Falam kong ka tial lo, CNO/CNDF kong ka tial. CNO/CNDF HMUIHTINH
========
Part 1; Ramkhel, Ramkhel, Ramkhel hi a biapi tuk ee. Ramkhel nih meithal par khi a duhnak paoh ah a mer khawh tihi thei tuah hna usih. Thisen le nunnak tampi pek zongah ramkhel in kan smart lo ahcun nunnak le thisen kha a lak an si kho ti zong philh hna hlah usih.
Chinram hriamtlai hna lakah Chinland huap in policy a ngeimi cu CNF/A lawng an si. Cucu CNF/A a dotu lila zong nih an fiantukmi a si ko. Nain ziah Hakha lei koko hmanh CNF/A ah nan luh dih lo. CDF-Hakha, CDF-Lautu, CDF-Zophei, CDF-Mara le CDF-Thantlang tiah nan dirh timi bia hi chim a tam ngai. Ruah setsai lo ahcun cucu a dik ngaimi alo. Nain kan ruah a herh zungzal mi cu, Cu bia cu a ho nih a chim?
A chimtu hi mizei buu dah a si timi hi fian chih peng a herh. CNF supporter taktak nih an chim ahcun a thianghlimmi bia a si ko lai i a tha ko. Nain CNF a dodaltu buu asiloah CNF a dodaltu buu caah rian a tuantu a si ahcun a phen in thil pakhat khat a um kho. Mah caah cun bia kan ngaih tik le ca kan rel tikah a chimtu le a tialtu hi mi zeidah asi tihi kan ruah chih peng a herh. Biadawh le biatha paoh hin biatak an si lem lo.
Chin hriamtlai cheukhat cu dohthlennak nakin Chinram chung i politics play duh ah a dirhmi an um. Phundang cun CNF/A doh duh hrimhrim ah a dirhmi an um. Cu hna nih cun hriamhrei in CNF/A kan tei kho lai lo ti an hngalh. Nain politics kan play khawh ahcun CNF he kan dirhmun a tluk lai tikhi an theih caah raldohnak in an buu a nunnak kha biapi ah an chiah. Ral an dohtuk ahcun an buu caan sau a dir kho lai lo. An buu a dir khawh lo ahcun politics an play kho lai lo.
Tahchunhnak ah CNO/CNDF khi ral cu an do theng lo. Nain an hruaitu luzik khi a fit ngai tikah ramkhel a play khawh ngai. A fit ning hi Chinram luatnak caah sisehlaw a tha tuk nain a si naisailo tiah fek tein ka chim ngam. An rak dirhkaa te khan ka ngiat peng hna.
Anmah CNO/CNDF le anmah bantuk pumpak nih khin a cunglei ka langhter ciami, Ziah Hakha lei koko hmanh CNF/A ah lut duh loin CDF an dirh cio tiah biahalnak a tuahtu hi an tambik. An hmui tinh taktak cu CDF-Hakha, CDF-Mara, CDF-Lautu, CDF-Zophei le CDF-Thantlang a um lo cangkaa khin CNF/A cu Hakha le Thantlang ai lawng na awh tiah sawh chih usih ti khi an hmuitinh muru taktak cu a si. Mah ruang ahcun pei kan pengtlang ah ral rak tu hlah, na hmunhma te ah tu ko. Matual Respeck tiah dawh ngai in biahleng an chim tawn khi a si cu.
“CJDC le Chin hriamtlai tlukruannak. CJDC hi CNF nih a rak dirhpi sual ko hna lo maw? CJDC hmangin CNO/CNDF nih CNF he level khat si ai zuam. CJDC ah Chin hriamtlai buu 18 an um i zei buu hmanh nih anmah dirhmi lila CJDC an upat in an ttihzah lo. Nain CJDC in a ho hmanh official in an chuak ngam taktak lo. CNO/CNDF nih chuah ding phun in ai hrocer bal nain ka chuahni cu ka loh ni a si timi a theih ziar caah a chuak ngam taktak lo”…tbk pawl hi ka peh than te ding an si. Credit: Aceu-Salai Sang Ceu Lian
Cu lakah kan nih lei kan nau le cheukhat cu dohthlennak lio ah politics a biapi lo, raldoh ding biapi tiah (Lungthiang ngai in) an um hna. (Very simple minded). Na bia lakah “Politics nih meithal par hi a duhnak poah ah a mer khawh” na timi kha ka uar bik”