CNA le MDF kahdohnak kong he petlai in MDF an hawile si mi, CNO/CNDF hruaitu Salai Peter Thang Le CDF-Mindat Hruaitu nih Nihin Live in an chim mi chung in tlawmpal te kan rak langter. CDF-Mindat hruaitu pa nih hitihin a chim. Kanmah nak in phu hme deuh an si ti phun in zuamtai in le duh poah in hriamnam hman in kahdohnak tuah cu kan duh bak lo mi asi.
Hriamnam a ngei cio mi le hman cio mi kan si caah a ho phu hman nih duh poah in an kan tuah kho lailo. Cu ca cun CNA le Tangti phu in MDF an kahdohnak kongah a herh ning poah in kan cawlcang ve ko lai tiah achim.
Salai Peter Thang zong nih Chin 3 brotherhood kan si bantuk in a tubantuk in CNA le hawi le nih MDF kongah Cabawi cungah bia in ruah in daihnak tuah pi khawh an si ko bu ah Hriamnam in an kahdoh hna caah kan duh lo, a herh ning in bawmh ve ding in kan i timh tuah ko tiah a chim ve.
Relchap: Mahte Khuakhan Lairelnak A Ngeimi Kawthoolei Karen Ram Kan Ser Lai _ KNU Chairman Padoh Kwe Htoo Win KNU an dirh (77) tlin kum, February 5 ah
zalonnak, tlukruannak le mahte khuakhan lairelnak a ngeimi Kawthoolei Karen ram kan ser lai, tiah KNU Chairman Padoh Kwe Htoo Win nih a chim.
KNU nih a bik in aa hmaithlakmi le a ṭuan mi rian cu Karen miphun nih ramkhel lei ah aa tinhmi a tlamtlin khawhnak ding, Karen miphun pawl miphun khat ah kan dir i a ṭhangchomi zatlang kan ser khawhnak ding le ramkhel lei ah fek tein a dirmi kan si khawhnak dingah tuah in sermi a si tiah a chim.
Cun miphun kip nih a dikmi democracy kan hmuh i tlukruannak le mahte khuakhan lairelnak a ummi Federal Democracy rampi kan ser lai, tiah a chim chap.