CDF-Paletwa Sin Ah SAC Ralkap Le Palek Minung 10 An I Fonh
==============
Chin ramkulh Paletwa peng um SAC ralkap le palek hna chung in minung 10 cu CDF-Paletwa sin ah an i fonh tiah CDF paletwa nih nizan December 10 ah an thanh.
CDF-Paletwa sin ah a rak i fonh mi hna hi Shinletwa khua hram bunh SAC IB 299 battalion in ralkap 2 le Shin letwa palek sakhaan in palek minung 8 hna an si.Shinletwa palek sakhaan in palek minung 8 cu December 7 ah an rak ifonh i ralkap 2 hna cu November 29 ah an rak i fonh tiah an langhter.
Cu tin mizapi sin ah a rak ifonh mi hna cu a himnak ah an kuat hna tiah theih a si.a tu tan zapi ralkap sin a rak ifonh mi hna cu hriamnam an rak i chuah pi kho lo tiah theih a si.
Loikaw Khuapi Um SAC Ramkulh Palek Sakhaan Dothlennak Phu Nih Tlamtling In An Laak.Karenni ramkulh khualipi Loikaw khua um SAC ramkulh palek sakhaanpi cu KNDF hruai mi dothlennak phu hna nih tlamtling tein an laak khawh tiah Progressive Karenni People Force – PKPF nih thawng an thanh.
Loikaw palek sakhaan pi le No.2 (B.E.H.S) siang inn hmun khuar SAC ralhraang hna cu nihin zinglei sang thok in luh hnawh in kah an si i chun ah Palek sakhaanpi cu tlamtling in laak khawh a si cang i siang inn kong cu a fiang deuh rih lo tiah theih a si.
Hi kahdohnak ah SAC lei in ralbawi hna telh in cheukhat an thi i palek hna nih hman mi motor cycle le palek motor cheukhat an laak tiah theih a si.nihin zinglei sang ah SAC nih vanlei in bomb a tlak caah Loikaw khuapi chung ah a lian cem mi Thiri Mingalar bazar pi zong a kaang tiah theih a si.
Hi kahdohnak cu Karenni Army (KA),Karenni Ntional Defense Force (KNDF) le a dang ttangti phu hna ibawm in an tuah mi kahdohnak a si tiah kan theih.Credit: CBN Daily News