CNF/A Nih Nanmah CDF Menmen Bantuk In Khuaruah Sehlaw An Nawn Dih Hna Nak A Sau Cang Lai!
============
Chin hriamtlai lak ah CNA cu kan suttung an si ka timi kongah ka palh lo nak a ruang cu tuzing Vaurawng tlangaunak a ngai mi nih cun nan ruahdamh khawh ko lai. Pu Lal Siam mawi nih a chim mi chung in Matupi pengah AA ralkap minung 200 cung an um a tiah ka theih mi hi a dik ko rua. Timi biahalnak a tuahnak lio ah a chim chih.
Zeiruangah dah Maputi peng chungah AA ralkap minung 200 renglo nih hmun an khur khawh? Matupi CDF an um lo maw? An um henta anmah nih an sawm mi hna cu pei a si fawm cu. Zeiruangah dah an sawm hna. Chin ram chung hriamtlai pawl nih KIA sin ah meithal cawk an duh ahcun CNF/A hnatlaknak recommadation tel lo in an caw kho lo. Cucaah Matupi CDF nih KIA sin ah meithal an duh ning in an cawk khawh lo tik ah AA ek va ruh an timh.
AA an nawl hna. AA hruaitu Htun Myat Naing cu anmah nak in let 100 in a fim deuh caah vanthat a ti i Matupi CDF hruaitu pawl cu an lu le taw a merh hna i hnatlaknak a tuahpi diam hna. Hnatlaknak an ngeih hnu ah AA pawl cu Matupi peng chungah duhtawk in an tlawngleng cang. Matupi CDF cu Bible chung Sehtan bantuk an si hna. Dothlennak kan tuah an ti ko nain CNF/A dohnak caah AA an rawih hna tinak a si.
Tutan kan dothlennak kal ning zoh in zei pentlang hidah Miphun dothlennak an si timi le Pengtlang dothlennak timi hi kan thleidan thiam ding ka duh ngai. Cun tutan Matupi CDF an thiltuah hi Chin miphun kan caah Vaunaam har bantuk an si caah an tuanbia le an dothlennak hi mipi caah cun philh awk tha lo ding a si nain CNF/A nihcun zeitluk in a mah ralkalh in rian an tuan hmanh ah Pacan lungput he a zoh rih ko hna i a lem rih ki hna hih. Ngakchia CDF lungput in i put ve sehlaw CDF keimah aa timi CNDF,CDF Matupi le MATC pawl hi an nawn dih cang hna lai khah.
Mah Pacan sinak lungput he an kilkawi mi hna kha caantha i lak ruangmang in a mah CNF/A lila nan dirh onh mi hi kan fim i ti citcet cai u cih. Kan molh ti i fiang uh. Nanmah bantuk thinlung put he hriamtlai hna sehlaw Chin ram a busainak a sau tuk cang lai. Cucaah 21 Centuary mino nih kan thintuah a thar in ruahthan a cul cang.
CNF/A Cu Chin Miphun Kan Suttung Pi A Si Ka Timi Cu Pelte Hmanh Ka Palh lo. Tuzan cu Inn ka tin hnu ah ka messenger ka hun zoh i cakuat tampi ka dong. Nai hrawng ah CDF vialte nih raltuknak ahcun CNA command tang in raltuk khawh siseh timi kong ka tial. Cuve rualrual in CNF/A nih naihrawngah Senthang peng chung kal in khuate khuabawi an thim piak hna timi anmah lei peng nih an tial mi pehpah in thil dik a si ahcun CNF/A lei an palh kho tiah ka tial.
Cutik ah thil dik a tanh mi he tanh lo mi he mi tampi nih ka inbox ah ca nan rak ka kuat. A bik in Senthang lei deuh an si. An cakuat ka relnak in Hakha lei a tanh mi le Senthang lei a tangh mi tiin phu hnih in an cakua tu ka theih khawh hna.
Zahan zan ka cakuat ka dong mi lak ahbka hung i lunghmuih ngai mi cu nizan i CNF/A salai Htrt Ni te nih khuate pakhat i meeting an tuah lio record tlawmpal aa tel. Kan khua ahcun CNF/A lei salai Htet Ni te nihcun ningcang lo in khuabawi an kan thim piak lo e ti a si. Cun an meeting lio khuami an aukhuan mi record ka ngai tik ah Khuami tu an hrut taktak timi hmuh khawh a si.
Meeting lio i an record ka ngai tik ah thate in record a tuah ngam lo timi ka hngalh. Nain record tuahtu nih a saduhthah le aa tinh mi cu hitihin a rak ka kuat. Kan khua ah hin then hnih in kan um nain Hakha lei phu nih kanmah lei hi kan dik ti rumro in an au pi caah mipi nih thil dik an theih khawh nak hnga caah tiah tutan Salai Htet Ni nih a kan tuah pi lio hi thei ve hna seh ka duh” tiah a rak ka kuat chih.
Salai Htet Ni nih Senthang ah i fonh uh tiah nan duh maw a ti hna tik ah Hakha Lei tang nih kan duh lo an ti colh. Khatlei cu an dai.Nain Pafim kan ti cu kanmah nih mah ka ah i fonh uh cuka ah i fonh uh tinak nawl kan in ngei hna lo nain hmunkhat ah umti uh law timi hi kan in duh piak hna tiah a leh hna. A fiang mi cu Senthang an si ko caah Senthang ah i fonh kho hna seh tihi an duh piak lo hna timi cu fiangte in a lang.
Nizan cakuat ka dong mi chung in A fiang ngai mi cu CNF/A cu pacan an si nak a lang. Hramhram in a ti hna lo. Nain Senthang peng an si caah Senthang ah an i fonh zong an duh piak ko hna i an pom thiamthiam ko hna lai timi a biachimnak in theih khawh a si.
Cucaah lai hritlai kan unau hna CNF/A cu Chin miphun kan caah kan pacan le kan suttung an si hi theihthiam piak hna uhsih. Tanpi hna uh sih. Nain CDF pawl zei CDF na va si zongah nan pengtlang ca lawng menmen ah hriamtlaih le MAH doh hi i tim hram hlah uh. Chin huap in CNF/A nih Option tha bik in an pek mi hna chung ah cohlan khawh le a mah he ifonh in or Command in raltuk izuam hram uh.
CNF/A cu pacan ah cohlang hna uhsih. An nih cu nan chuah hlan 88 lio in hriamtlai dawh an si cang cuh. Ral nan tuk ti tik ah Lutlai i cuh hlah uh. Kan unau Kareni bantuk in CNF/A kha a lu pe hna uh. An chim mi ngai hna uh. An command ngai uh. Tunak in ral kan tei dwuh lo ahcun ka hngawng kaa tan lai hih. Credit: The Star Enter