SAC Tharchuahmi Kumtling Mizapi Ralkap Luh Ding Timi Kong He Pehtlai In Hakha Circle Council Nih Ralrinnak Cathanh A Chuah
=========
February 14, ah SAC Ralhrang nih an chuahmi kumtling mizapi ralkap luh ding timi phung thar an chuahmi he pehtlai in zeitindah mipi nih kan i ven cio lai timi ralrinnak cathanh Hakha Circle Council – HCC nih an chuah. Cathanh an chuahmi cu a tanglei bantuk hin a si. Innpa chakthlang ah SAC nih tlaihmi an um sual ahcun a rannak in HCC ah thawngthanh colh ding.
Khuachung lam-lennak le kal-umnak ah SAC nih mi an tleihmi hmuh ahcun khoika sang, hmun le caan tubantuk he HCC ah thawng peknak ngeih colh ding. SAC ralhrang a bu in an cawlcanghnak hmuh le ton sin in HCC ah thawng chimh colh ding. Hakha mi zapi himnak a hnorsuangtu ralhrang riantuannak poh HCC nih kan doh.
Nihin Dohthlennak cu mizapi hmunkhat ah tanlak in kan ral a simi SAC a riantuanak doh a si caah pakhat le khat kar ah thawng i thanhnak le tanrualnak ngeih a herh lio bik caan a si. SAC ralhrang nih April thla thok in kan tharchuahmi phunghram cu kan nun ter cang lai i kumkhat ah ralkap thazaang 60000 tiang phan ding in timhtuahnak kan ngei tiah SAC chimrelnak nawl ngeitu Zaw Min Htun nih February 14, ah a chim. Lungmili Post