Chin Ramkulh Telh In Hmunhma 4 Ah Mipi 500 Deng An Thi!
=========
Raltuk lio ah buar mi sualnak (War Crime) telh in Nuhrin Covo buar ruang ah Chin ramkulh, Sagaing, Magway le Yangon ramṭhen 2023 May thla in August tiang thla 4 chung ah mipi 473 an thi tiah PMCSG nih October 23 ah Report a thanh.
A thi mi chung ah pa 439, nu 38 an i tel i cu chung ah kum 18 tang pa 29 le nu 2 an i tel tiah theih a si. Thla 4 chung ah minung 10 nak cung a bu in thahnak voi 11 a cang i Sagaing ramṭhen ah voi 6, Chin ramkulh ah voi 5 a cang i pa 163 an thi tiah report ah an langhter.
War Crime, Human Rights Violation le Crimes pawl kong peng le ramṭhen 4 ah data an khawmhsuat tik ah SAC ralkap nih voi 405, mipi hriamtlai phu nih voi 80 le min theih lo mi phu nih voi 44 an buar tiah PMCSG nih a chim. SAC ralkap nih a buar mi voi 405 chung in mipi cung ah voi 344 le kahdohnak hmunhma ah voi 61 a cang i War Crime voi 205, Human Rights Violation voi 112, Crimes voi 27 an buar tiah PMCSG an ṭial.
Chin Ramkulh Le Ramṭhen Pathum Ah Thla Li Chung Ah Rammi 500 Deng Nunnak A Liam. Raltuk phung buarnak(war crime) le nuhrin covo buarnak in Chin ramkulh, Sagaing ramṭhen, Magway ramṭhen le Yangon ramṭhen ah 2023 March in August tiang rammi 473 nunnak a liam cang, tiah PMCSG nih October 23 ah report an chuah.
Nunnak a liammi lakah pa 435 le nu 38 an si i cu chung ah kum 18 tang ngakchia pa 29 le nu 2 an i tel. Thla li chung ah minung 10 in cunglei a bubu in thahnawnnak voi 11 an tuah i Sagaing ramṭhen ah voi 6 le Chin ramkulh ah voi 5 an tuah. Cu chung ah pa 163 nunnak a liam, tiah an langhter.
Ramṭhen le ramkulh pali ah raltuk phung buarnak le nuhrin covo buarnak kong PMCSG nih hlathlainak an tuah tik ah SAC ralkap nih voi 405, PDF nih voi 80 le hngalh lomi phu nih voi 44 an tuah, tiah an thanh. SAC ralkap nih sualnak an tuahmi lakak tualchung mi cung ah sualnak voi 344, military target voi 61, raltuk phung buarnak voi 205, nuhrin covo buarnak voi 112, le a dangdang sualtuahnak voi 27 an tuah, tiah an langhter.
PMCSG nih report an chuahmi hi sualtuahnak a cannak hmun ah an va hlathlaimi, dikfel tein thawng a thanhtu media hna nih an thanhmi cherhchan in, thah a tongmi hna chungkhar nih an chimphuan mi le phone in pehtlaihnak an tuah mi hna nih an chimmi cherhchan in an langhter mi a si.
Chinland Defense Force – Thantlang Nih A Voi Khatnak Conference Tlamtling Tein An Tuah Khawh! Chinland Defense Force – Thantlang hrihhawhnak in a voi khatnak CDF-Thantlang Conference cu tlamtling tein an tuah khawh, tiah theih a si. 2023 October 18-20, ni thum chung Thantlang peng ramri hmun khat ah CDF-Thantlang nih a voi khatnak Conference an tuah i Battalion aiawh palai, Area aiawh palai, Khua aiawh palai, a hlei in sawmmi le mileng, zapi 190 reng lo an i tel kho, tiah theih a si.
A voi khatnak CDF-Thantlang Conference ah cun CDF-Thantlang kum hnih le cheu tluk a rianṭuanmi zohṭhannak, hmailei karhlannak kong ceihkhannak le rianṭuantu thar thimnak an tuah i SAC uknak hrawh ding, Chin Miphun mahte khuakhan lairelnak hmuh ṭhan nakding le Federal Democracy ramkomh ser ṭhan ding kong fehternak zong an tuah. Cu pin ah, dohthlennak ah mizapi pakhatnak ah chiah zungzal ding le mizapi humhimnak papek in ṭuan ding, tiah biakhiahnak an tuah.
CDF-Thantlang cu aa tinhmi zul in ṭhawng chin in hmailei ah ralhrang nawr ding in aa timlammi a si caah ramchung ramleng nih chawva le thinlung in ṭhawng chinchin in rak kan dirkamh u, tiah CDF-Thantlang nih mizapi sin ah nawlnak an tuah.
CDF-Thantlang cu 2021 February 1 in SAC ralkap nih hramhram in nawlngeihnak an laak hnu ah duhlonak a phunphun a langhtertu, ram mi cung ah tharum in lehrulh ruang ah mizapi kilven ding in a dirmi phu a si. Ramchung ramleng mizapi dirkamhnak in dohthlennak a tuahmi Phu a si i CNF, CJDC le phu dangdang he naihniam tein rian a ṭuanṭimi Bu a si, tiah CDF – Thantlang nih an thanh.
Mindat Khua Ah Thla 3 Chung Ti A Rat Ti Lo Caah Dinti An Har. Chinram thlanglei Mindat khua ah thla 3 chung ti lam a rawk i ti a rat ti lo caah dinti an har ngaingai, tiah tualchung mi hna nih an chim. A hlan ah cun khuachung he meng 9 tluk aa hlatnak hmun ah pipe in ti cu kan laak tawn nain atu cu a rawh cang caah dinti harsa ngaiin kan umnak thla 3 tluk a si cang, tiah Mindat khuami pakhat nih a chim.
Cerhti a putnak tikhur kiangkap i a ummi hna cu dinti kong ah harsatnak an ngei lem lo nain mipi a tam-u cu tiva ah motorcycle in kan than tawn, cu hlei ah datsi le diesel man cu a hlan nakin a fah deuh caah motorcycle le motor zong duhning in hman ngam a si ti lo, tiah Mindat khuami pakhat nih cun a chim. Mindat khuachung ah dinti lawng har si lo in electric mei a rat lonak zong thla 5 tluk a si cang, tiah Mindat khuami hna nih an chim.
Chin Ramkulh Le Ramṭhen Pathum Ah Thla Li Chung Ah Rammi 500 Deng Nunnak A Liam. Raltuk phung buarnak (war crime) le nuhrin covo buarnak in Chin ramkulh, Sagaing ramṭhen, Magway ramṭhen le Yangon ramṭhen ah 2023 March in August tiang rammi 473 nunnak a liam cang, tiah PMCSG nih October 23 ah report an chuah.
Nunnak a liammi lakah pa 435 le nu 38 an si i cu chung ah kum 18 tang ngakchia pa 29 le nu 2 an i tel. Thla li chung ah minung 10 in cunglei a bubu in thahnawnnak voi 11 an tuah i Sagaing ramṭhen ah voi 6 le Chin ramkulh ah voi 5 an tuah. Cu chung ah pa 163 nunnak a liam, tiah an langhter.
Ramṭhen le ramkulh pali ah raltuk phung buarnak le nuhrin covo buarnak kong PMCSG nih hlathlainak an tuah tik ah SAC ralkap nih voi 405, PDF nih voi 80 le hngalh lomi phu nih voi 44 an tuah, tiah an thanh. SAC ralkap nih sualnak an tuahmi lakak tualchung mi cung ah sualnak voi 344, military target voi 61, raltuk phung buarnak voi 205, nuhrin covo buarnak voi 112, le a dangdang sualtuahnak voi 27 an tuah, tiah an langhter.
PMCSG nih report an chuahmi hi sualtuahnak a cannak hmun ah an va hlathlaimi, dikfel tein thawng a thanhtu media hna nih an thanhmi cherhchan in, thah a tongmi hna chungkhar nih an chimphuan mi le phone in pehtlaihnak an tuah mi hna nih an chimmi cherhchan in an langhter mi a si.
Kalay Peng Ah Rithaisii Kyats 3.69 Billion Man Tlaih A Si. Sagaing ramṭhen Kalay peng Natgyikone khua ah October 18 ah rithaisii kyats 3.69 billion man an tlaih, tiah nihin October 24 ah chuahmi SAC kuttang Kyemon newspaper nih a ṭial.
Mandalay in Kalaymyo ah a kalmi motor pakhat cu chekhlatnak an tuah i kyats 3.69 billion man, sahbuan bawm 3,300 chung ah sanhmi bing raang 33 kg le Methamphetamine sii tlang sing 10 leng cu tlaih a si i motor khaltu le motor hnu zul telh in rithaisii a zuartu ah aa telmi hna zong an tlaih hna, tiah a langhter.
Rithaisii hi Shan ramkulh in Sagaing ramṭhen ah luhpi a si i tlaih a tongmi hna zong upadi ningin dantat an si lai. Cu pinah rithaisii phorh le zuarnak ah teltumnak a ngei rihmi hna zong kawl an si lai, tiah Kyemon Newspaper nih cun a langhter. SAC nih nawlngeihnak an laak hnu in Kalaymyo ah rithaisii a hmangtu an karh i mi nih hmuh khawhnak hmun hna zong ah rithaisii an hmang ko nain SAC ralkap nih tlaihkhihnak zeihmanh an tuah hna lo, tiah tualchung mi pakhat nih Chin World ah a chim.
“Tlanglawng dinhnak le pumpululh certual hmun hna ah rithaisii an hmang. Cuka hmun cu SAC ralkap pawl naihniam in an umnak a si ko nain an tlai hna lo,” tiah a chim chap. Kalaymyo ah rithaisii a hmangmi ni khat hnu ni khat an karh tuk caah mi thil firnak le mi thiri chuhnak hna zong a karh chinchin lai ti kan phang ngai, tiah tualchungmi hna nih an chim. Credit: The Chin Post