RAMRIAN ( My Duty ) In Hmuhmi Phaisa Chung In Kyats Sing 90 Cu Chin Ralkap Caah Hlut
========
Salai Tialbawiling nih thlakmi RAMRIAN (My Duty) baisakup in hmuh mi phaisa chung in Myanmar phaisa Kyats sing 90 cu Chin ralkap hna caah an hlut tiah theih a si.
Baisakup hmangin hmuh mi phaisa chung in kyats sing 50 cu CDF-Hakha tilaknak caah hlut a si i kyats sing 40 cu CNA sakhaan saknak i a herhnak hman ding ah hlut a si kong Salai Tialbawiling nih Zalen ah a chim.
RAMRIAN (My Duty ) cu a luancia November 26 ah khan South Korea khualipi Seoul khuapi Bupyeoung Station ah rak piah hmasat a si.cu hnu ah Malaysia um chin community cheukhat sin ah le Australia ram Eastern Melbourne ah piah a si.
A ralai mi 2024 January a zarh khat nak ah Australia ram Adelaide khua ah le Western Melbourne hna ah piah a si than lai tiah theih a si.
RAMRIAN baisakup cu SAC ralhraang nih khuapi in khangh mi Thantlang khuapi chung,Thau khua le Victoria base hna ah an i thlak mi a si tiah kan theih.
Kalaymyo Khuachung Ah SAC Nih Kahnak In Tualchungmi Pakhat A Thi,Ngakchia Telh In Pahnih Hliam An Tuar.Sagaing ramthen kalaymyo sii-inn pi pawng ah cycle aa cuan cuahmah mi pa pakhat cu SAC nih nihin December 27 zinglei slm 8 tluk ah khan meithal in an kah caah a hmun ah a thi colh i a dang kum 6 ngakchia pakhat le nu pakhat zong hliam an tuar tiah theih a si.
SAC ralhraang hna nih hin Check gate ah a dir duh lo caah tiin meithal in pehtlai in an kah caah a pawng kam i cycle aa cuan ve lio mi nu pakhat zong a el ah kuan nih a hliamh leng ah ngakchia zong a kut pakhat aa cik tiah theih a si.
“Cycle an dir ter hna i a dir lo caah an kah hi a si i pa kumno te pakhat cu a hmun ah a thi colh,kum 30 tluk a si mi nu pakhat zong a el ah kuan nih a khen caah ralhraang nih sii-inn ah an kalpi ve i ngakchia te cu a baan pakhat aa cik” tiah tualchungmi pakhat nih Zalen ah a chim.
A tu lio cu Kalaymyo khua chung ah SAC nih chekhlainak fak piin an tuah i nizan zinglei slm 11 hrawng zong ah Aungzeya sang lei ah i chawk in chungkhar chekhlainak zong an tuah tiah theih a si.Credit: CBN Daily News