Mone Khuapi Kahdohnak Ah SAC Ralkap 100 Leng An Thi, Minung 21 Nih An Hriamnam An Chiah
=======
Bago ramṭhen, Mone khuapi kahdohnak ah SAC ralkap 100 leng an thi i ralbawi 3 telh in minung 21 nih an hriamnam an chiah, an chungkhar minung 58 zong an i ap, tiah no.2 thlanglei ramṭhen ral hmunram nih thawng an thanh.
A luancia December 2, zan suimilam 11:40 ah Kyaukgyi peng, Mone khuapi hmunram chung Khah-Mah-Yah 590 Battalion Headquater, Khah-Mah-Yah 599 Battalion Headquater, Mone khuapi palik sakhan, Tharsi hlei sakhan, Kawpin ralkap sakhan cu KNLA, PDF le BPLA ṭangṭi phu nih an rak kah i Phasihingthan le Selamon Operation tiin min an pek.
Cu kahdohnak ah cun Khah-Mah-Yah 590 Battalion Headquater, Mone khuapi palik sakhan le Kawpin ralkap sakhan cu an laak khawh hna i 599 Battalion Headquater le Tharsi hlei sakhan zong an kah, tiah an thanh.”SAC ralkap nih vanlawng in kahdohnak an tuah ko nain kan i tinhmi Operation ning tein kan tlamtlinh ko,” tiah no.2 thlanglei ramṭhen ral hmunram nih cun an thanh.
Mone khuapi kahdohnak ah cun SAC ralkap 100 leng an thi i hliampumi an tam. Hriamngan, hriamhme tiin hriamnam tam ngai an laak khawh pin ah ralbawi 3 telh in minung 21 nih an hriamnam an chiah, an chungkhar minung 58 zong phunglam he aa tlak ning in zohkhenh an si, ṭangṭi phu in thi le hliam an um ve, tiah an langhter.
Thlanglei ral hmunram, no.2 ral hmunram ṭhen nih Sittaung tiva hmunram chung vialte ah Operation kalpi ding a si, tiah phungning tein an thanh.”SAC ralkap pawl le SAC kuttang rianṭuantu vialte cu a caan um liote ah mipi sin ah i fonh in ṭangṭi ding in forhfial kan in duh hna. Mipi zong nih kanmah kan himnak hmun cio kawl in le a herhmi tete cu a hlankan in timhlamhnak ngei cio ding in nawl kan in duh ko hna,” tiah thanhnak an tuah.
Zofa Journal Nih Christmas Laksawng Ah CNA le CDF-Hualngoram Cu Vok Pakhat Veve An Pek Hna.Zofa Journal media nih cun christmas laksawng ah Chin ralkap phu CNA le CDF-Hualngoram cu vok pakhat veve an pek hna kong Zofa Journal in ṭuanvo ngeitu nih The Chin Post ah a chim.
Zofa Journal hruaitu hna nih hin CNA le CDF-Hualngoram hna cu an camp ah kalhnawh in biaruahnak zong an ngeih hna i, Laksawng pekchanhnak an ve ngeih. Hmailei zong ah an phak tawk in bawmhnak pek peng rih an i timhnak kong zong an chim.
Zofa Journal nih hin Chin ralkap phu hna bawmhnak ah Lucky draw an rak tuah nain an ruahning in an zuar khawh lo kong an chim. Lucky draw tlap 9,000 an tuahmi ah 3,000 lawng an zuar khawh. Tutan ah hin Tamu-PDF, PDF-Zoland, PDF-Kalay, CDF-KGG, CNDF le Chin Rifle hna pinah ralhrial hna zong bawmhnak pek an timh caah Luckdraw an zuarmi nih an daih lo i, anmah pumpak in phaisa zeimawzat an thawh kong, ṭuanvo ngeitu nih The Chin Post ah a chim.Credit: The chin post