India Cozah Cungah Lung Afak, Asinain Kan Tuah Khawhmi A Um Ve Ko!
==========
Tio ralhrang minung 39 cu India ramchung ah an meithal he an lut, an kuan le bomb belte an zaam dih i India ralkap Assam Rifile nih an rak humzual than hna. Tio ralhrang hi an za tein 40 an si i pakhat hi lamlak ah a tlau i a thih le a nun kan thei lo an ti.
India cozah nih civil ralzaam hmanh rak khirh dingin Mizoram cozah a rak ti hna lio ah ralhrang vial cu ah meithal he bak an ramchung ah a hung lutmi an rak himzual rih hna. NUG ekceh nih cun zei an tuah kho lai lo caah Mizoram um Laimi bochan mipawl nih India cozah le Assam Rifile cungah duhlonak biaktak tein langhter dingin YMA, MZP le Political parties pawl sawm hna ding an si.
India central cozah cu a lung không tuk le zeihmanh ah a rel lai lo, ti ding asi lo. Ram ngeitu taktak Mizo mipi nih biatak tein a au hnawh hna ahcun sau an tang ngắm lai ka zum lo. Hmailei thil kal chin vima dingmi zongah abiapi tuk dingmi asi e! Nizaan te ah Khampat ralhrang pawl an rak humzual than rih i hihi cu Mizoram asi lo caah kan tuah khawh dingmi tampi a um lo, kan una Mizoram nih cun biatak tein a kan bawmh duh lai zong ka zumh ko e.
Khampat ralhrang pawl cu an zaam cang ko nain KIA hruaimi ralkap pawl nih sakhan lak lawng hi a za lo tiin an dawi lengmang hna, a hnu ah an nupi le fale he minung 20 tluk an tlaih khawh cang hna. Khampat ralhrang pawl a zaam mi cheukhat cu an nupi le fale he tahha mang in an zaam len ko rua hi! Hliamtuar le an fale he tuar cikcek ve ko hna seh! India cozah (Assam Rifile) nih an rak bawmhmi kong ruah ahcun thinlin ka celh lo.
East Lairam I Kahnak Ah Champhai Sii-Inn Ah Minung 21 An Phan I Minung 5 Aizawl Ah Lanhpi An Si. Central Lairam, Lawngtlai 2023 Sikpar 13: East Lairam Falam peng Rihkhuadar ralhraang riahbuk cu nizaan khan CNA, CDF Hualngoram, CDF Thantlang le hriamtlai phu komh nih an kah hna i nihin tiang kahdohnak aa pehtlai peng, Kahdohnak ah ralhraang nih Jet Fighter in Khuamawi ah bomb an thlak. I kahnak ruangah Khuamawi khuami hna cu Mizoram Zokhuathar lei ah an zaam hna, meithal kuan hi Mizoram zong ah a lut ngaingai.
Champhai DC Pu James Lalrinchhana nih East Lairam i kahnak ah thinphang thlalau in Champhai District chung Bulfekzawl le Zokhuathar ah a rak zaammi an i chap chin, ralzaam in a rak lutmi hna hi minung zeizat an si hngalhfian a si rih lo tiah a chim. I kah hi Mizoram he aa naih ngai caah Phaikuam i ummi hna cu nithaizing khan an i thial. A rak lut tharmi hna bawmhchanhnak caah hin District Disaster Management Authority hna nih rawl le meh i ken in Zokhuathar lei an panh tiah a chim.
Mizapi hliamtuarmi hna hi Champhai District Hospital ah phurh an si hna, hi thawngpang țial tiang ahhin minung 21 Champhai sii-inn ah phanhpi an si cang. An lak ah minung 5 cu Aizawl ah refer an si, Hliamtuar mi lak ah pahnih hi Zohkhuathar ummi an si. A dang cu East Laimi lawng te an si. An lak ah minung 3 cu an dirhmun a chia ngai tiah District Hospital rianțuantu hna nih an chim.