Kalay Peng Sai Khua Pawng Ah SAC Ralkap Tam Ngai An Um. Sagaing ramṭhen, Kalaymyo peng Sai khua khua luhnak pawng hrawng ah nihin February 27 ah SAC ralkap tam ngai an um.
Atu tiang cu kahdohnak a chuak rih lo. Khua mi tu cu a him deuhnak hmun ah kan zaam dih cang. Sai khua kiangkap ah mino pawl zong an um, tiah Sai khua mi pakhat nih The Chin Post ah a chim.Crd: The Chin Post
Thawngpang dang: Kumtling Mizapi SAC Ah Luh Ding In Nawl An Chuah Hnu Ah Mino 100 Leng Cu PDF-Zoland Sin Ah An Lut. SAC ralhrang nih kumtling mizapi SAC ah luh ding timi nawl an chuah hnu in zarh hnih tluk a rauh hnu ah Chinram, Tedim peng hrambunh ZFU/PDF Zoland sinah SAC ralhrang cu hriamnam he doh dingin mino 100 leng an lut ṭhan, tiah theih a si.
“2024, February 10 ah SAC ralhrang nih kumtling mizapi cu SAC ah luh dih dingin nawl an chuah hnu ah dothlennak hriamtlai phu hna cu mino cheukhat nih an pehtlaih hna. ZFU/PDF Zoland sinah mino 100 leng an rak lut” tiah PDF-Zoland in chimphuannak nawlngei Ko Htaw Ni nih Khonumthung ah a chim.Crd: Lungmili Post