Kumthar ah Pamh ko hna ning?
========
Chin ah Pumkhat si duh lo tu CDFs Phuthum hna kong: ZFU/PDF Zoland kan zoh tikah ahlan kan tein CHIN min acohlan lomi ansi. Chin cu saal kan si lio min asi anti. Chin Pupa hna rovui bia cu kannih Chin mi cu SPH phun, Bawi phun kansi. Aho saal hmanh kan si ballo ti asi.
Saal si kan duh lo caah Kalay Kabaw in Chinhills ah kan rak kai I Lailun le Cimnuai ah kan um ti hi tuanbia dik asi. Anmah Zomi hi saal miphun ansi bal i asi laa ka ti ko. Lailun um mi hna cu Lai tiah min kan I sak. Lai cu Falam, Ttl, Hakha peng ah kan tam bik. Linguistic ningin zoh ahcun Lai, Zo, Zomi, Mizo, Cho, Asho, Khumi, tbk vialte sullam cu Chin tinak asi. Carey and Tuck Chin Tuanbia le Dr. Layman tialmi Chin tuanbia zoh tikah Chin cu Chin cafang in aaṭial reng lo.
Kyaeng, Chyaeng tiin aaṭial. Chin sullam kha mah le holh cio in kan chimhrel I kan tial tikah Zo, Zomi, Lai, Cho, Asho, Khumi tiah kanti mi tu ansi. Vawleipi mifim le cathiam zong nih hihi an cohlan I anpom mi asi.
CDF Falam asiko mi CNO/CNDF nih Chinland Council le CNF cu Hakha le Thantlang asi anti mi cu Pu No Than Kap le Falam mi fim hna nih an hlen hna caah asi. Pu No Than Kap nih Aw Falam timi cauk arak tial mi nih Falam mino hi ahrawk dih hna kanti lai. Pu No Than Kap nih aw Falam cauk ah ahmang mi biafang cu “Let bygones be bygones and know your enemy” ti asi. Kan ral cu ngaithiam an kan hal lo zong ah kan ngaithiam hna lai maw ti asi tikah
Falam le Hakha kha ral ah aser. Falam aduhdawt caah asilo. Hakha Ttl le Falam kha ral serduh ah tialmi capar asi ko cu. Kheng chap ah Salai Lianluai hi ka nung chung ah ka todan ka kianh hna lailo atitu asi. NUG le ICNCC he mino todan pek duh lomi ansi. NUG nih Tlangcungmi Federal le todan kianh le pek an duh lo bangin Lianluai nih Mino le chin mifim hna kian aduh lo caah
CDF Falam cu Chakhri atlaih hna I Hawikom asawm ter hna.
CDF Mindat hi sullam ngeih loin CNF huattu ansi. Meithal nan kan pek lo anti. Kha lio kha mah hmanh nih meithal ngeih lo lio can asi. NCA in kum 10 kal lio ah PEACE in Federal kan ngah ko lai tiah Dr. Lian Hmung Sakhong te nih anzumh tuk caah Meithal an zalh tilo. Ral nan kan doh pi lo ti cu kanmah nawl loin kan ram ah CNA ral doh hlah uh nanti kha. Lautu kan doh pi hlah nanti ee.
Lai, Zo, Mizo, Zomi, Kuki, Nagar, Asho nakin Chin asi deuh mi Cho asi. Cho Miphun timi cu chin Miphun tinak asi. Nan tlau bak. CDF Falam cu Pu No Than Kap le Sachiatpa Lianluai ruangah asi. CDF Tedim cu Zomi or Zogam kha Chin tiah thlen anduh caah asi. Mindat cu Sullam ngeih loin CNF cu Hakha le Ttl taa nanti ee.
Shanram Chaklei Unau thum Hmuitinh le target cu Federal asi lo. 1027 Operation aathawk ah federal aum ti lo. Confederation zong an um tilo. Independence bak asiko. Chaklei unau thum cu NUG le Pau Dohthlennak he pehtlaihnak aum bak lo. An nawl cawng ding asilo Federal nanti ko ahcun. Independence ram bak. Rakhitṭa lam cu Dangia Waddy Arakan SPH ram dirh bak asi. Federal le Confederation he aasaing loh. Nan hngalh cang maa.
Chaklei Unau thum nawlcawng nansi I Chin Unau nan ti ahcun Mindat, Falam, Tedim kha Independence ram hal asi caah nan tlau kan ti nak hna cu asi cu. Nan Phun hawi Chinmi pei rat uh kan zang saa I can dih usih nankan ti cu, maw mihrut rual hna. PLW cu AA nih anlak cang lai caah Rakhine ram asi cang lai. Cucu maw AA he hawikom nansi I raldoh nan bawmh rih til kek pate le zangkawk pa te rual. Nan zang Vanṭha asiko cu.
2024 Kumthar Ramkhel Homework: Part (1); Chin Unau Thum phuthar adirhtu CNO/CNDF, ZFU/PDF Zoland, CDF Mindat le MDF Mara, ICNCC Ruangah Chinland Cheu hnih thum in aacheu tak ve lai maw? Kan ralpa Kawl Ralkap le Kawl Anaasin kip kan doh hna buin mah le mah aadoh pah mi Chinland le Kawl kansi sual ma? Kawl Ralkap Anaasin kan tei hnu ah Kawl Civil Anaasin NUG le NLD he I doh ṭhan nak aum ti hnga maw?
Kawl Civil Anaasin asimi NUG le NLD Lakfa asimi bawi lo bawi ICNCC le an hnuzulh CDFs hna he Chinland ah Civil war aathawk ṭhan lai nanti maw? CDF Mara cu kanmah ansi nain AA asi cang mi MDF nih kah an kan duh timi hi adik ko ahcun Zeitik ahdah ankan kah hnga? Paletwa le India Chinland Sipuazi lam le Gate vialte chuttu, Chinland rumnak vialte atu tein aalak I hmai lei zong ah I lak bet a duh mi le Paletwa cu Rakhine ram bak ah achiah dingmi AA he kan I doh ding hi Ma-ah-la MAL kan tei hnu lawng ah maw ansi te hnga?
ZRA n ih an kan doh tikah Mizo, Kuki, Thado, Nagar aasawm khawh hna lai maw? Asilo ah anmah ZRA lawng in maw ankan doh lai? ZRA nih Chin Unau thum he ankan doh kho ve ko maw? Chin Unau thum nih an kan doh tikah AA aatel lai maw? MDF hi Chin Unau thum he an kan kah ve te hnga maw? Kanmah doh ve dingin Chinland Council in chuak aduh mi anum te kho maw?
ZZLMS phu hi Kanmah doh tu maw ansi lai kan hawikom dah? Kanmah doh tu le hmai lei ah fak piin an kan doh ding mi Chin Unau thum he ZZLMS hi aakawp te hnga maw? Chinland council ah um aduh lomi le CNF CNA ahua tu CDFs le hriamtlai vialte nih anmah lawng in maw an kan kah lai, AA telin dah an kan kah lai? Chinland Chin Miphun le Chinland council kan ral hna hi cung lei ah ka
langhter mi hna pin ah adang ral anum ti lai maw karual.
Hi vialte raldohnak le Chin vs Chin I dohnak le I thahnak hi a hrialnak lam aum maw? I pumkhat ṭhannak lam te an um lo maw? AA hi tah Zeitikahdah kan kah hna lai? Kawl Anaasin kip kan thluk khawh hnu ah maw? Cu hlan ah? AA hi Paletwa Chinland chut lo ding in Chin Naupa KIA nih an chimhrin khah lai lo maw?
AA he raldoh sisehlaw Falam lei Halleluiyah Amen voi 7 he ansi lai maw? AA he I fonh in maw Falam hi an kan kah ve hnga dek? Hlawnceu ram le Ngawn hi Zahau saal maw nansi peng rih ko lai, mah tein SAC hi nan doh ngam bak lo maw? Negro saal luat thlang nan ngawn cu Zahau saal luat theih nawn lo pi, sikem? Credit: Jacob R. Thang