CNF Duhning in Chinland Federal Constitution An Suai Taktak Maw ပီတာ!
=============
CNF le Dr. Ngai Tam Maung Nih Anmah Duhning In Suaimi Chinland Federal Constitution Asi Lailo. CNDF le Hakha Thantlang huattu Falam lei nih CNF le Dr. Ngai Tam Maung nih anmah duhning in an suai mi Chinland Federal Constitution Draft asi anti. Live le Talkshow, Interview ah an chim zungzal mi asi.
Peter nih Constitution suai dan, Kaldan, Fekter dan, Protocol hi an hngalh lo caah asi khawh men. Asilo ahcun CNF thangchiat in CNO ZFU / ZRA he Chinland Cozah dirh awkah CDFs dang kha an sawm duh hna caah asi men lai. CDF Upa cheukhat cu an sawm cuahmah lio hna. Constitution cu Lawyers, Technicians le Politicians hna nih draft an tuah lai i Cucu i ceihkhang cio asi lai. Remh aherh mi remh, Chap aherh mi chap, Palai vialte hnatlaknak (Vote 75% or 51%) in fekter asi te lai.
WCCCC nih an chuah pi mi Chinland Constitution Draft hi Conference ah chuahpi asi lai i fekter asi hnu ah Upadi siam tu hna kut ah ap asi lai. Cu Upadi remhchun tu le zohthan tu cu MPs palai hna an za tein an i tel lai. Hihi Dejure phu ansi lai. Pengkulh le Pengtlang, CNF in ara mi Palai hna cu Defecto ti asi i Thimhnak in a kai lomi Technicians or Mipi palai ansi ve lai. Hihi Vawlei cung ah an hman mi Phunglam le Dotla mi asi.
CNF le Dr. Ngai Tam Maung Suai ciami Draft ning in aum hrimhrim lailo. Draft ti asi i, duh le hlawnh, duh le cohlan ti asi ko lai. Buai awk aum lo. One Command le One budget timi nan duh lo mi hna zong kha Upadi remh tu phu Palai hna nih an remh te lai. CNF duhning in akal lailo. Ra ve uhlaw nan duh ning in kan remh lai cu Peter. WCCCC hi Upadi nan duh mi tuahnak le remhnak hmun asi hi Peter.
Hihi hmanh aafiang lomi nih CNDF ah VP si cu an tlaupi dih te hna lai. MPs Palai an i tel ve mi Upadi Draft zohti nak ah i tel duh lo cu Demo zeirello asi. MPs zeirello cu Mipi zeirello ansi caah Kanram le miphun nih a herhmi hruaitu ansi lo. Democracy phung le Mipi duhnak zulh i timh loin mah le duhmi Policy le mumal lawngin kal a duh i hruai duh pawl kha pei Ralhrang Anaasin ti cu asi cu.
MAL le SAC lawng hi Ralhrang ansi lo. Peter zong asi ve. Cun an lih lawng siloin an hrawkhrawl asimi cu Falam peng um Chin Tribes hna an tial tikah Hlawnceu, Lailun – Sunthla, Lunghawh pathum hi Burma code ah aum lo mi asi. Lailun in aathawk mi kan si ko ahcun Hualngo, Ngawn, Zanniat khawh in adang hi cu LAI ansi dih tiah Burma code ah aummi asi. Cucaah Falam ah Chin Tribes adikmi aum mi cu Lai, Hual ngo, Zanniat, Ngawn phun 4 lawng hi aum.
Chin Tribes 53 kha kan cohlan ahcun Falam peng ah aummi Chin Tribes cu 7.5% lawng asi. 23 % or 25% timi kha lih lawng asilo Hrawkhrawl asi. Lih in pawcawm ngawl cang uh. CNDF le ZFU ah ra ve ding in Mindat, Kanpelet, Matupi, CDFs dang le Politicians nan sawm peng mi zong ngawl cang uh.
Tutan hi nan ra duh ve lo ahcun ZRA le CNO CNDF hi Chinland cheuthum ah athen tu nansi lai caah Tuanbia Tazakhan nan si te lai. Falam Fanau in nanmah nakin a fim deuh tuk mi an um ve te tikah nan thlan lung ah an zung an i zunh hnawh te hna lai kha. Chinism Falam mipi nih duh bak ve hlah uh.
Chinland Ralkapbu Cu CNA Pakhat lawng asi timi cu MPs nih An Cohlan i An Fekter mi asi. Chinland Council siam awkah WCCCC le Chinland Conference ah i tel ve awkah CNF CNA kan duh lo, CNA nih Chin huap lo timi cu: Jesuh cu Khamhtu Messiah asilo, Buda pathian Godama hi Messiah asi tinak asi.
CNA nih ka nawlpat seh timi cu Kanu le kapa nih fungfek an ka vuak mi le an ka chimhrin mi hi Nuhrin covo an buar caah kan nawl hna seh tinak asi fawn. CNA lungput le Policy aathlen lo ahcun Chinland ah kan i tel khawh lo timi cu Ka nu le ka pa an zia ka duh lo caah Nupa sinakin kan hlawt hna tinak asi. CNA cu Chin huap asilo, Hakha Thantlang lawng a huap timi cu Politic le thildik ah ka mit acaw i ka kebei tinak asi. Politic bawhte ka si ko hi, Ramkhel kong ah ka zuzu tonghtham lawng ka thiam tinak si pei cu.
Ramkhel ah thluak hman lo mi kalsual pa ka si. NOAH vekin kan no lai ah a AAh zomi kan si tiah Talkshow tuah vek si. Laimi kancem. WCCCC le Chinland Constitution Draft cu MPs 24 (NLD Upa luban hna telin) Kum 2 leng an i tawn i biaruahnak an ngeih hnu ah ahung chuak mi asi. Mipi nih kan duh i kan thimh mi kan aiawh Palai hna nih an cohlan cikcek caah CNA lawng Chinland Ralkapbu anti nak san cu asi Sokhaw.
Democracy ning in Mipi nih kanmah aiawh kanthim mi MPs rual nih CNA lawng Chinland Ralkapbu tiah an cohlan ahcun adih cang. Na cohlan lo ahcun Demo fapa na si ve tilo. Federal Fapa le Fanu cu Lamlam. Laimi kancem. Hlutdaw i MPs nih an fekter mi cu Mipi nih kan hrawk bal reng maw? Phunghrampi ah aum mi cu kan duh lomi zong ansi lai nain kan hrawk khawh ti lo. NLD nih Federal an duh lonak, Democracy Federal lawng an duhnak cu Hlutdaw ah an fek ter tikah Mipi nih kan hrawk khawh tilo.
Hlutdaw ah MP Palai nih an cohlan i an fekter ciami cu Kanmah lawng siloin Vawlei pumpi nih adik anti mi asi. Cucu nan duh lo ahcun Demo fapa nan si lo. Fascists kungcunghmin nansi caah Chin Virus le Cancer nan si ko. Viruses thahnak sii le Cancer sii cu WCCCC ah rak din ve ko. Chinland Ralkapbu or Miphunpi Ralkapbu si awkah phunglam cu nizan ah kan phuang cang.
CNA cu Chinland Ralkap asi timi cu UN nih fekter mi asi cang caah MPs nih an cohlan lo zong ah hnawn khawh lo asi cang. Nangnih CNA cu Chin ahuap lo na ti lengmang mi hi UN Charter le Protocol hi nan rel bal rua lo. Nan i fiang hrim rua lo ka ti ko. I faksak hlah uh. Chinland Politicians cu chimhlo, keimah hmanh kaa fiang cu aw.
NUG nih Guerilla in cohlan kansi. MAL te nih Ralhrang in Cohlan kansi. NUG nih Pithusit an kanti caah UN nih ti ve kansi. NUG he meeting nan tuah bal rua lo. NUG Vuanci le Upa he biaruahnak nan ngeih bal reng maw? Ralkap he pehtlaih in CNA cu Chinland caa lawng ah siloin Northwest tiang in CNA lawng Mipi Ralkapbu tiah NUG nih ati cang. Ralkap le Cozah he pehtlai mi poah NUG nih CNF CNA kut ah apek mi hngalh cang tuah uh. ICNCC le MPs kut ah apek mi Vuanci zung le Departments zong aum nain CNF + MPs ansi cang caah anmah sinah Power aum dih cang. Credit: Jacob R. Thang