Chin ralkap maw kan si pengtlang ralkap!
==========
Tulio Chin ram ah patlung bằng a keu lulh mi ralkap bu hna kong hi ruah a phụ cang. Thantlang CDF nih an chim peng mi cu, Thantlang lakthan bak kan i tinh an ti. Hakha CDF nih Hakha ram cu kan mah hmun an ti.
CNDF nih Falam ram cu kan mah Hmun an ti ve. CDF a tamdeuh cu cu ti cun an si dih hna. Hakha peng cu Chin ram bantuk ah ai cang I Falam peng zong Chin ram bantuk ram pakhat he ruah mi ah ai cang. Lenglang in an chim lo, cuticun kan ruat lo an ti dih ko lai Nain an cawlcangh ning tu cu peng pakhat te kha Chin ram dihlak kilven bantuk in an um ko ti cu a fiang mi a si.
Hakha CDF supporter a cheu lebang nih an chim mi cu Hakha in ralhrang hna hi kan duh le kan lanhter hna lai kan duh le kan kham hna lai ti ah an ti. Cucu nih a fianter mi cu Hakha CDF cu Hakha peng ralkap lawng an si ti he ai dang ti loh. Peng dang CDF zong cucu an si dih ko.
Ruah taktak a hau cang mi cu zei dah CDF kan dirh chan ti hi kan fian taktak a hau. Ralhrang doh le an uknak hrawh duh kha kan i tinh mi a si ko ahcun Chin ram chung vialte ralhrang an um nak poh le a herh nak Hmun poh ah kal i va doh awk khi a si ding a si hnga. Falam ah ral an hran lio ah Hakha ral a si lo bang, Thantlang ah ral an hran lio ah Falam ral a si lo bang. Hitihin cun phihlik ral hmanh kan tei lai lo.
Mipi phaisa, mipi thazaang a la kho deuh poh le a ei kho deuh poh a thawngdeuh i lawh ter sawhsawh in cun “Mah tilzang cumh” Kan si ko lai. Ram Chung he ram leng he kan thazaang kan ifonh khawh nak ding le one command kan hman thiam nak ding le, CDF he CNA he tha te in full training an tuah khawh nak hnga thazaang pe cio hna usih. Ramleng kan pa le kan u le pawl, power lawng duh i thil dik a tanh lo mi pawl hi i donhter ti hna hlah u sih. Biak L Cung
CNF rian ttuan tti nak ding lam kawl in bia ruah nak an nei pah tiah kan theih caah kan tha anuam! US cozah nih hmundang ah rian a ttuan tik ah hin a ttuan tti mi hna hi zumhtlak an si maw silo ti theihnak ah thil hme tete a thok pi hmasa tawn hna. Can zeimaw zah rian an ttuan tti hnu ah zumhtlak an si ko an ti hnu ah thil pipa a tuah pi tawn hna timi hi hnu lei keneh vun dawi tik ah a lang mi asi.
Nai hrawng ah US cozah lei in abiapi mi department pakhat le Chinmi kan miphun dohthlen nak ah a kan hruaitu surlu asi mi CNF rian ttuan tti nak ding lam kawl in bia ruah nak an nei pah tiah kan theih caah kan tha anuam.
Kan ram thlen nak taktak cu kan mah Chinmi chung in a chuak lai ti cu kan zapi kan ifiang dih cikcek cang hna. Asinain a tlamtling mi thlen nak a chuah khawh nak ding ah kan mah thazaang pin ah hawikom ttha tampi kan herh.
Na ram caah nangmah na biapi bik, a dang vialte cu bawmchan tu le a chap chuan lawng an si ti kha philh sual lo ding asi lai. Hi hmanthlak hi Eastern Europe le North Africa i upa cheukhat hna he State Dept. i chuncaw kan ei lio asi. Credit: Salai Bawi Lian Mang
Kan Chin/Mizo hlasak minthang Pi Daduhi Khiangte cu CNF USA Regional Committee nih tuahmi Sport Tournament le Concert ah tel ve ding in a umnak London, UK in a rak i thawh cang. A tu hi New York City ah a um lio a si i, tuzan (07/28/2023) 10:00 pm hrawng ah Indianapolis khua a rak phan lai.
Concert tuahnak ding hmun hi Sunday zanlei (07/30/2023) 7:00 pm ah CEBC Biakinn ah asi te lai i, Mizo hla lawng si loin, Laihla zong fung 2,3 sak ding aa tim. Indianapolis ah a um mi kan miphun vialte rak rat cio ding ah kan in sawm hna.
A mah hi CNF le kan Chin miphun dohthlennak ah tha a pe tak tak mi lawng si loin, Mizoram (Western Chinram) i kan unau le kan Chinram (Eastern Mizoram) i kan miphun vialte unau kan si, kan ttan tti a hau tiah 2002 in biatak tein a rak au pi mi a si.
Amah le a hawi nu Liandingpuii nih 2002 in unau kan si nak fak tuk in an rak au pi caah khua chak-khuathlang kan i dawtnak tampi a karh i nihin Mizoram kan um zong ah kan zalawn khun nak hi a si ve. Mah unau kan sinak cu ruahchih in 2002 ah Indianapolis khua ah “Siamtu Ropui” timi hla ttha tak tak kha a hawi nu Liandingpuii he an rak phuah a si.
CNF USA Regional Committee Sport Tournament cu tuzing (07/27/2023) ah kan pa Rev.Dr. Stephen Hre Kio biachim nak le thlacampiaknak in kan thawk. Indianapolis ah a um mi kan Chin unau vialte tha rak kan pe cio uh, rak kan zoh cio uh tiah kan in sawm hna. Pi Daduhi Khiangte rak i tel in, CNF nih 07/30/2023 (Sunday) zanlei 7:00 pm ah ah CEBC, Indianapolis ah tuah ding mi Concert zong ah nan rak kan tel pi cio nak lai kan in sawm chih hna!
CNF kan GS Pu Thla Hei, CEC Member Pu Bawi Lian Mang le tiin CBCUSA Office ah nihin (07/26/2023)zanlei ah kan va leng. CBCUSA General Secretary Rev. Dr. Ceu Lian Thang, Assistant General Secretary Rev. Dr. Hrang Hlei le a tu lio kan ralkhamnak ah a biapi tak tak mi CBCUSA nih a dirhmi Chinram Dirhkamhtu Bu(CDB) i, kan Chairman Rev. Dr. Thawngling Mualhlun te nih an kan tthut pi. Ka tthuttti mi ka hawi le (5) hi a tu lio kan miphun dirhmun ah a biapi bik (or) a biapi taktak mi lawngte an si.
Suimilam (3) lawng kan tthutti can cu a si nain, Kan ni ruahmi le kan ceih mi pawl cu an biapi ngai tiah kan ruah. Kan ni ruahmi Pathian kan pa nih a tthabik in tlamtling ter ko seh tiah lungsi tein thla kan cam. Credit: Daniel Sakhong