Gaza Khuapi Chung Ummi Hna Cu Gaza Khuapi Chuahtak Ding In Israel Nih A Theihter Hna!
========
Israel ralkap lei nih cun Gaza khuapi chung ummi hna cu suimilam 24 chung ah thlanglei panh dih ding in a theihter hna. Israel nih hin kahdohnak fak chin in tuah a timh caah raltuknak Tank a luhter lai kong nihin October 13 ah a thanh.
Israel nih Hamas ralhrawng cawlcanghnak a lehrulh ruangah Gaza khuapi hmun cheukhat inn hna cu an ciam dih ti awk a si. Nizan tiang ah Drone le vanlawng in pehzulh in a kah rih. Hamas ralhrang hna cawlcanghnak ruangah Israel mi 1300 nunnak a liam cang, tiah Reuters nih a ṭial.
Israel ralkap lei nih cun, a ra lai mi ni tlawmpal ah a biapi tukmi kahdohnak kan tuah lai, tualchungmi hna cu kir caan kan thanh tik lawng ah nan kir te lai, tiah thawng an thanh hna. Israel nih Hamas a lehrulhnak ah Palestine mi 1500 hrawng nunnak a liam ve cang.
“Gaza khuapi chung ummi vialte cu nan pumpak nunhimnak ca le nan chungkhar himnak ca ah chuak cang u, Hamas ralhrang he aa hlatnak hmun ah um u, Hamas ralhrang nih ralphaw ah an in hman hna. Hamas ralhrang pawl cu Gaza khuapi vawlei tang le innchung ah an i duup i, mipi sinah an i cawh,” tiah Israel ralkap lei nih cun an chim.
Hamsa lei nih mizapi cu Israel pawl ṭhihphaihnak i zumh lo ding in an ti ve hna. Israel vanlei kahdohnak ruangah an tlaihmi minung 13 cu an thi cang, tiah Hamas nih an thanh ve. Gaza khuapi cu Israel bochan in a nung mi a si i, Israel nih Electric mei, Dinti le a dangdang phihkhamnak a tuah hnu in an har a zual ngai cang. Cucaah bawmhchanh an herh tuk kong vawleicung bawmchantu phu hna nih an chim. UNOCHA nih cun, Gaza khuapi um minung 400,000 hrawng nih an umnak hmun an chuahtak i, bawmhchanhnak a tuahtu minung 23 thah an si, tiah a langhter.
CHIN-MIZO ISRAEL ARMY NIH HAMAS TUK AH AN I TEL VE CANG. Hamas Leader killed! Kum 1973 Yom Kippur Arabs-Israel War an i tuk hnu Kum-50 nak bakah Gaza Strip ah um hmun khuar Palestinian Islamic Terrorist Hamas pawl nih Israel thlanglei khua zeimawzet le a khuapi Jerusalem le Tel-Aviv cu Rocket 500 lengin an kap hna pinah Israel Nu le hngakchia he Mipi 1300 leng an thah hna i, minung 150 leng cu an hren (Hostage) hna.
Cuca’ah PM Netanyahu hruaimi Israel Cozah le Opposition Party Benny Gantz cu i kop in “Unity Government” cu Nizan ah an siam cawlh i, Gaza khuapi, Nuseirat, Khan Younis le Rafah hna cu Bombs le Missiles in an Bomb cikcek hnu’ah, tuchun ah khan Israel ke ralkap 230000 le Tanks/ Armours 100 leng he Gaza hmunzakip ah an lut cang.
Hi Infantry Ral -kal lakah kanmah Chin/ Mizo Israel reserved Ralkap 100 leng an i telve ti’ah theih asi. Cupin ah Vawleicung Israel Miphun le Judaism( Asia) telhin Mi-80000 leng cu tuchun ah khan Israel ramah raldoh dingin an rak phan cang i, tlawm- pal ah Mi thong zeimawzet an kir tha’n lai ti’ah Radio Israel nih a chim.
Terrorist Hamas-Israel Ni-8 nak an i tuknak ah hin Israel Air Force nih Vawi-500 leng bombs a thlak cang hna i, Hamas le an mah lei minung 1500 leng an thi cangi, 5000 leng nih hliamhma an tuar na’in Israel Radio Or News lei pawl nih cun thitha’in an phuang duh loh. a Ni-6 nak ah khan Lebanon thlanglei le Syria ramri um pawl Hezbollah Muslim Terrorist pawl nih Hamas cu bawmhin Israel cu Rockets le Drowned hmang in heh ti’ah an rak bomb ve hna na’in Israel cu a ready cia ca’ah an mah leitu ceilakin a phomh chih lehlam hna.
Cu Muslim Terrorists pawl a tanh/bomh tu Iran le Syria, Lebanon Cozah tu cu an i tel ngam ve loh. Ziah ti’ah cun, an i tel ve asi’ah cun,US le Europe pawl nih an phomh cawlh ve an ttih ca’ah asi. Israel nih cun, Gaza Strip hi caan rau lo te’ah lak i, an uknak tangah chiah tha’n dih an i tim.mah’belte West Bank tu hi cu President Mahmoud Abbas uknak tangah an chiah rih lai.
Gaza chung um Mipi cu Electric Mei le Eidin awk an harsa cang ca’ah mipi Ting 3.4 cu chuak/Zaam dih dingin Israel Cozah nih Warning a pek cang hna. Sina’in Rillipi le Egypt ramri lei Israel Ralkap nih an kham dih hna ca ah UNO cu Mipi nih bawmhnak an hal len hna.
Ni-2 chungah Israel Air Force Bombs thlak nak in Hamas Army Chief Mohammed Dief unaupa cu a thi na’in amah Chief tu cu a zaam manh ti’ ah an chim. Cupin ah Gaza Area Commander Hassan Yousef, Khalid Mashod zong Hamas Intelligence Center an bomb nakah an thi ti’ah thawng a thang. Amah’belte Hamas hruaitu lu bik Ishmael Haniyah le hruaitu cheukhat tu cu a tuk thaizing Sunday Zaantim ah khan Gaza’s Seaport in Speedboat he Turkey lei’ah an zaam dawh asi ti’ah thawngpang aleng.
Sina’in nizan ah khan Alzaree News nih Ramtang a um lio a hmaanthlak arak tanglangh ve hoi.Zeikhom va si’ah Hamas hruaitu pawl hi a tam u cu an thi cang an zumh hna..ziah ti’ah cun, Palestinian Authority i an Army General Leon Bar (54) cu nizan raltuknak ah athi ti’ah Palestinian Cozah (West Bank) nih thawngthanhnak an tuah.Cu ca’ah hi General Pa pawngah a um ton leng mang mi Hamas bawizik le Commander pawl hi an thi/ hliamhma an ing hrim hrim lai ti’ah ruah cuo asi. (kan peh tha’n te lai mu)
“ISRAEL AT WAR” KAN TEI HNA LAI by Israel PM Benjamin Netanyahu. An i tuknak kong. October 7,2023 Saturday Zingka 6:23 Am(IST) ah Palestinian Hamas Terrorist pawl nih Israel Thlanglei (Southern) ummi Ashkelon, Beeri le Opakim khua hna cu Rocket Launcher-200 leng in an kah hnu’ah vawlei lei Ke ralkap, Rili le Van lei’in an tuk/ luh hnawh hna i, Gaza Strip ramri congh Israel ramri veng Border Guards 23 le Mipi zeimawzet an tlaih hna i, an thah hna.
Cu hnu’ah Rocket Launchers- 300 lengin an kah tha’n hna i, Israel mi-348 an thi cangi,1352 nih hliamhma an tuar cang. Cule cangka’in Israel PM Benjamin Netanyahu nih cun, “We are at War” ti’ah a puang cawlh i, ISRAEL Defense Forces(IDF) pawl cu “SWORDS OF IRON” ti’in teirul cham nak Palestinian Hamas pawl cu an tuk cawlh ve hna i, Palestine Ramallah khuapi telhin Palestinian Hamas Terrorist le Mipi 386 an thi ve cang pinah an khuapi Inn le Lo tam tak tak Israel nih an bomb i an hrawh piak cang hna.
Palestinian ah hin Uk nak phu hnih in an i then i, President Mahmoud Ahmad nih hin West Bank a uk na’in 🇵🇸 khat lei ah Hamas Terrorist pawl nih Gaza Strip hmun ram hi an uk ve. Israel Juda mi nih Ni ropi bik an chiahmi”YOM KIPPUR “Kut 6 October hnu Nikhatnak le Juda pawl nih an sunsak bikmi Sukkot Holiday puai (Simchat Torah) Sabbath Ni bakah Palestinian Hamas Terrorist pawl nih timh ciammam te’in Israel hi an tukmi asi.
Israel Defence Minister Yoah Gallant nih cun, Terrorist Hamas le an mah bawmtu hna nih Israel an kan tukmi hi an i chir tuk te lai ti’ah Tel Aviv TV ah a chim i, rau lo te’ah kan tei dih hna lai ati fawn.
Hi bantukin Kum 1973 October Ni-6 “Yom Kippur” Kut/puai ah khan Arab ram Egypt, Syria, Jordan, Lebanon le Iran pawl nih rualkhat te’in an rak tuk cang na in culio Israel PM Ms. Goldeirmeir le Defense Minister Mosse Dyann hruainak in Israel nih cun Ni-6 chungah a tei dih pinah Egypt i Sinai Nelrawn, Syria i Golland Height le Lebanon thlanglei tlangram (Territory) an rak lak/chuh piak cang hna.Cu ca ‘ah tutan zong hi US le England pinah Europe ram vialte nih an tanh dih ca’ah Pathiannih tei nak a pek hrim hrim zumh cio asi.
Tu i Hamas Terrorist pawl nih Israel an tuk nak ah hin,Bible cang. Psalm:- 91 le Psalm – 122:6-9 hi rel dih dingin Israel Biaknak hruaitu pawl nih Vaw- leicung Khrihfa vialte an sawm hna.
🇮🇱 Shalom Israel God be saved Israel.