Chin Miphun Hna Nih SAC Ralkap An Doh Ning Dirhmun!
===========
SAC nih hramhram in uknak a lak hnu 2021 thawk in minphun hme a si mi Chin miphun hna cu hriam an tlai, Chin mipi hna nih anmah ram, an miphun sinak kilvennak caah le Democracy caah dothlennak an tuah. Myanmar ram ni tlaklei tlangcung hmunhma ah kahdohnak a fak chin thluahmah. Chin miphun, mi tam-u Khrihfa a si mi miphun hna nih Chin ramkulh hmunhma tam deuh cu an uk/tlaih khawh rih.
Dothlennak a tuah mi hna nih India ramri, tlangcung hmunhma hna ah raltuk an cawng. Mino tampi nih an rian le an sianginn kaltak in kahdohnak ah an i tel. An hriamnam le an thilri niam tuk ko hmanh seh fek tein an dir. Sihmanhsehlaw Chin mipi hna nih a man a fak tuk mi dothlennak man an intuar. SAC nih Chin ramkulh chung khua tampi ah bom a thlak. Innlo tampi a hrawh, minung tampi hramhram in a thialkam ter hna. Sihmanhsehlaw Chin miphun hna nih a dongh tiang SAC doh ding in lungthlehnak an ngei.
SAC Ralhrang 2 CDF-Matupi Sin Ah Bomb Le Kuan He An I Fonh. Chin ramkulh thlanglei Matupi khua ah umhmun khuarmi SAC ralhrang 2 cu Bomb le meithal kuan he CDF-Matupi sin ah an i fonhnak kong CDF-Matupi Battalion-2 nih September 24 ah an langh ter.
Ralhrang 2 cu September 18 ah CDF-Matupi sin ah an rak i fonh hi a si. A rak i fonh mi ralhrang hna cu Moe Aung le Naing Wai an si i mah hna nih MA meithal kuan 122 le kutcheh Bomb 2 zong an rak i chuah pi chih.
Kyainseikgyi Hmai Kale- Tagundaing Ah Rallamsial In A Rak Lutmi SAC Ralhrang Drone Hmangin An Kah Hna 10 An Thi. Kayin ramkulh Kyainseikgyi peng Kale-Tagundaing ah rallamsial in a rak lutmi SAC ralhrang cu mipu hriamtlaiphu nih drone hmangin bomb an thlakhnawh hna caah ralhrang 10 naak tlawmlo an thi hliamtuar an tam tiah Cloud Wings drone hriamtlaiphu chungin ṭuanvo ngeitu pakhat nih a chim.
September 16, ah thok in KNU Kyainseikgyi peng Kala-Tagundaing ah rallamsial in a rak lutmi SAC ralhrang cu mipi hriamtlaiphu KNLA hruainak in September 22, khan drone hmangin 81 MM, 60 MM bomb an thlakhnawh hna caah ralhrang 10 naak tlawmlo an thi hliamtuarmi zong ab tam tiah theih asi.
Kawkareik Hmai Naungtalar Khua SAC Ralhrang Hriamngan Kahnak In Tualchungmi 1 Nunnak Liam. Kayin ramkulh Kawkareik hmai Naungtalar khua cu SAC ralhrang nih hriamngan in ankah caah tualchungmo 1 nunnak liam tiah KNU nih an langhter. September 23, zing suimilam 5:30 tluk ah Kawkareik hmai Naungtalar khua Sah Kah Khah 12 tangah ummi cu SAC ralhrang nih hriamngan 120 MM in ankah caah tualchungmi kum 30 tluk upa a nunnak liam tiah theih asi.
Kyondoe peng Taungkyarinn khua fim cawnnak sianginn ah umhmun khuarmi SAC ralhrang Sah Kah Sah 12 kuttang a ummi Khah Lah Yah 130, Khah Mah Yah 546, Kah Lah Yah 208 le KNDO ṭangṭi phufonh mipi hriamtlaiphu battalion 6 hna karlak kahdohnak a fah caah a tu bantuk in ralhrang nih hriamngan an kahnak hi asi tiah an langhter.
Kawthoung SAC Ralhrang Hriamngan Kahnak In Tualchungmi 1 Nunnak Liam Mipi 30 Tluk An Tlaih Hna. Tanintharyi ramṭheb Kawthoung peng Khamaukgyi hmai Khamaukngy khua cu SAC ralhrang nih hriamngan in an kah caah tualchungmi 1 nunnak liam tiah theih asi.
September 21, zing suimilam 9:00 tluk ah Khamaukngy khua Kawthoung peng rallamsialmi SAC ralhrang hriamngan kahnak in tualchungmi 1 dum zohkhenhtu a nunnak tiah theih asi. SAC ralhrang rallamsialmi nih Khamaukngy khua pawngah rianṭuan liomi tualchungmi minung 30 tluk cu an tlaih hna i an kalpi hna a tutiang in kan pehtlai kho hn alo tiah an langhter.
KNU Brigade-6 hmun August thla chung kahdohnak ah SAC ralkap lei captain pathum tel in 191 an thi. Karen National Union (KNU) Brigade-6 hmun i August thla chung kahdohnak a cang mi pawl ah SAC lei captain rank pathum tel in ralhraang 191 an thi tiah KNU, Dooplaya Distric nih a thanh. August 1 in 31 tiang KNU Brigade-6 hmun chung ah KNLA, KNDO, hriamtlai phu komh hna le SAC ralhraang hna kar kahdohnak voi 70 a cang tiah theih a si.
Cu kahdohnak pawl ah cun SAC lei ah captain rank pathum, sen hnih pakhat, palek sen hnih pakhat tel in 191 an thi. Battalion Commander pakhat, Battalion Commander changtu pakhat tel in 163 hma an pu. SAC lei hman mi motor pakua zong an hrawh khawh tiah an langhter. KNLA, KNDO le hriamtlai phu komh lei in 22 hma an pu i pasarih nunnak a liam tiah theih a si.
Ralhraang camp le raallam sial ah a rak lut mi SAC ralkap pawl cu KNLA, KNDO hriamtlai phu komh nih ni fatin an kah lengmang hna, drone zong in bomb an va thlak hna tiah an langhter. Atu ah cun SAC ralkap pawl cu cunglei an bawi pawl nih rialchih in an uk hna caah an thinlung a zor ngai i, camp zaam taak in KNU le rammi ralkap hna sin ah a rak i fon mi an tampi. Cu bantuk in a rak i fon mi ralkap pawl cu KNU nih lunglawm tein kan doh hna i kan zohkhenh hna. An nun tunmer than khawh nakding zong kan tawlrelpiak hna. Hriamnam he an rak zaam ahcun a man tuak in bawmhnak kan pek hna tiah KNU, Dooplaya Distric nih an thanh.