Good News; LungLawmhnak Mithli A Luang Ee!
========
Adelaide Mino hna nan cawlcanghnak a dawh tuk, Khuadang ramdang zong nih an keneh zulh ii zuam ve cio hna usih! Ram le Miphun caah ttuan cio ve cang hna usih abik in ramthumnak um mino hna! Adelaide women vawruang group IDP pawl kan si ko hih.dawhdawh nu nih an kan hruai.
Miphun le ram caah Adelaide, Australia Mino hna nih kan ii hmuitinh mi #DroneProject cu tlamtling tein kan rak lim khawh. Ruahnak leng in a petu mino zong an tam ii khualeng lei mino zei mawzat zong nih an kan tel pi. Mino sin lawng si lo in Adelaide Nubu zong nih an kan tel pi ve caah kan lung a hmuih khun.
Ram le miphun dawtnak lungput he, hi #DroneProject ii a rak i telmi dawtu nan dihlak cung ah kan i lawm tuk. Mino vialte hna hinak in ttang chin lengmang hna usih, Kan ram le miphun nih ah kan herh tuk lio te asi. Uar hi nan umtuk e…Ramkip Mino bu hi nanmah bantuk si dih u sih law zeitluk khin hme kan Ram caah a thazaang a thawng hnga mu. Kapu pa hna nih (Kut te zawng Za) an ti mi cu mah bak hi a si kan ti khawh tawk ciao in van tan ah cun. Asung lawi tuk, Marcy & Biakku pa nan Cung ah kan i lawm.
Langle Family Matupi – USA ummi cungah lunglawmhnak. Langle Family Matupi USA um mi nih CNF/A ei din awk ca’h Dollar’s $145,00 (thong hleili zanga) cu, US- Regional Committee sinah pek chanhnak an tuah. Lawmh a um tuk ee! Langle ti a si hnga maw? Langlei ti cun ka thei bal hna lo i nan palh sual hnga maw? Kan zoh piak Than te uh law! Lawm um tuk hringhran ee Bawipa nih thluahchuah dongcat loin pe chin ko sehlaw.
Matu peng Langle Khua, USA Langle Family cungah kan ilawm tuk ee. Langle Family Bawipa nih a thluachuah hrawmh chinchin ko hna seh. Bawipa nih thluachuah chin chin ko hna seh.an miphun an kal tak siang lo. A sunglawi kho tuk ee, Bawipa nih thluachuah pe chin lengmang ko hna seh.
Agape Baptist Church, Tx cungah lunglawmhnak; Agape Baptist Church, Tx nih CNF/A ei din awk ca’h Dollar’s $50,000 (thong sawmnga) cu, US- Regional Committee sinah pek chanhnak an tuah. An Khrihfabu piin Bawipa nih thinlung taksa thlarau damnak a thluachuah hrawmh chin ko hna seh. Mi phun daw tu le zawn ruah nak ngei tu AGAPE Baptist church nan cung ah Bawi Pa thlua chuah tlung ko seh lomh um tuk sung lawi tuk hringhran.
Kan ngaihchiatnak le Mitthli karlak ah ai tenhmi Lunglawmhnak; 2023 August 28 ni cu kan Miphun nih zalennak a hmuh khawh nak hnga kan ralkap hna nih an nunnak an pek ni a si i kan Miphun ningin kan thinlung a kehkuai ni le Mitthli he caan kan hman ni a si.
Global Chinland Club Tlangaunak in Miphun ca’h nunnak a petu kan ralkap hna upat pek nak le sianlonak program kan hman nak ah “ka mitthli can ah” tiin Miphun a daw i kut a rak samhtu hna le a chuak mi phaisa vialte hna cu a tanglei bantuk in kan rak langhter.
Hi ni hi kan caah a fak tuk mi ngaihchiatnak ni si ko hmanhsehlaw thinlung khat tein kan tuar tti mi hna le thazang kan chuah tti mi kan hmuh tikah lawmhnak chim lo in kan um kho hrim lo.
Miphun a daw i pechantu vialte hna Pathian tu nih nan nun lamtluan ah a thluachuahza he lam in hruai cio ko hna seh. Bia kilh: A tanglei i langhter mi cazin hi a tawinak in a si caah nan thawh nak a zawnka cio ah kalter khawh kan rak i zuam ko lai.