Bureau Of Special Investigation စသုံးလုံး Director General Cu Zung Dang Ah An Ṭhial!
===========
Ministry of Home Affairs (Myanmar) tang um mi Bureau of special Investigation (BSI) lutlai Director General U Maung Maung Kyaw aiawh ah Ministry of Defense lei in U Aung Zaw Lin an thlen tiah theih a si. DSA ralkap batch 25 sianginn chuak U Maung Maung Kyaw hi General Senior Than Shwe ralkap chan lio Secretary 2 a ṭuan mi L.t General Tin Oo a fanu pasal a si i, BSI ah kum 10 leng rian a tlai cang mi a rak si.
U Maung Maung Kyaw cu Ministry of Social Welfare, Relief and Resettlement zung ah an ṭhial. Tulio Myanmar ram ah Sui, Dollar, Inn le lo kong le ramdang in thilri a lutchuak mi vialte le min ngei mi rum hna an rianṭuan ning kong ah စသုံးလုံး (BSI )nih ṭuanvo lak in hlathlai le cheknak a tuah lio can a si.
NLD cozah chan lio ah စသုံးလုံး (BSI) hi eihmurnak lei hlathlai ding in tuanvo pek a rak si nain SAC nih uknak a lak hnu ah BSI cu SAC ralkap a dohtu le min ngei mi rum hna an rianṭuan ning dohhlatnak lei deuh ah rian fial an si cang tiah BBC Burmese nih a ṭial.
Yinmarbin Ah Thing A Fir Mi SAC Ralkap An Kah Hna, 5 An Thi. Sagaing ramṭhen, Yinmarbin peng ah thing a fir mi SAC ralkap pawl an kah hna i 5 an thi, hriam zong an lak khawh tiah Kyaukgyi PDF nih thawng an thanh. September 6 zinglei sml 8:00am hrawng ah Yinmarbin peng, Sithu thinghual ah thing a fir mi SAC ralkap 100 hrawng cu Yinmarbin pengkomh B21, B22, B23 le ULF hna bawm in an kah hna, kahdohnak hi sml 2 leng a rau.
Thing a fir mi ralkap pawl hi Yinmarbin peng Kyaukkone khua ah ni 3 hmunhma an khuar i September 6 zinglei 8:00am hrawng a leng an chuah lio ah an kah hi a si. Kahdohnak chung ah ULF lei in 6 thinphan awk um tuk lo in an i hliam i tluang tein an kir kho ṭhan tiah theih a si. Kahdohnak chung in an lak khawh mi hriam hna cu; 1. MA-1 zuun 2, 2. MA-2 zuun 1, 3. Kuanbawm 17, 4. Icon 1, 5. 56 kuan 400, 6. Phone 1 hna an si tiah theih a si.
Sagaing ramṭhen chung dothlennak phu pawl bawm in Drone Operation an tuah i SAC ralkap le pyusawthi tampi an thi, tampi an i hliam tiah Myeiktila PDF Drone phu nih thawng an thanh. Sagaing ramṭhen, Myinmu peng, Htisawng khua ah a um mi SAC ralkap sakhaan cu August 26 zinglei sml 8:15am hrawng ah Drone in bom an thlak hnawh hna i SAC ralkap 10 an thi, 7 an i hliam tiah an fehter.
Cu ni zaan sml 10:00pm hrawng ah Ayardaw peng, Ngwedwin pyusawthi khua ah SAC ralkap sakhaan cu an doh ṭhan hna. Zuu a ri i aa hilh mi SAC ralkap le pyusawthi 30 hrawng an thi ṭhan i tampi an i hliam tiah theih a si. August 29 zinglei 10:20am hrawng ah Wetlet peng, Sainainggyi lam kuihnak ah gate ser in mawṭaw umkal mi pawl sin in tangka a hal mi SAC ralkap pawl cu bom lung 18 an thlak hnawh ṭhan hna i SAC ralkap 3 an thi, 5 an i hliam tiah theih a si.
August 30 in September 1 tiang ni 3 chung pehzulh in Mandalay ramṭhen, Sinku peng, Hinta khua pyusawthi sakhaan cu Drone in lung 42 an thlak hnawh ṭhan hna i SAC ralkap le pyusawthi 16 hrawng an thi, 8 an i hliam tiah theih a si.
September 4 zaanlei sml 4:00pm hrawng ah Sagaing battalion 33 in SAC ralkap mawṭaw 2 cu Insa khua chaklei nawncek lak ah an tap i an nam len lio ah Drone in an doh ṭhan hna i 8 an thi, tampi an i hliam tiah cathanh ah an langhter. Kahdohnak chung ah Lighting Drone Force- We everywhere, Eagle Guerrilla Force, Shar Htoo Waw, Drop for Justice, Demo Pauk Kwe, Fight For Freedom, NDRF le adang PDF phu tampi an i bawm hna tiah theih a si.
Shweku Khua GAD Zung Meeting An Tuah Lio Ah Drone In Bom An Thlak Hna I 2 An Thi, 9 An I Hliam. Kachin ram, Shweku khua GAD zung cu Drone in bom an thlak hnawh i SAC ramchung lei Ministry zung rianṭuantu 2 an thi i 9 nak tlawm lo an i hliam tiah K-PDF nih thawng an thanh. September 6 ah Shweku peng GAD zung ah Meeting an tuah lio ah Drone in an doh hna hi a si.
September 6 zinglei sml 11:00am ah voikhat, 11:30am ah voikhat tiah Drone in voikhat an doh hna ah bom lung 4 an hman i atu bantuk in GAD zung rianṭuantu pawl an thih le an i hliam hi a si.
Cubantuk in bom thlak ruang ah SAC ralkap pawl nih khuachung phihkharnak hna an tuah tiah an langhter. Shweku khua GAD zung a dohtu K-PDF nih September 1 zong ah Kyaukgyi khua SAC ralkap le palek sakhaan an doh hna i SAC ralkap 5 an rak thi. Credit: The Chinland Post