CDF-Tonzang Battalion 2 Cu CDF-Tonzang Chungtel Sinak In Chuah An Si!
========
CDF-Tonzang Battalion 2 cu CDF-Tonzang chungtel sinak in kan chuah hna, tiah September 5 ah CDF-Tonzang nih an cathanh an chuah. Thado miphun cheukhat phu nih an ukmi CDF-Tonzang Battalion 2 nih CDF-Tonzang Battalion 3(Company 3) Company Commander Mang Mun Piang cu a sual lo bu ah Khuangkhan khua ah an tlaih i meithal zun 8 he an tlanhter hna hnu ah an thlah ṭhan. Asinain CDF-Tonzang Battalion 2 nih Mang Mun Piang cu an tlaih ṭhan i an thah, tiah CDF-Tonzang nih an langhter.
Thado phu cheukhat hna khuakhan lairelnak tangah a cawlcang mi CDF-Tonzang Battlion-2 hna nih CDF-Tonzang Battlion-3 in phuthen (3) lutlai Pu Mang Mon Piang cu sualnak a neih lo pin ah buainak chuah ter duh ah Kingkaan khua an um lio ah an tlaih. An tlaih mi Pu Mang Mon Piang cu meithal zun 8 in an tlanh ter hna hnu ah an thlah than. CDF-Tonzang Battalion 2 aa timi Thado phu pawl nih Pu Mang Mon Piang cu uah in an tlaih than i a nunnak dih tiang dantatnak an pek.
Thahnawnnak tiang in thil an tuahmi hi Zo miphun zei an kan rel lo a si caah Zo miphun CDF-Tonzang hruaitu hna nih kan cohlang hrimhrim lo. Cu ruangah CDF-Tonzang Battalion 2, Thado phu cu CDF-Tonzang chungtel sinak in kan in chuah hna, tiah CDF-Tonzang nih cun an langhter.
Cu bantuk tuahser nak cu Zo cithlah a si mi CDF-Tonzang hruaitu upa vialte nih kan duh lo i kan lung a fak. Cucaah CDF-Tonzang Battalion-2 aa timi Thado phu pawl cu CDF-Tonzang ralkap sinak in an chuah hna nak kong cu CDF-Tonzang aiawh in chungtuan tu Thang Suan Mung le CDF-Tonzang chimphuannak nawlnei tu nih thawng thanhnak kan tuah tiah CDF-Tonzang nih September 5 ah thanhca an chuah.
Mang Mun Piang cu a sual lo buin a sualnak kawl in thahnawnnak tiang a tuahtu CDF-Tonzang Battalion 2 cu 2023 September 5 ah a voihnihnak CDF-Tonzang chungtel sinak in kan hrawh cang, tiah CDF-Tonzang nih cathanh an chuah. Hi cathanh an chuahmi hi CDF-Tonzang Secretary Thang Suan Mung le CDF-Tonzang chimphuannak nawlngeitu theihpinak in an chuah mi a si. Sualnak ngei lo Pu Mang Mon Piang a that tu CDF-Tonzang Battalion 2 aa timi Thado phu pawl cu September 5 thok in a voi 2nak CDF-Tonzang ralkap sinak in kan in chuah hna tiah CDF-Tonzang nih an langhter chih.
August Thla Karenni Ramkulh Chung Kahdohnak Ah SAC Ralhrang Minung 101 An Thi KNDF 5 An Nunnak Liam. Karenni ramkulh August thla chung ah KNDF le SAC ralhrang karlak ah kahdohnak 50 a chuak ralhrang lei minung 101 an thi 40 tluk hliam an tuar an nung in 3 an tlaih hna KNDF hriamtlai phu chung in 5 an nunnak a liam ve tiah theih asi.
August 2, ah thok in Demoso peng le Hpruso peng khuakip tannak motor lampi le khuate uk dingah phu 3 ṭhen in rallamsialmi SAC ralhrang cu Karenni LNDF ṭangṭi phufonh nih an kah hna caah an karlak ah kahdohnak fakpi a chuak ralhrang lei ralbawi telh chih in a thimi le hliamtuarmi an tampi tiah KNDF nih an chim.
Cu lawng silo in Mese peng uk dingah Hpasawng peng lei in rallamsialmi SAC ralhrang hna cu KNDF ṭangṭi phufonh nih Pantein khua pawngah an kah hna tiah theih asi. Cu bantuk ṭhiam in, Pekon peng in Loikaw peng tiang a rak tanmi SAC ralhrang cu Karenni ṭangṭi phufonh nih an rak kah hna pin ah Demoso peng NanMeKhon khua ah a ummi ralhrang zong pehzulh in an kah chih hna tiah an langhter.
Karenni ramkulh August thla chungah KNDF le SAC ralhrang karlak ah kahdohnak 50 a chuak ralhrang lei minung 101 an thi 40 tluk hliam an tuar an nung in 3 an tlaih hna hriamhme 15 le hriamngan 1 an lak. KNDF hriamtlai phu chung in 5 an nunnak a liam tiah theih asi. SAC ralhrang hriamngan thlaknak in tualchung mi 3 an nunnak liam ngakchia 3 hliam an tuar sianginn 2 le chungkhar khuasaknak inn 18 a rawk tiah an langhter chih.
SAC Ralhrang An Thathawhnak Caah An Mah Ralhrang Lila Le An Chungkhar Hna Cu TikTok An Zuamter Hna Lai. SAC ralhrang pawl an thathawhnak le an lungthin thawnnak ding caah an mah ralhrang le an chungkhar hna cu TikTok zuamnak an tuah ter hna lai tiah ralhrang chung neihniam hna nih an chim.
TikTok aa zuam dingmi hna nih, ralhrang hna thazaang ah an i lak ding mi hla, Myanmar ram chawleh thalnak kong, zatlaang sining kong, dothlennak tuah tu lei nih an langhter mi thawngpang hna cu nichuak capo ah tuah ding kong le ralram ah a kal mi ralhrang lei an thawhnak bia le hla tibantuk zong aa tel lai i a hnubik September 5 ah nan kuat cio dih lai tiah a thlithup in thawngthanhnak an tuah.
Cu an i zuamnak Vedio cu minute 3 tluk lawng a sau lai i Social Media ah tar a si lai, hi zuamnak ah a thiambik pakhat nak laksawng sing 1, pahnih nak 50,000 le pathumnak ah 30,000 pek an si lai pin ah a dang tein laksawng phun 2 a um rih lai tiah ca an chuah mi ah an langh terchih.
“Rampi huap in ralhrang pawl le an chungkar cio TikTok zuamter ding in thawngthanh dih an si, an laksawng zoh tik ah a phupha lo. Social Media ah TikTok hi mitam deuh nih an vun hman ngai caah a tu an tuah mi ralhrang lei thathawhnak le ralhrang ttanh hlei nak kong TikTok zuamnak an tuah mi zong hi mitam deuh nih zoh kho hna seh ti ruahnak an neih caah a si” tiah ralkap CDM pakhat nih a chim. Credit: Lungmili Media, The Chin Post