CNDF tawh tlaihtu hi Salai Lian Luai dueh asi ee. Pu No hi puh lo puh ding asi lo!
========
CNDF tawh tlaihtu hi Salai Lianluai dueh asi ee. Pu No hi puh lo puh ding asi lo. CNDF hruaitu hna hi Hlan NLD mino dueh ansi ko cu. No Than Kap cu Tualto Party in a chuak cang. Amah tein aum. Pu No ruangah CNLD ti lo ding. U Kyaw Nyein zong CNLD in achuak cang.
India le MAL cu hawikom ansi caah Pu No nih ati zongah aa hlei ding asilo. Pu No hi MAL hawikom si duh ah CNLD in aaphuah mi asi. CNO CNDF hi Salai Lianluai chakhri tlaih mi asi nain pu No nan puh peng ahcun Lianluai a luat lengmang cu. Lianluai tu hi soisel le ti ding asi cu. Pu No hi CNO asinak teht hmuh ahar ngai i Lianluai cu tehte an um ko.
Pumkhat si duh lomi le Chin ah aafonh duh lomi hi Thiltha tuah ah rel duh hlah uh. I fon uh law CNA ah Falam lei nih Upa le hruaitu sinak lei tu ah kan kalpi uh.
Pu No Than Kap Yangon in Delhli ah Visa bak in a kal hi kan i ralrin taktak hau! Aruang cu 1988 dothlennak a rak tuah ve mi ex CNA/F No Than Kap le a hawi le pawl kha, kawl ralkap sin i an rak surrender lio ah khan No Than Kap cu Helicopter bak in Naypidaw ah an rak kal pi mi si i, biatiamnak tha ten a ngeih hnu lawng ah zalonnak an rak pek mi si.
Tutan Yangon in Delhli, Delhli to Mizoram a kal dan zong hi Visa bak in a kal tikah lunghrinh loawk tha lo. Ralhrang nih an thlah mi si lai tiah kan ruah/zumh cio mi si. Chinmi nih ralring ten kan zoh hau. Chinmi hriam tlai karlak ah thencheunak fak pin a chuah pi khawh mi si. Chinland Counsil dirnak meeting zong ah CJDC members chungin kai duh lo mi ah CNO le PDF-Zoland lawng kai duh lo mi an si. CNO cu kanmah chung ah meeting kan tuah ta lai an tii, kan theih ning ah cun No Than Kap zong CNO nih an auh mi si.
Kan Chin ram ah Chin NLD MPs tamdeuh ruangah a thuarhnawm mi politics tam tuk cang. Chinmi kan zaaten thlacam daithlang hna hlah usih! Kan Chinram a him khawhnak hnga le Chinmi kan him khawh nak hnga.
Kum hnih chung dohthlennak ah kahdohnak voi 9900 a chuak i SAC ralhraang thong sawmthum hrawng an thi. Zapi dohthlennak kum 2 chungah SAC ralhraang he kahdohnak voi 9900 a chuak i, SAC ralhraang thong sawmthum hrawng an thi tiah National Unity Government (NUG) nih dohthlen kum hnih tlin report a chuah mi ah a langhter.
SAC nih ke ralkap Infantry Battalion 214 le Light Infantry Battalion 307 a ngeih hna i ral a tu kho mi 65,000 hrawng an si lai tiah ruahdamh a si. Van ralkap, ti ralkap, sehzung ralkap hna tel in SAC nih ralkap thazaang 225,000 – 240,000 hrawng a ngeih lai tiah zumh a si. Kum 2 chung raltuknak ah SAC ralhraang 30,000 tluk cu kan thah khawh cang hna. Kan raal pawl i an thazaang zatuak 12.5 tluk raalram ah an lotlau cang. Raalram ah a thi mi lawng siloin a zaam mi, raal doh duh lo ruang ah thong thlak a tong mi zong a thong in an um lai tiah NUG nih a langhter.
Kumhnih chung raldohnak ah an thazaang a zor ngai ti fiang tein hmuh khawh a si. An thazaang chap than nakding ah Pyusawhtee, Pyithusit, ramri hngak ralkap, ralkap pension le kumtling lo ralkap pawl an hman hna lawng siloin ralkap nupi hna le Non-CDM pawl tiang in hriamnam an tlaihter hna i raltuknak ah hman an timh hna ti zong an langhter.
Dohthlennak kum khatnak ah SAC ralkap, palek, BGF le Pyithusit camp 28 laak an si. A kum hnihnak ah SAC lei camp 107 laak an si. Kum hnih chung raltuknak ah SAC ralhraang meithal hna lawng siloin 120MM, 81MM, 60MM le a dang hriam ngan phunphun laak a si. Sagaing ramthen, Homalin peng Shwe Pyi Aye kahdohnak ah ralhraang Helicopter 1, Mese kahdohnak ah K-8 vanlawng pakhat hrawhpiak an si i Chin ramkulh ah tank 2 hrawh an si.
Kum hnih chungah Battalion ning in rammi lei ah aa thialmi an um, Karen ah SAC ramri hngak Battalion No. 1004 le 1005 cu rammi ralkap sinah an i fon. Nawlngeihnak laak a si hnu in rammi mizapi sinah aa thialmi SAC ralkap 3234, palek 10536, an dihlak 13771 an si cang. Chek cuahmah mi hna he fonh ahcun ralkap le palek dihlak 14000 leng rammi sin ah an i fon cang i, cu ah cun ralbawi tampi an i tel tiah NUG nih dohthlen kum hnih tlinnak report ah a langhter.