua an zaamtak thluah ko! A poi le poi ngai ko!
Ralhrang nih kee leiin uico a vun kuat khawh ti lo caan helicopter in uico le hriamnam voi 3 a vun a vun chiah hna. Asinain khi pawl helicopter cu minung tam a phurh kho mi an si lo caah cuti minung tam cu an si lai lo 10/20 cung cu an si lai lo tiah zumh asi. (Detail tukin tial ahcun a poi sual lai caah kha vial khan za rih seh). Credit: Chelsea Bawi
Harnak Teitu; Voikhat cu a nunnak ah harnak zatlaaknak in akhat i lung dong in lamkam ah kutdok dirhmun in akumkum in avaih hnu ah anun ai sersiam țhan i mi lian ngan, mirum taktak ah ai chuah țhan mi tarpa cu bia an hal ti asi. Ka pu, ‘mah tluk lamkam kutdok dirhmun in atu hi tluk mirum le hruaitu țha ah hin zeitin dah nai chuah khawh țhan ? tiah an hal.
Tarpa; nikhat cu, lamkam ah kutdok dirhmun ka um lio ah ka pawng te ah a ti ahaal tuk mi uico pakhat a ra i ti ding in tiva cu a hei fuh. Tiva a phanh bak ah ti din loin ti chung kha heh tiah a boh i ahung kir țhan, cun tlawmpal aum i tiva cu ahei kal hnawh țhan i ti chung azoh cang ka in heh tiah aboh țhan i ahung kir țhan rih.
Cu tikah zei ko dah asi hnga tiah ka va zoh i uico nih khan amah le amah a thlapahle (shadow) kha ti chung ah ai hmuh mi kha uico dang ti chung ah arak um rua ati i ațih caah aboh mi asi kha ka hngalh. Tiva kam cun ka zoh ko i uico cu a tihaal kha a celh ti lo caah thih ah thih ti in tiva chung ahcun a zuang i ti chung ahcun zei uico hmanh arak um lo. Ațih tuk mi amah thlapahle cu ti chung ava luh hnawh hnu cun arak um ti lo caah ti cu diriam tein adin i ahung chuah kha ka hmuh.
Cu tikah uico nih amah le amah thlapahle (shadow) țih ruang ah amah le amah ai boh, ahmaika aum ko mi ti hmanh din ngam loin a um nain ti chung i ava zuan hnawh taktak tikah cun zeihmanh țihnung arak um lomi nih fim akan chimh. Cucu harnak hi keimah le keimah pei kai pe ko hi, ziah ka hmaika ah thil tuah ding (Opportunities) phunphun zingzan a um ko țung, ziah mah hi ka țih, achung ah hin azuan in zuang ve cang ning ka ti i ka vun țuan tak cu mah dirhmun hi ka phan ko e tiah a leh hna.
Harnak hi kan mah le kan mah kan i pe, kan țih, kan ralchia, kan i phuhrung, kan i pheo i kan tlaunak hi asi. Cucaah aho zoh hna hlah, na hmaika um mi rian te kha zuan hnawh hmasa law i thok colh ko. Cucu nunnak arak si. Cu ni thok cun harnak teitu na si colh lai.
Kan thlapahle kan i țih sual maw? Hnulei kan dirhmun i tei peng mi , miphun dang saltaang sinak kan thlapahle kha kan țih peng sual maw? Ziah kan miphun ningpi in doh in thlennak chung ah i peih viar lawlaw caan asi cang lo maw? Let arise and fight together! Tho dih usih law doh cang hna usih! Ka lawm. Victor Khen Sang, July 24, 2023