Chinmi nih dohthlennak kan tuah mi hi’ zawng para thlei ah kan cang kho men.
========
A ruang'(1) Chin mi hi miralțha le a lung aa rual mi miphun kansi kanti mi hi lih asi i a zei lei paoh ah kan miphun hawi dang a tluk lomi miphun kan si caah asi. (2) CNF/ CNA hi mawhchiat lo awk zong nan țha ti lo. Keimah pumpak nih kan mawhchiat nak hna cu a tanglei bantuk hin asi.
Ralhrang nih uk nak a fir ka te ah khan keimah mifim lo pa nih hin hitin ka rak au pi, Ral hrang nan doh hlan ah hriam tlai phu dang dirh le dalan hi doh hmasah hna uh tiah ka rak au khuang ngai ve. Cucu nanmah CNA upa chung lila hmanh nih CDF e CNDF e timi hriamtlai phu dang kha nan rak au kanh ve hna i, hriamtlai phu dang dirh a duhlo mi mipi kan au khuannak kha zei ah nan rak rel lo.
100% in a fiang tuk mi Dalan NTK kha nan theih ko bu in mipi nih dalan asi fiang tuk in kan theih ko caah hmai lei Chinmi chung ah buainak a chuah pi ding kha kan țih i kan au len ve. Ralhrang nih uk nak a fir le cangka in NTK nih a party a chuah tak i ralhrang meting a va kai kha nan hngalh ko. A ngai ngai tiah cun nanmah nih cun NTK te hna cu nan ti men lai.
NTK te hna ti sawh ding asi lo. A taktak ah cun nanmah nak let tampi in a fimmi asi tihi kan theih dih. Mi țha cu siseh law mipi zong nih ka uar tuk hnga i ram zong a hruai kho ding pa fim asi ko tihi nanmah zong nih nan theih ko lai. Kan ram caah ral asi ko mi ziah him tein nan rak zohsawh ko hna?
NTK nan tluk lo nak le nan țih nak a phi cu nihin mipi nih kan hmuh thluahmah cang i nannih zong nan i nuam ve tilo hih. CNA upa cheukhat nih hriamtlai phu dang CDF le CNDF pawl an um hi a țha tuk nan rak timi kha a țha nan ti ning tein nan tuh mi nan zun deng cang hih. Ralhrang kan tei ding ah cun kanmah le kanmah kan i tei hmasah a hau kan rak ti țhio kha. Kan unau CNDF nih hin ZRA he bia chah țimi an ngei tihi nan nung ko asi ah cun philh hlah uh.
CNA hrawh ding ah hin AA hmanh biaruah mi an ngei cang ti zong philh lo ding. AA nih CNA a kan hrawh pi lai i ပေလးဝ hi i lak ko seh ti tiang in ruahnak an ngei cang. Hihi biapawrh le lih ah nan rel men lai. Nan tawn tik lawng ah nan zumh lai.
A donghnak te ah chim kaduh mi cu,Chinmi hi Khrihfa kan i ti i, lih fa kan si. Mi ralțha kan i ti i mi firkhu miphun kansi. Hiti ning te hin cun,miphun dang vial te cu an luat lai i ralhrang nih uk mi cu Chin miphun lawng hi kansi te lai. Lungput a thurhnawm tuk mi le biachim lawng a nal mi, Lih fa Chin miphun kan si. Credit: Hlawn Ceu Pa Bawi