Chinland Council nih Chinram Cozah a Ser Cang.Chinland Council a voi 2nak tonpumhnak ah Chinram Cozah (Chinland Government) tlamtling te in an ser khawh cang, tiah thawng kan theih.
Chinland Council a voi 2nak meeting cu January 30-31 ah Chinlung khua ah an tuah i, chungtel minung 100 an kai kho, tiah Chinland Council nih thawng an chuah.Cu meeting ah cun Chinram cozah hruaitu hna thimnak tuah a si i, Prime Minister ah Pu Pa Thang an thim.Cun, Chinram Supreme Court zong an ser i Chief Justice ah Pu Thomas Thang No an thim, tiah theih a si.
Thawngpang Tha TakTak ! Future Hope Foundation nih CDF-Matupi ca ah Meithal Zun 3 le Kuan an Hlut.Future Hope Foundation ti mi bu nih CDF-Matupi Battalion (2) ca ah meithal zun 3, kuan 1,200 le a dangdang thilri pawl an hlut, tiah theih a si.
CDF-Matupi sin ah an hlut mi pawl cu: M4 meithal zun 2, AK meithal zun 1, kuan 1,200, ralkap hnipuan le dahmei 10 hna an si. Ahmasa ah cun meithal zun 2 hlut ding in timhtuahnak kan ngei nain mizapi nih lungtho thatho ngai in tangka an rak hlut caah meithal zun 3, kuan 1,200 le a dangdang thilri pawl zong kan hlut khawh hi a si. Atu bantuk in lungtho te in mizapi an i teltumnak nih kan ralkap pawl zong an lung a thawhter ngai hna,” tiah Future Hope Foundation į¹uanvo ngeitu nih a chim. Mizapi thazaang in Future Hope Foundation nih meithal, kuan le a dangdang thilri pawl an hlut mi cung ah CDF-Matupi zong nih nihin ah lunglawmhnak ca an chuah.
Rak Rel Chih ! Dohthlennak Kum 3 Tlin Yangon “Silent Strike” ah Mi an King.Nihin February 1 cu Myanmar ram dohthlennak kum 3 a tlin ni a si bang in Yangon khua ah “Silent Strike” tuahnak in ralkap uknak duh lonak an langhter.
Yangon khuachung mi an tam tawnnak hmun pawl ah mi chawklet pakhat hnih lawng hmuh khawh an si. Yangon Silent Strike hi zinglei sml. 10:00 in zaanlei sml. 4:00 tiang tuah ding in timhtuah a si caah zinglei sml. 10:00 hlan ah khan mi tampi nih duhherh thilri pawl an i cawk cia hna, tiah Irrawaddy thawngzamhnak nih a langhter. Credit : The Hakha Post