Namsan Peng Kahdohnak Ah SAC Ralkap le Palik 65 Hrawng An Thi
=======
Shan ramkulh chaklei, Namsan peng, Namsan myoma palik sakhan cu TNLA nih an laak i ralbawi pakhat le palik bawi pakhat telh in ralkap le palik 40 hrawng cu nizan December 12 kahdohnak ah an thi dih, kahdoh bawm ding in thlahmi ralkap 25 zong an thi, tiah theih a si.
December 11, zinglei suimilam 4:00 hrawngbah TNLA nih Namsan myoma palik sakhan cu an kah i an laak. Cu sakhan kahdohnak ah cun palik bawi Thun Su Thein hruaimi ralkap 21 cu an zaam i Khah-Lah-Yah 254 in ralbawi Kyaw Thu Thwe hruaimi ralkapbu sin ah an i fonh. Nizan December 12 ah cu ralkap pawl cu TNLA nih an kah ášhan hna i an zate in an thi dih, tiah theih a si.Cu pin ah nizan December 12 ni ah SAC ralkap vanlawng in ralkap thazaang 70 a chapmi hna lak ah 25 cu kahdohnak ah an thi, tiah theih a si.Credit: The chin Post