Jerusalem Khualipi Dindaihnak Caah Thlacam Fialmi Kan si!
===========
Thluachuah Co Kan Duh I Ral TEI Kan Duh Ahcun Israel Miphun Caah Thlacam In Thluachuah Kan Pek Hna Awk Asi. Ralkapbu Bawipa Pathian nih Zumhtu le Krifa an kan fialmi asi. Thluachuah an pek mi cu thluachuah zaa ka pe hna lai i, Chiat an serh tu cu Chiatserh ansi ve lai tiah Pathian nih Abraham sinah Biakamnak a tuah. Pathian Biakamnak a zumhtu vialte nih Israel (Judah) caah thlacam in thluachuah pek hi kan rian nganbik asi.
American nih Cucu Fek tein an i tlaih i, atak (Practical) in an langhter caah Vawleipi ah USA cu one (Top) ansi zungzal. USA nih Israel asual le suallo kha an zoh tilo. Pathian fa le ansi caah a bawmh zungzal hna caah American Fapa Upabik tiah anti phah.
Psalm 122:6 Pray for the peace of Jerusalem: Jerusalem Daihnak caah Thlacam u! Jerusalem lei ah hoih in Ni 1 voi 3 tal cu thlacam awk ah le Israel Miphun thlawchuah pek awk ah fialmi kansi nain Cucu CHINMI nih kan philh caah tu dirhmun kan phan.
Israel miphun kansi timi nakin Jerusalem daihnak le Himnak caah thlacam pek in thluachuah pek hi Pathian biakamnak cu asi. Cucu Chinland hruaitu hna le Pastorte nih kan philh tawn caah Kum 70 tiang kan ram a luat hlei lo i saal ah kan tang hi asiko.
Cucaah Tutan Israel le Palestine (Philistine/ Edomites/ Esau cithlak) Raldohnak ah Vawlei khuazakip ah aummi Chinmi nih kan zapi tein pakhat bau lo tein Jerusalem Daihnak caah le Judah mi caah thlacamnak le Rawlulh nak he can kan hman khawh ve ahcun Kan Chinland Ral vialte kan tei lai, kan ram a luat ve lai.
Jacob a upa Esau Cithlak cu Palestine asi i a bawmh tu Arab ram hna cu Abraham le Haggar nih an hrinmi Ismael cithlak ansi. Chinmi (Mizo, Kuki, Zomi, Laimi Telin) Israel cithlak kansi timi nakin Jerusalem le Israel miphun caah thlacamnak le Blessing pek awkah fialmi tu kansi deuh. Pathian Strategic Planning asi.
Tutan Gaza (Hamas Cozah) le Israel Raldohnak ah Chinmi nih ruahnak kan cheuh mi hna ningin kan tuah khawh ahcun Kawl Rallian MAH zong kan tei lai, Blessing Chinland / Miphun asi lai. Tutan Chinland Hruaitu aatimi vialte siseh, Pastorte le zumtu vialte nih Jerusalem daihnak caah, Israel nih ral an tei nak lai i, thluachuah an hmuh ding ah thlacam (Rawlulh) awkah kan sawm hna. Kal sual ah rel hrim hlah uh, Kan luatnak le blessing asi.
Israel – Palestinian buainak a zual tertu bik pakhat: Oslo Accords. Oslo Accords cu September 13, 1993 ah Israel le Palestinian Liberation Organization (PLO) karlak remhdeihnak ca-ah hnatlaaknak an rak tuahmi asi. Asinain, cu Oslo Accords nihcun Israel le Palestinian karlak buainak le dohnak faak chinchin in a chuahpi.
Hi biakamnak an tuahmi nihhin Palestinian Authority cu, anmah tein police/security i ngeihnak nawl a onh hna. Meithal i tleihnak nawl zong a onh hna. Hi zawn te hi, Palestinian an mifim/scholars cheukhat pawl nih an rak duh bak lomi asi. Aruang cu Palestinian pawl kan kutchung ah meithal a tam deuhdeuh lai ii; Israel he buaibainak kan chuak deuhdeuh te lai, ti kha an rak hmuh cia.
Oslo Accords nihhin Palestinian pawl cu: cu zat, kha zat tiang lawng security/police ca-ah meithal nan i tleih khawh timi (limit) tuah piak asi nain: Palestinian Authority nih duhchung in meithal an tleihter hna. Minung hi, methal kutchung a vun um cio tik ahcun an lung a puam cio rua. Meithal he Israel dohtu tapung buu a vun karh thluahmah. Israel kha an kahdoh chin lengmang. Palestinian Authority nih: cu hna pawl cu a kham kho lo; “a kham duh hna lo”.
Cun, Oslo Accords ningin 95% hrawng hi, Palestinian nih an co dingah an i ruah. Nain, Israel nih 50% hrawng lawng a tinco ter hna. Cu chinchap ah: Israel nih Palestine ram ah inn-lo an sak/an kauh thluahmah rih. Cucu Israel nihhin deihnak (peace) taktak a rak i timhmi asi lo; aa kan leirawi asi, tiah Palestinian nih an i ruah.
Israel nih uk le rialdiit deuhmi tang ii, um peng cu Palestinian pawl an si-vaang/an celh ve lo. Palestinian “luatnak” caah ti-in tapung le “ralhraang” pawl nih Israel kha an va kah lengmang hna. Israel nih faak chinchin a kah ve tawn hna. Mipi (civilians) tu hi faak bik in a tuar-ing pengmi an si.
Palestinian hi ram pakhat bantukin an dir ahcun West Bank le Gaza Strip hrawng khi ralhraang pawl nih hmunhma an i laak tuk lai ii, Israel security caah a hiim lai lo, ti an phang peng ve. Cucu nihin tiang ah two-state solution a si khawh lonak aruang pakhat aa telmi asi.