Hakkha um ralhrang nih an camp Rungtlang ah Feb 20 ah CND an tuah ve i, ralhrang khuallian a rak phanmi hna cu. Minister Myah Htun Oo, Minister Tun Tun Naung le Dr Hmuh Thang hna an si tiah kan theih. Zeiti phun khin dek CND cu an hei hman ve hnga tihi ka ruat ngai.
Relchih Ding: Chin Miphun Ni Ah SAC Nih Hakha Khuapi Ah Humhimnak An Laak. Chinram, Hakha khuapi ah SAC nih Chin Miphun Ni an tuah lai tiin thawngpang a than hnu in Hakha khua chung ah SAC ralkap le palik nih humhimnak an laak i mi chawkvai hna cu chekhlatnak le tlaihkhihnak an tuah mi cheukhat zong an um, tiah mithmutu pakhat nih The Chin Post ah a chim.
Nihin Chin Miphun Ni, February 20 zing suimilam 9:14 ah SAC ralkap Helicopter pakhat cu Hakha rungtlang ah a ṭum i zing suimilam 9:36 ah a kir ṭhan. CND tuahnak ca ah thilri maw a rak chiah asiloah SAC bawi maw a rak chiah hna ti cu hngalh a si lo, tiah tualchung mi pakhat nih The Chin Post ah a chim ve.
SAC nih Hakha khuapi ah Chin Miphun Ni tuah an timh mi ah Laimi siangngakchia hna cu laam dingin an siangcachim(saya/mah te) nih an fial hna nain a duh lo mi zong an um tiah, theih an chim. Nizan February 19 zanlei zong ah SAC ralkap Helicopter pakhat cu Hakha a phan i a kir ṭhan. The Chin Post