Israel cu a dirkamh t’hup ko hi. Iran le Muslim ram dang pawl a holh ngắm bak lo hi!
========
Pu Den chungkhar le Israel an i pehtlaihnak hi a rak thuk ngai. A fapa, Beau, nih Jewnu a t’hit i 2015 ah cancer zawtnak in a thihtaak. Beau nih a thihtaakmi nuhmoi cu a naupa, Hunter, he an i t’hium. Pu Den nih fanu pakhat te a ngeih, Ashley a si. A va hi Jew miphun a si ve. Pu Den chungkhar le Jew miphun cu aa t’hen kho ding an si hrim lo.
Pu Den Administration ah rian ngan khinhmi Jew miphun hna: 1. Janet Yellin (Secretary of Treasury), 2. Tony Blinken (Secretary of State), 3. Mandy Cohen (Director of CDC), 4. Anne Neuberger (Cyber Security Adviser), 5. Thomas Nides (US Ambassador to Israel), 6. Eric Garcetti (US Ambassador to India), 7. Ralm Emanuel (US Ambassador to Japan), 8. Dan Shapiro (Adviser on Iran)
US mirum tamcem cu American-Jews an si chinchap. Vawleicung ah $ Billions($1 Billion =$ 1000 Millions) a ngeimi Jews hi minung 267 an si. America hi Jews pawl thluak le paisa nih a mawngh ti usihlaw kan palh tuk hnga lo dah ti ding khi a si. Vawleicung miphun vialte lakah riantuan aa zuam bik le thluak a t’ha bik zong hi Jew miphun an si tiah research tuahtu nih an chim. Kan thluak a t’hat bik lo zongah zaangkhawn riantuan tal hi cu kan izuam t’ualmal ve a hau ko hih! Miphun tampi hna lakah a tang bik i a ummi CHIN kan si lonak dingah mu!
Thluak(Fimthiamnak) in mi kan tluh lo hmanh ah rian 2 asilole rian khat le a cheu tal cu kan ihnek a hau. Yellow(Japan, Korea, Tuluk) hi rian 2 a kemh lo an um lo tluk a si. Caan pek zat in a theitlai zuun bak a si ve i mu!
US White House le Administrative vialte hnarcheu nak tam deuh hna khi America Jews hrin/thlak lawngte nih an tlaih dih. Minthang International Diplomats Dr.Henry Kissinger, Madeline Albright te hna pawl mu. Sautuk pei Pathian nih really hard training a pek ve hna cu! Tei ding cu chim lo, tluh ding hmanh an t’ha lo. A no liote in State level ah politics a tuah cang. US Senator a si hi kum 30 hrawng lawng a si rih. Politics cu a thiam bak. Pu Vom cu duhpoh in a tengh khawh ko. NATO rebuild a tuahmi nih Russia le China cu conrup in a tuah ko hna hi.
2015 lio ahkhan, kum 15 ngakchia, Judah pa, a min Nathan cu minutes 15 chung a rak thi i, mah a thih, minutes 15 chung ahcun langhnak tampi a hmuh. A hmuhmi langhnak cu a nulepa nih an chimter duh lo nain anmah Judah biaknak Upa, Rabbi nih an biakinn ah interview a tuah i, Youtube ah an chiah. Anmah Hebrew holh in an chim i, English subtitle in an leh. A zoh a har pah ngai. A chimmi hi a tampi nain tulio Hamas le Israel dohnak he a von ipehtlaih ngaimi pawl tete ka von thai.
A hmuhmi hna highlight cu, WW3 a chuak lai. Arab le Muslim nih Israel cu an doh lai. A min Gog timi pa nih ral cu a thawk lai. Gog cu Obama a si. Mithi pahnih an nung tthan lai. Rapture/ Thianghlawr a um lai tibantuk pawl a hmuh. Amah hi Khrifa a si lo. Biaknak lei ah a ttang ngaimi zong a si lo an ti. Gog cu Obama a si ti caah, Obama cu President zong a si tung lo. A dik lo tiah tampi nih an rak ti nain, tulio Israel le Hamas idohnak ah President Obama min hna a von chuak tthan lengmang tikah, ruah ding ngai a von um tthan.
A chimmi tawite:- Ka pum he ka von itthen i, ka pum cu ka hmuh ko a ti. Cun, Van ah cawi thlauhmah ka si i, Kua pakhat ah a nganmi ah ka lut i, cu ahcun, mei ceu pakhat fa te in ka hmuh. Kua chung chung ahcun, cycles tampi an um i, thlarau tampi an um hna a ti. Mei ceu lei panh cun ka kal thluahmah i, mei ceu cu a ngan deuh, ngan deuh i, a hmun ka va phan, a ti. Cun, Gan Eden timi an hmuhter a ti.
Rabbi nihcun, Messiah hi ahodah a si timi na theimi tiah a hal. Ka thei kho lo a ti. A sining lawng in ka theih khawh a ti. Hika ah a um ko. Hika ah a um awk a si. A thimi kha Messiah cu a si kho lai lo. Minung nih an hngalmi, hika ah a ummi a si. Asinain, Messiah ah a von si tikah, mizapi an khuaruah a har te lai. Mah hi maw, Messiah cu a si? wow, That’s Messiah? tbk in an ti te lai a ti.
Ngakchia Pa te nihcun, Kan dihlak in sual ngaichih kan si ahcun, thil a cang hnga dingmi hi a cang lai lo, a ti. Rabbi nihcun, zeidah a cang lai? tiah a hal. A lehmi cu:- Ral nganpi a chuak lai. Arabs le Muslim vialte nih Israel cu an doh lai. Vawleo cung ram vialte an itel dih cio lai a ti. Rabbi nihcun, ahodah mah Ral cu a thawk lai? tiah a hal. A lehmi cu, someone name “Gog” timi nih a thawk lai a ti.
Gog cu aho dah a si tiah Rabbi nihcun a hal i, Nathan nihcun, “Obama” a ti, a ti. Obama nihcun ral cu a thawk lai a ti. A pehmi ahcun, Ral hi zarh hnih lawng a si lai nain Million in an thi lai a ti. Iran nih ral doh cu a von bawmh lai a ti.
Pathian nih Israel miphun cu, a thim khunmi hna Miphun an si i, an hrinsortu Abraham sinah bia a rak kamhmi cu:- “I will bless those who bless you, and whoever curses you I will curse, and all peoples on earth will be blessed through you’ tiah bia a kamh. Vawleimi vialte hi Israel hmang in thlawchuah a kan pek tinak a si. US ram ah evangelist mithang tampi hmurka in a chuak tawnmi cu, US ram a rumnak, a lianngannak, le a thlawchuah hi, Israel a dirhkamh caah a si an ti.
US nih Israel cu fekte in a dirhkamh. Thaizing ah President Bidden zong Israel a kal lai. US ralkap 2000 tluk, Israel rilikam ah ready in an um cang. Arab ram, abik in Iran nih a von phawmh sual lai timi an phan caah, an ralrin khunnak hi a si. Israel nih Hamas pawl cu “ka luhhnawh hna lai” tiah a thanh cang. Timhtuahnak an ngei cuahmah. Gaza hi lak lawlaw in, Israel ram ah ser lawlaw a duhmi zong an um. Asinain, US President Bidden nihcun, Hamas luhhnawh cu thazaang a pek i, Gaza lak lawlaw belte cu a duh lo.
Israel nih Gaza chaklei mipi cu zam dingin order a chuah. Asinain, Egypt nih an ram ah ral a zaam ter duh hna lo. Farah Crossing Gate cu, Egypt nih a khar i aho hmanh an zam kho lo. Kan ram ah an zaam ahcun, an um thai lai. Cun, an ram caah a tthalo an ti. Jordon President nih Egypt zong ah an zam awk a si lo. Jordon zong ah an zam awk a si lo. Anmah Gaza chung ah a herh ning in bawmh ding an si’ a ti.
Hamas cu hlan deuh ISIS bantuk an si. Policy pakhat lawng an ngei. Cucu, Israel hrawh le thah viar kha a si. President hlun Obama le, Bidden nih hin Palestine pawl hi, Two State solution, Independence ram ah ser hi an duh. Asinain, Israel nih an ngamh lo. An ram security caah ttih an nung tuk an ti ve. Zeicatiah, Independence ram an si ahcun, Hamas bantuk Terrorist kua a si colh lai i, Israel himnak/security caah a ttih a nung tuk lai an ti ve.