Russia Fighter Jet Nih A Inn-Pa Syria Ram A Kah Tualchung Mi 9 Nunnak Liam
=========
Russia fighter jet nih Syria khuathlang lei lam khuapi Idlib pawng khua le khuapi cheukhat hna cu hriamngam missile bomb hmang in a kah hna caah tualchung mi 9 nunnak a liam tiah theih asi.
“Russia Sukhoi fighter Jet nih hin cunglei in Muslim Eid puai an tuah hlan deuh ah Jisr al-Shughour anhringso zuarnak hmun mipi an i fumtom lio ah cunglei in a tu bantuk in bomb a thlaknak hi si tiah” White Helmets emergency response group nih an chim.
Mithmutu nih an langhter ning cun “Russia fighter jet nih hin Syria tlangram Jabal aL Zawya ram, Idlib khuapi le khua dang dang hna an kah” tiah an chim. Russia ralkap nih Syria Tapung/Ralkap kan kah hna tiah an chim. Asinain, tualchung mi zong an rak kah chih hna caah a tu bantuk in minung 9 nunnak a liam hi a si tiah an langhter.
Sagaing ramthen Sadaung khua SAC ralhrang kuttang Palik sakhan cu June 25 in 26 nihnih chung Drone bomb kan thlak hnawh hna caah Sakhan hmu telh in ralhrang 4 an thi tiah Kyuakshe PDF tuanvo ngeitu nih a chim.
Hi palik sakhan chungah hin SAC ralhrang, Palik le Pyusawhti tiin thazaang 35 tluk umhmun an khuar. June 25 ni ah Drone 5 in Bomb 25 an thlak hnawh hna, cun June 26 ni ah voi 23 an thlak hnawh than hna hi a si.
“June 25 ni ah hin Sakhan hmu telh in ralhrang 4 an thi iin kan theih, June 26 ni kahdohnak tu hi ralhrang lei a thi le hliam tuar kan hngal kho rih lo, sakhan chung cu hliam tuar le a thi mi an i tawlrel nak ah an buaingai, an tap, an au len ko tiin thawngpang an kan pek.”tiah a cunglei upa nih a chim.
Hi kahdohnak cu tualchung hriamtlai phu 5 an i bawm tiah kan theih.
Sagaing ramthen Kalaymyo peng Thar-she khua pawng June 25 kahdohnak chungah SAC ralhrang hriamngan ruangah CNDF ralkap pakhat a nunnak a liam tiah tualchung mi hna nih an chim. “Kahdohnak hi Thar-she khua ah a chuak, ralhrang nih hriamngan in mipi ralkap an umlai ti ruahnak ah an kah hna, mah ni ah kap hnih kahdohnak a fak ngaingai” tiah mipi ralkap he neihniam pakhat nih a chim.
“Ralhrang nih 120 mm hriamngan an kah mi cu mipi ralkap an umnak hmun ah a tlak caah Vakok-CNDF ralkap pakhat cu a lu ah hriamngan apuak mi nih a peh caah a nunnak a liam i minung 3 hliam an tuar” tiah a cunglei upa nih a chim.
Mah pin ah tualchung mipi ralkap nih an ser chom mi 40 mm hriamngan cu an kah lio ah a peng in a puah caah Pah-kah-phah ralkap minung pakhat a kutthei tlau in hliam a tuar caah an thlop lio a si.
“SAC ralhrang lei in a thi mi le hliamtuar hna cu motor 2 le mizaw phurhnak motor in an lak hna i Kalaymyo No.10 SAC ralhrang siizung ah an chiah hna. Ralhrang lei a thi mi le hliam tuar hna cu kan hngal kho rih hna lo” tiah a cunglei upa nih a chimchap. Hi kahdohnak ah Kalay Pah-kah-phah, UGF, Kalay PDF B-2, B-4, B-5, B-6, KKG RKDF le CNDF hna an i tel tiah kan theih.