Ka nu le ka pa cawm ta manh lo in ralram ah ka thi lai ti ka phang!
=========
Ralkap, thawn ding, cah ding i ti peng hi a dik lo mi tha i pek nak asi tiin ka ruah. Zei thil ton poh ah “Ralkap na si lo maw” hei ti phun mu. Ralkap si ko zongah an thinlung a daawng kho, an ngeih a chia i an lung a kuai kho ve. Minung lakah minung an si ve, ti hi kan philh piak sual hna lai ti ka phang.Thih an tih i harsat nak zong an tih ve ko. Tlamtlin lo nak tampi lak ah tlamtling ding in i zuam cio asi ko.
Tha i pek thiam lo ah cun thazaang zor nak ding biachim le tuahser nak cu kan hrial cio ding asi ko. Kan ralkap pawl Counselling ka tuah hna. Kan dih hnu ah catlap ka pek hna i “ tu lio na lung um zalong tein tial hna” tiin ka ti hna.
“Kan hawi le nih a kan dinh tak i ram dang hna an phak hnu ah, rak i zuam u mu, taangchih u mu, 5ting” ti pawl in ca an kan kuat ah ka duh lo.” “Ka nu le ka pa cawm ta manh lo in ralram ah ka thi lai ti ka phang” “Ruah lo piin Dothlennak adih cang ti siseh law inn ah za long tein tlun ka duh”. “Sa bak khi khengpi in um seh law duh chung ei ka duh”. Tampi an tial. Kan share than te hna lai.
Tu lio kan thinlung a dam maw ti hi phone battery bantuk in kan ruah lai i kan i tah hna lai. 0-5-25-50-75-100 Nang na battery zeizat na si tiin pakhat tete in ka hal hna tik ah a tambik 50 pakhat lawng asi. Pum dam ko zongah thinlung dam lo khawh asi. An thinlung a dam ter lo bik tu ka hal tik hna ah an chim cio mi a tlaangpi pathum in a um. A hnu ah ka rak peh te lai. Pum tlamtling in taksa dam tuk ko lio ah thinlung tlamtling loin le thinlung zawt khawh(damlo) khawh si .Nan fel tuk, Bawipa nih lam an hruai chin hna seh.
Laimi zapi nih kan theih tuk lomi Japan ralkap; Ralpi pahnihnak lio ahkhan Japan nih ralkap commando tampi a ngeimi lakah vawleicung nih an tih bikmi le minthang bikmi cu “kamikaze” pilot pawl an si. Annih hi ram le miphun caah nunnak pek bakin ai hlan mi an si hna, vanlawng mong (pilot) lawngte an si i an vanlawng mongh mi hi I thihpi colh ding an si caah a chuahnak kutka a ngei ti lo. Ralram ah an zuan rawh ahcun an sung zong awn zongah i thihpi colh dingin vanlawng kha ser piak an si hna.
Hihi Allied (US le a hawi le) nih Japan an rak i herhnak bik asi. Kum 1945 lio Asia-Pacific War, Philippines Ocean cung i an I kahnak hrawng le bang ahkhan tih an rak nung kho taktak. 1941 in 1945 chung ahkhan kamikaze pilot 3,800 hrawng an rak thi i Allied naval 7,000 renglo an rak thah khawh hna.
Rilipi cung i US battleship le air carrier ship pawl hi zeitindah kan i thihpi khawh lai tiin bomb le a alh kho khatthup i phurh in US battleship pawl cu diving rumro an rak thuh hnawh hna. US nih anti-air gun in hehchet tiin an rak kah ve hna i Pacific Ocean cung ahcun purh.. tiin an pil, a rak tuksum tuk hringhran ti asi.
Japanese nih Pacific War lio i Singapore, Malaysia, Myanmar hrawng i teinak a rak hmuhnak theipar kha hi kamikaze pilot pawl thawng hin a rak si ti asi. Kha Japan pasaltha hna tuanbia kha vawleicung mipi nih an ralthat ning kha an rak philh kho lo, tu ahcun ram tampi nih thihcilh drone an sermi pawl khi Japan paraltha hna min bunh in ”kamikaze drone” tiin min an bunh i Ukraine vs Russia war ah an i thathnempi tuk hringhran.