Cung, Hlat tuk ah na kal cang hnga maw? Ka cakuat rak ka let ta te hen!
===========
Voi (1) te tel cun; 1. Ka Ța Te tiin vun in auh ta, 2. Fek te in vun in kuh ta le vun in muai ta, 3. Zei dah na lawh a fak tuk maw ti in vun in hal ta hi ka hei duh tuk hrin hran dah. A hmun lo mi vawlei pi a si ti ka theih ko bu hmanh ah hin zei tin hmanh kaa lung si kho bak loh e a si khawh ah cun na nun nak ding caah hin tang ka in cawk khawh si seh law cu zei ban tuk dir hmun ka phanh zong ah ka cawk ko hnga ka celh bak loh ka Ța Te aw.
Cung, Hlat tuk ah na kal cang hnga maw? Ka cakuat rak ka let ta te hen. Kan theih hmasa bik zaan cu na beidong tuk in na thinlung thilrit nan far nu Nu Dawt sin na rak i thumh zaan kha a si. Kha zaan kha biatam kan ruah ngam rih lo nain saupi nun a ṭhat bik nak le kan duh piak nak bik kong cu kan chimh nan mah le nan mah thazaang thar nan i pe zaan kha ta. A thaizing nan umnak lei ka rak ṭum ah khan bonbawk kan cin dih hnu ah nan dum kenkip ah na ka chawhpi i nan dum tlai zil na ka dangh. na ka ṭawl piak hnu ah mah hi ei tiin na ka pek i inn ah na ka thlah.
Ka kir lai zing Captain Thawng Pi le Captain Solomon he bia kan i ruah lio ah Na Pa a ra i Wan Na nih rawlei ka kawh lai an ti i Ar thah uh ka ti hna zaanlei na kan hrawng lai i bia kan i ruah hna lai a rak ka ti lio ah khan na nitlak tuan lai ding rak thei cia ning law ka rak cam hnga. Khirh ka duh ning cu, Ka kal lai ah kan rak kawl len ko nain kan hmu lo.
Ka theih mi Nawl Cung cu mu mirh dawh te na si ai panh peng mi le mi tlaihchan a thiam tuk mi na si e. A ral a tha tuk mi le a lung a thawng tuk mi na si. Cucu kan i theih chun kan tuanbia an rak si. Hlat tuk na kal rih lai lo e, Kan siang kho lo a tuar inn zia a har tuk. Na ka dawt tluk khan kan daw manh ve lo leiba tamtuk kai khinh sin na zuun tlem a har tuk e.
NAWL CUNG; chimh ngai pa, nawlngai pa, mi țha pa, mi upat thiam kanau, hibantuk hi dawh kan țih tukmi asi cu. kan hnu kan chonh ah khan kanu le pa sin ah ka um nati i (i phuak thai law mahkhan rak um peng ko in ti bak ka duh nain) မှဲ့တစ်ပေါက်တောင်မစွန်းစေကြနဲ့ ka puai tik ah ဖယောင်းတိုင် vang tu ding nan si kan ti hna ah khan, nan ka nih salam nain, nan inn a kaang, nanu le pa na u le nau hmunkip an phan, na ruak hmanh chungkhar tling nih an in hmu kho lo hi mu.
Na chungkhat le khua mi nih zg kan in hmu kan in zuun muai kho lo hi mu. a lang tlang in kan mitthli lawng kan i thlak cio e..na nu le pa kha ralzaam nak hmun ah to pi tu le hnemtu cingla rualchan zg an um lai lo mu. na sia herh tuk ve ko lai e nau aw. raldoh kal poh ah a ral țha tuk an in ti peng i ka thin a rak phang peng. ralring tein awh ti zg ah kan thih caan phanh cun kan thi ko lai hmeteh nati men, thih hi na rak i ready tuk ko rua mu. na te sin zg ah nan i chonh caan poh ah sii peng uh, ca peng uh, thloh peng uh, a ralțha tuk tawn anti, mah him hmasa a biapi e tiah ka cah rih e, bantuk theih lai ka țih tuk ruang ah. atu cu kan ton e kan ton e… kan zaan mang tal silo maw ka thin aw…
Arfi le thlapa bang nulepa ulenau pilepu nih kan in zohthla lio ah ee miphun caah nasining dih lak he nanun nak na pek ne mu, Kanin sianghrim lo ee katu pa cungcung aw zeicen kodah nazun tuar in kanrung veih nelai. Naliam sia herh hrim hlah mu, nangmah an daw biktu Bawipa tangnem ah daite in idin ne mu zungzal ca in mangtha.
Kan ram buai hlan ah ramdang kal dingin Yangon Khuapi ah kan i tong rambuai ruangah ram caah rian kan tuan na nun nak tiang na pek. Upat nak kan pek ee kawi. Nawl Cung aw afak tuk hringhran e. Kan tuar kholo e. Kan inn I len narat lio te na mui hmai te le Na aw aan te kha ka mit thlam le kahna thlam an acaam zungzal e.
Falam Khua Kahdohnak Ah SAC Ralhrang 6 An Thi; Mipi Hliamtuar Mi Siizung Ah Thlop An Sianh Hna Lo. August 12 zinglei suimilam 2 tluk ah Falam khua SAC ralhrang sakhan cu Chin ralkap phu nih an luhhnawh hna caah ralhrang 6 an thi i 9 hliam an tuar tiah CNA chimphuannak nawlngei tu Salai Htet Ni nih Lungmili Post ah a chim. Mipi ralkap nunnak liam tithu thei cu thin a na in tuar a har tuk aw.
“SAC ralhrang sakhan chung ah hriamnam an chiahnak hmun 3 kan luh hnawh hna, hriamngan he hriamfa he phun 14 tluk kan lak piak hna, kan sin ah a phan dih rih lo. Hriamnam zong zeingai a rak um lem loh. Kan mah lei cu deihlan ah hnu kan pil manh.”tiah Salai Htet Ni nih cun a chim. Hi kahdohnak ah CNA, CDF-KKG le CDF-Hualngoram hna an i tel i CDF-KKG ralkap 1 a nunnak a liam.
SAC ralhrang nih Falam peng Sunthla khua lei ah hriamngan in an kah pinah Ramthlo khua zong Jet Fighter in a kah caah Biakinn le khuami inn cheukhat an rawk i khua mi minung 7 hliam an tuar.
“Mipi lei hliamtuar mi hna zong Falam siizung ah an kal pi hna nain ralhrang lei nih an sianh hna lo.”tiah Salai Htet Ni nih Lungmili Post ah a chimchap.
Falam Khua Kahdohnak Ah Chin Ralkap Nih SAC Ralhrang Hriamnam Cheukhat An Lak. August 12 zinglei suimilam 1 tluk ah SAC ralhrang le Chin ralkap karah kahdohnak a chuak i Chin ralkap nih hriamnam cheukhat an lak piak hna. Hi kohnak ah SAC ralhrang 6 an thi i 8 tluk hliam an tuar tiah Media cheukhat nih an langh ter. Hi konghe pehtlai in biafiang deuh theih dingin Lungmili Post nih CNA lei pehtlaihnak kan tuah lio hna a si.
Falam Ralhraang CNA Le CDF KKG Nih An Kah Ralhraang 6 An Thi CDF KKG Pakhat Nunnak Liam. Central Lairam, Lawngtlai 2023 Hniang 12: East Lairam Falam hrambunh ralhraang LIB-268 Battalion riahbuk cu nithaizing ah CNA le CDF-KKG i bawm in an kah hna i ralhraang paruk an thi, hriamnam tampi an laak, CDF-KKG in Salai Nawl Cung nih miphun le ram caah a nunnak a pek.
Nithaizing suimilaam 1:00 hrawng in 2:30 hrawng tiang an i kap. Ralhraang hriamnam MA3 zun 4, 60MM hriamngan zun 3, machine gun zun 2, RPG launcher zun 2 le 0.5 zenthong tampi an laak.
Ralhraang nih khuaceu tiang hriamnga kahthlorh in an kah caah Falam peng Sunthla khuami pathum hriam an tuar. Nihin chun ah ralhraang nih Falam peng Ramthlo khua cu vanlawng in bomb a thlak caah Ramthlo Baptist Church le khuami inn zeimaw an rawk, khuami minung 7 hliam an tuar.
Falam Khua Kahdohnak Ah CDF-KKG Ralkap Pakhat Nunnak Liam; Mipi 3 Hliam An Tuar. Falam khua SAC ralhrang sakhan cu August 12 zing suimilam 1:00-2:00 kar ah Chin ralkap CNA nih an kah hna tiah theih a si. SAC ralhrang hriamnam chiahnak le gate hngah nak an kah hi a si. Ralhrang lei Commander pakhat hliam a tuar pin ah hriamnam cheukhat zong an lak. Hi kahdonak ah aa telve mi CDF-KKG in minung pakhat a nunnak liam.
“SAC ralhrang sakhan an kah mi cu kan cohlan ko, a si nain tualchung hriamtlai theihter nak an kan tuah lo mi kongah kan lung a tha hrim lo”tiah CNDF Defense Secretary Pa Biak nih a chim.
Hi kahdohnak ruang ah SAC ralhrang lei nih Falam khua pawngkam ah hriamngan an kahnak in Sunthla khua chungkhar hna minung 3, kum 18, kum 40 le kum 10 mi hliam an tuar tiah Zalen Media nih a langh ter.