LAINAWNG THEOLOGY
========
Falam le Hakha (Thantlang) I Dawt Lo Cu Mah Zolangh Asi. Lainawng Asi. Lai Le Lai I Remh Lomi Hi Mah Le Mah Zolangh Asi. Mah Chiaṭha mah cumh asi. Mah le mah mualpho asi. Chinmi thawkkek nak zohah Chinlung (Sinlone), Pekin Lungkua, Chindwin tiva, Pagan, Kalay Kabaw, Cimnuai, Lailun, tivek hi tuanbia ah alang bikmi ansi. Lailun chuak hna cu Lai ti asi.
Hlan ahcun Falam Hakha Thantlang Matupi Mindat Kanpelet Pletwa tiang Lai kansi an rak kan ti nain tuchan ah Falam Hakha Thantlang peng lawng kan tang cang. Midang cu antam chin nain Kannih Lai cu kan tlawm chin.
Chin miphun dang an i daw chinchin LAI cu kan i hua chinchin. Nam in aasamh colh dingin kan um. Meithal in aakah colh ding in kan um. Hihi Lainawng ti cu asi. A Unau thattu, thangchiat tu, mualpho tu, daw lotu kha Lainawng tiah Lai nih kan ti. Kawl vai kan thah mi cu LAI nawng kan ti ballo. Sawm kan tuk lehlam. MAL te Kawl Ralkap kan thah mi zong Lainawng asi lo. Midang thah asi caah Sawm atuk ding mi LAIMI kansi.
Lai le Lai asimi i huat kha, thisen chuah duh kha Lainawng ti asi. Vathah ngaingai lawngah Lainawng asilo. CNF/CNA cu Haka le Thantlang taa asi kan ti ahcun Lai Upabik Falam cu Roco tu asi awk tu asi. Laimi taa asi lai caah CNO CNDF nih kanmah Lai taa tiah ratin kuri ding le zohkhenh kilven ding tu khi asi deuh.
Zeitin tiah Hakha Thantlang le Falam lawng hi LAI ah kan tang cang. Aci caah Laimi nih i chiah mi kansi cang. CNF cu Chin huap asi kha cohlan cang. Na cohlan duh lo ahcun Laimi nih Chin huap asimi CNF CNA hruai lio asi caah Na Unau kha a thangchiat, amualpho asi caah Lainawng nasi lai. Anaupa a thahtu Cain bang Falam lei nih kan si awk asilo. Cain na nau Abel tah tiah Pathian nih ahal tikah Ka nau cawng tu kasilo ati. Ka zeimaw asi timi lungput a nei caah Cain cu Lainawng asi chinchin.
CNDF nih Hakha Thantlang hi kan zeimaw asi tiah kan hmuh chung poah cu Lai le Lai kansi caah Lainawng kan si lai. Haka Ttl nih Falam lei cu Ka zeimaw asi kan ti ve ahcun Lainawng thotho kansi lai. Chin Tribes 53 lakah 1 te lawng asimi Lai le Lai kan i sik peng mi hi mi hmaikhah zong asi tilo. Mi ninghngalh phun zei ruaram lo an kan ti lai Kan Unau Chin Miphun nih.
Dr. Za Hlei Thang nih LAI cu Chin ti duhnak asi an kan ti bang CNDF tiah Chin tiduhnak sancu LAI tinak asi ko cu. Cucaah Midang nakin Hakha Thantlang a daw bik ding le ahnakkar a tenh bik ding cu Falam kansi. Pathian zarah LAI nih Chinland kan hruai lio ah Lai le Lai kan i daw lo hlei ah kan i rem lo ahcun Midang sinah Bawi luchin cu pek asi te lai. Kan sin um Pathian thlarau le huham cu Chin Miphun dang sinah aaṭhial te lai.
CNDF LAI nih kan huat bikmi Hualngo Chin le Zanniat Chin sin ah Bawi Luchin (Crown) aaṭhial tikah Vava kan tum te lai. Samson bang i ngaih chih zong ah acan aluan cang lai i santlaih ti lailo. Vava kan tum te lai. Esau nih Upa sinak pehang kheng khat in a zuar caah achan chung ah bawi asi khawh tilo. A tefa zong an LAL khawh ti lo. Laimi philh hlah. LAI Le Lai kani sik, kan i daw lo, kan i ral, kan i hro zungzal lai maw?
CNDF nih BNRA Bo Nagar Sin Cakuat Ṭialmi Sullam; BNRA dinsuahmi parih lungawipinak capi. CNF/CNA tia kan si ko timi langhternak caah CNO/CNDF le anmah Mahamei ZFU le CDF Mindat nih Bo Nagar te BNRA cu Cawnglawmhnak ca (Tavuanhlua), an kuat cio hna. An cakuat zoh tikah an haa 36 an lang dih. An haani lawng alang i lunglawmhnak he an khat. Lawmhnak Ni tiah ZBC hla ansak i Halleluiyah AMEN Voi 7 khelhte an au i an kiao. Kri pekmi hnangamnak nakin a cungnung deuh i kan hnangam tuk anti leng ko.
Bo Nagar cu NUG in aa phuah i Kawl EROs cu Ṭatzing 18 in adir. NUG nih cohlan lomi LDF hna an khawmh dih hna. NUG Mumal ah aum mi cu COC in Raldohnak asi. COC cu EAOs/EROs one command tangah Raldohnak tinak asi. Pancello le NUG fans hna nih Abu piin Bo Nagar cu an seh i a mual anpho ko nain, BRNA Bo Nagar nih Rolung a bunh hna i Vankau le kengphurh he vawlei ah thal koin NUG cu ateng diam hna ai.
Bo Nagar nih nemh tein ati mi cu NUG kuttang ah kan um lai i annawl ka ngai lai ati. Achan cu NUG nih COC in ral ando. COC cu EAOs one order le one command tangah raldoh asi caah Bo Nagar Command tang ah NUG nih raldoh ding asi cang. Cucu Pancello le NUG lobby rual nih an hngalh khawh lo. Tamada zung Spokesman nih Bo Nagar cohlan lonak thanhca cu a chuak nain Acting Tamada Duwa Lashila (NUG VP) nih Hawikom kha Ral ah serh hlah uh, i ralrin uh tiah BNRA ka cohlan ati ai.
Bo Nagar nih NUG a tei bangin CNF/CNA kan tei cang timi Sullam he CNDF (An Mahamei hna telin) nih BNRA Cawnglawmhnak caa an kuat. Chinland lawng siloin Northwest Command ah MAL dohnak ah COC le Oreder (One Command) hmangnak nawl cu NUG nih CNA lawng anpek. Jacob nih Pe Hang in Esau i Upa sinak a cuh bang CNDF nih aatimh. NUG Mahamei adikmi (Asit) cu CNA pakhat te lawng aum. Kapa zei kan tuah ti an hngalh lo, an sual nak ngaithiam ko hna tiah thla ka cam.
Salai Peter Thang le CNA duh lo tu hriamtlai Upa hna an poibik nak cu kan hngalh lo timi an hngalh lomi hi asi. Lungthin ah mi Farah ansi zia. NUG he aatawn balmi CDF Upa pakhat nih a ka chim mi cu: NUG he direct pehtlaih cu angah lo. Chinland Cozah siseh, One Command le COC siseh, Education, Health, Social Welfare, IDPs etc., Departments vialte cu CNF he agreement le Senthuhmi kan ngeih cang. Anmah he va ceihmai uh an kan ti aka ti.
Chinland ah EAOs in NUG nih cohlan mi cu CNF/CNA pakhat lawng asi. CNO ZFU CDF Mindat cu Guerrilla in cohlan ansi rih. Chin MPs 20 leng (ICNCC telin) duh ningin CNF nih Kuri mi Chinland Cozah ah i tel duhlo ahcun NUG nih Cohlan khawh asi bak lo.
CNO ZFU Mindat, MDF, ZRA, CDFs chuekhat he Salai Lianluai, Salai Isacc Khen, Salai Dokhar te hruainak in Chin Cozah dang dirh awkah nan i timhmi cu NUG nih a cohlan lo. CNF nih hruaimi cu NUG nih an cohlan. Cucaah thihnak lam maw? Nunnak lam dah nan duh thimh can kha aphan cang. Nan mipi kha hlen ti hlah uh. Ra ve cang ko uh, nan palh lai lo. Credit: Jacob R. Thang