CDF Hakha, Battalion (3) BC he ton biaruahnak ah a chim mi hna!
============
Biahalnak pakhatnak? Naibik Zokhua peng lei ralhrang an luh lio i nan hmuh ton mi a tawinak in mipi sin ah theihternak vun kan tuah ve ta law?
Bialehnak, Naibik Zokhua peng lei operation ah hin, SAC ralhrang a rak kai mi hna hi tatmaha 77 pawl an si i, an rak kainak hi a saupah cang Kankaw lei zawngah an rak i kap pah cang tiah thawng kan rak theih cia cang caah hriamnam timhtuahnak zawng thatein kan rak ngei ve cang tiah a chim.
Cun, Bung Zung an phanh hi thla ni 16 ah a si i Bung Zung an phan ti kan theihbak in kan nih zawng ready tein Lung Cawi khawtaw in Kan rak hngah ve hna. Khuika in dah an rat khawh lai tiin kan ruahnak poh le kan hnu kum hrawng i an rak luhnak hmun le hma hrawng khan khur thatein kan i cawh cia i cu ka cun ni 2 ni 3 hrawng kan hngak hna hnu ah an rak phan hlei ti lo.
Cuticun kan hngah hna i thla ni 21 ah khan lung cawi cu an rak phan tak tak i zan nazi 9:45 hrawng in kah hram kan i thawk a si i 10:30 tiang hrawng kan i kap sinain mui le zan a si cah ai hliam mi le a thi mi cu fiangin kan i thei kho lo. Cuticun an nih zawng an rak fong ngam ti lo in an um i cu zan cu Lung Cawi khuachung cu an rak lut ngam ti lo. A thaizing ni 22 ni chun zawng chunnitlak te kan hngah hna nain in an rak lut ngam hlei ti lo, an nih hi zan deuh ah a kal mi an si i chunah cun an rak lut ngam lo.
Thla ni 22 zan ah Lung Cawi khua Chung an rak lut i Sihpi pawl kha an rak len i kan nau le nih Lam he tlang he an rak bawh ve hna. Mui le zan a si cah SAC pawl cu an angki te te kha an i tlai hna i cukaah cun kan nua le nih an rak kah hna i, i kah nak a chuak than SAC pawl hi cuka cun ceilak te an thi lai ti zawng kan zumh.
Cu ah cun Lung Cawi ah khan an riak than i zanpoh hin kai an rak i tim than peng a sinain Mine kan chiah mi bantuk hna an i lamh i a puah hnawh hna i zeimawzat a thi i hliam mi zawng an um hna. Cutincun an lung a dong ve i kan lut kho ti lai lo tiin an ruah ve i silai cu Lung Cawi khuataw leiin Tengva leiah an van zuang i Malsawm lei Vantlang leiah kan i kah nak le Malsawm zawng ah an vunluhnak kha a si tiah a chim.
Hi i kahnak i a harbik mi kan ton mi cu vanlawng kahnak hi kan nih nih kan tong bel lo caah tu tan i kahnak ah hin a hman lo mi a um lo tik ah hin a phun phun van lawngkahnak hi a hman dihtluk khi a si caah kan i harh khunnak zawng a si tiah a chim chap. Cun vanlawng in SAC pawl hriamnam a thlak mi hna an lak khawh lo mi hna zawng ceilak te kan lak ve tiah a chimchap. Cucu a vawikhatnak kan i kahnak cu a si i April thla ni 21 in kan i kap i May thla ni 14 ah kan kir tiah a chim.
Biahalnak pa hnihnak? Ralhrang hna nih zeitluk in dah mii harnah an pek hna? Mipi nih zeitluk in dah harnak an ton, nan hmuh piak khawh mi hna?
Bialehnak, Ralhrang an rak kai tik ah hin mi pi hna nih hin harnah an tong ngai ngai ko, a ruang cu khuika dah kan kal lai kan i thuh lai i kan zam lai tiin thin phang in an um an thilri thuhnak tiang in an thin a phang cio hna i an har ko hna.
A bikin nai tan i kahnak lebang khan cun i ruah lo piin i kah kha sitik ah Malsawm khuami hna lebang cu harsaknak tam pi an tong khun lai, an mah Malsawm khuami pakhat nih a ka ti mi hna cu SAC an rak kai ti thawng a theih bak khan a lungre a theituk cang, a tuan mi a facang pawl hna kha khuika dah ka chiah ah thathnga ti ka ruat a ti i mah facang chiahnak hrim hrim hmanh ah khan a lungre a thei tuk. Mipi hi an hartuk hna kamkhat lei ah kanmah zawng dirpi a hau mi kan si khat le ah ral an si tik ah hin harsatnak hi tampi an tong ko tiah a chim.
Biahalnak pa thumnak? Rak thok kaa Nak in min nih tha peknak hi a zor deuh maw? Mipi lei in zei bantuk dirkamhnak dah nan herh bik ?
Bialehnak, Kan rak i thok kaa ah hin cun Mipi zawng ni tha an rak kan pek an rak kan dish kamhtuk nain kan i thok kaa nak cun Mipi thazaang peknak hi a zor deuh ko tiin ka hmuh. Kan rak I thok kaa ban tuk khan Mipi nih hin thazaang rak kan pe rih hna seh law ti zawng hi kan duh, a ruang cu Mipi nih thazaang an kan peknak a zawr cun kan mah Ralkap zawng kan tha a zawr ngai ve tiah a chim chap. Mipi lei thazaang peknak le dirhkamhnak hi kan herh bak ko rak kan dirhkamh rih ko ulaw tiah a chimchap.
Biahalnak pa Li nak? Social media ah CDF le CNA hi one command (order) tang ah an um kho deuh lo tiah bia a leng mi hi tah zei tin dah a si?
Bialehnak, Hi kong ah hin cun hman te chim ko ah cun kan um kho lo ti awk a si ko, a ruangcu but pa hnih kan si tik ah full in one command tang ah um hi cu a har ngai, an mah zawng nih khin a caan caan cu hruai a kan timh lo mi zawng khi ka lawh ter pah tiin a chim.
Cun kan nih CDF Hakha hna lebang hi cu 100 ah 100 in CNA hruainak kan cohlan titiang in kan By law tiangah kan telh chih mi a si i mah khi zawng ah khin an mah zawng nih khin hruai a kan duh tak tak ma an mah CNA bantuk khin te a kan daw taktak ma ti zawng khin tampi cu a va hngat lai i, fiang tein chim ko ah cun kan um kho lo ti kha a si ko tiah a chim. One command (order) tangah cun kan um kho lo nain ralram tuah hin cun an mah hruainak tangah kan um ko kan thudir tti ko ral kan tu tti ko tizawng a chimchap. Credit: Than Mawi Sang