Ka Mi Hna Chuah Zalen Dingin March Thla Ni 10 Tiang Caan Kan Peek _ Israel. Israel war cabinet minister Benny Gantz nih Palestinian misual hriamtlaiphu Hamas nih Israel minung ralphaw ah an tlaihkhih mi hna cu March thla ni 10 hlan ah chuah zalen ansi loh ahcun Rafah khuapi cu tanglei in kan luhhnawh lai i kan kah lai tiah a chim.
Egypt ramri pawngah a ummi Rafah khuapi hi Palestinian minung mtd 1.5 leng nih hmunhimnak hmun ah an hmanmi khuapi a si. Cucaah Rafah khuapi hi Israel nih tanglei in a kah si ahcun nunnak tamtuk a liam lai tiah vulei cung ram dangdang nih an chim.
Egypt, Qatar le US nih remnak um khawhnak dingah pehzulh in cawlcanghnak an ngei peng nain tuni tiang cun zeihmanh a chuakmi thilṭha umrih lo. Benjamin Netanyahu hruaimi Israel cozah cu tualchung mipi nunnak laak tilo dingah US nih nawlnak a tuah peng ko nain sullam a ngei hlei lo.
Benny Gantz nih Rafah khuapi tanglei in kah a si ahcun tualchung mipi thi le hliamtuar an tlawm deuhnak lai tiin Israel, US le ramdang bawmtu cheukhat hna nih Rafah khuapi tualchung mipi cu hmunhimnak ah hruaichuah dingin rianṭuan hram an thok tiah theih a si. Lungmili Post
Thawngpang dang: SAC nih ram mi ralkap tlakternak upadi an nunter hnu ah Yangon khuapi um Thailand Emabassy ah visa a soktu minung 7,000 leng an phan cang, tiah Bangkok Post nih a ṭial.
Thailand Emabassy nih visa a soktu ca ah token lethnih in an pek cang hna i ni khat ah minung 800 an pek hna kong Thailand cozah ṭuanvo ngei Kanchan Patarachoke nih a chim.
“Token kan pek mi hna hi 2024 March 1 tiang an khat cang i hi nakin visa a soktu an karh lai ti kan zumh,” tiah nizan February 22 ah a chim. ASEAN biahren ning ah Myanmar ram mi hna cu Thailand ram ah visa loin kal khawhnak nawl onh an si ko nain visa lo cun ni 14 chung ca lawng a nguh.
SAC nih ram mi ralkap tlakternak upadi an nunter hnu ah mino tampi ramdang ah a kal mi an um bantuk in ramdang kalnak an tuah cuahmah.
SAC nih uapdi an ser mi ah pa kum 18-35 le nu kum 18-27 tiang an auh hna lai i a tlawm bik kum 2 chung ralkap tlak ding, tiah nawl an chuah. Zaw Min Tun nih cu ralkap a tla kho ding minung nuai 13 hrawng an um i kum khat ah minung 50,000 kan auh hna lai, tiah a chim. Crd: The Chin Post