Israel Nih Hamas Khuapi Hmanung Bik Rafah Cu Tanglei In Kah A Timh Cang
=========
Gaza thlanglei hmunram Hamas Khuapi Rafah Sakhan cu Israel ralkap nih tanglei in kah a timh tiah Israel Prime Minister Benjamin Netanyahu nih a chim. Rafah khuapi hi Hamas hna i hmanung bik kulhpi a si cang tiah ABA News nih a langhter.
Israel nih Rafah tualchungmi hna himnak a ruah caah kahdohnak a chuah hlan in mizapi cu hmunhimnak ah hruai hmasa dingin timhlamhnak an ngei tuah Netanyahu nih a chim.
Gaza chaklei le thlanglei hmunram cu Israel nih a kah cang hna caah tualchungmi tampi million tluk cu Rafah khuapi ah hin an um hna tiah an langhter. February 11, ah Rafah khuapi lengah Israel cunglei kahdohnak in minung 25 an thi tiah Palestinian tualchung Media cheukhat nih an langhter chih.Crd: Lungmili Post|