SAC Nih Thongtla 9,652 Le Ramdang Mi 114 Thonginn In An Chuah Hna
=========
Myanmar ram zalonnak hmuh ni kum 78 tlin camtuak philhlonak ah thongtla 9,652 le ramdang mi 114 luatnak an pek hnanak kong cu nihin January 4 zinglei ah SAC nih thanhnak an tuah.
Nihin January 4, thanhnak an tuahmi ah thongtla 9,652 cu an sual an ngaihthiamnak hna le hi hnu sualnak an tuah rih ahcun thongthlak ṭhan dingin bia an khiahpiak hnanak zong an langhter chih.
Cu bantuk ṭhiamṭhiam in ramdang mi thongtla 114 zong an sualnak an ngaihthiam hna i an thlah ṭhan cang hna nain Myanmar ram chung ah um kho ti lo ding in dan an tat hna, tiah theih a si.
AA Nih Paletwa Peng Chinletwa Sakhan An Lak Ṭhan.Chinram, Paletwa peng SAC Sakhan Chinletwa cu Jan 3 ah a dihlak in kan lak khawh tiah AA nih an thanh. Cu sakhan in hriamnam le zenkuan tampi kan lakchih tiah an cathanh ah an langhter.
Jan 2 zong ah khan Paletwa peng Khamaungwa sakhan cu AA nih an lak cang. A luancia December, 2023 ah Paletwa peng SAC sakhan pahnih cu AA nih an rak lak cang. AA nih Paletwa peng chung ah kahdohnak fak ngai in an kalpi i palik sakhan le ralkap umnak hmunhma dang zong kan lak lai tiah AA nih an thanh.Credit : The Chin Post