CDF-Hualngoram nih Ritsii Ting 100 MMK Leng Man Mei in an Khangh.CDF-Hualngoram hmunram chung ah an tlaih mi ritsii pawl cu nizaan February 17 ah mei in an khangh hna, tiah theih a si.
“Mizoram lei ah luhpi an timh mi ritsii pawl an si i, Hualngoram hmunram ah kan tlaih mi a si. Hmailei zong ah ritsii hi faakpi in kan doh lai,” tiah Hualngoram People Oraganization (HPO) upa Pu Lalvenpuia nih Mizzima ah a chim.
CDF-Hualngoram nih nizan ah mei in an khangh mi ritsii hi Number 4 ritsii phun a si i, chapiat bawm bawm 20 chung ah an rawn hna.
Atulio Myanmar tangka in tuak ahcun ting 100 leng man a si, tiah HPO tuanvo ngeitu upa nih a chim.
A sunglawi tuk :US, Norway le Australia ah Chin Miphun Ni Hlunghlai Ngai in an Tuah.Nizan February 17 ah US, Norway le Australia ram hna ah a kum 76nak Chin Miphun Ni cu sunglawi ngai in an tuah hna, tiah thawng kan theih.
US ram ah cun Indianapolis ah an tuah i program phunphun in caan an hmang. Norway ah cun Froland khua ah an tuah i Froland khuabawi le NUG aiawhtu zong nih an telpi hna.Cun, Australia ram ah an tuah mi Chin Miphun Ni ah cun Khuangcawi le Laipiah zong an tuah, tiah theih a si.Credit :The Hakha post