SAC Van Rallkap A Hmanmi Hriamnam Bomb Sernak Ah Tlangtlatu Lt. Colonel Kyaw Kyaw Oo Ruah Lo Pi in A Thi!
==========
Naypitaw in SAC van ralkap caah vanlawng nih a hman tawn mi hriam le bomb vialte tlangtlatu le a remhpiaktu Lt. Colonel Kyaw Kyaw Oo cu August 8 zaanlei ah ruah lo pi in a thi tiah Khit Tit Media nih a langhter.
Lt. Kyaw Kyaw Oo hi ကကလေ- စစ်ဦးစီး၊ ပထမတန်း hriamnam sernak le vanral kahnak ah an hman mi hriamnam remhtu Engineer a si. Lungzawtnak in ruah lo pi in a thi tiah an chim. Lt. Colonel Kyaw Kyaw Oo hi ralbawi training no. 85 in-take chuak rawlbawi a si i a thi ah kum 56 a si. Amah cu Operation Spitfire thawngthanhnak ah van ralkap nih mipi cung chiat/that nawnnak a tuahtu minchiat cazin ah telh mi ralbawi pakhat a si.
Atulio SAC Air Force nih an bochan bik mi Yak-130, Mig-29, Mi-35 ti in an dihlak 53 hrawng an tang. Mah vanlawng pawl cu Myanmar chaklei le thlanglei kahdohnak ah an hman i, ramchung vanral kahdohnak rikhiah mi a um caah aa ralring ngai. Cun Myanmar a laibik hmunrawn kahdohnak ah Mi-35 hi biatak tein a hma. Vanlawng 9 chung in 2 cu a tla cang I atu 7 a tang. Cucaah SAC raltuknak vanlawng a ngeih mi 53 cu operation a tuah peng caah remhcan le dimh can he cun operation a lian deuh ah cun a hmang kho tuk ti lo tiah theih a si.
Sekan Khua Pawng Ah Ralhrang Pawl Nih Tualchung Mi 2 An Tlaih Hna I An Khangh Hna. Kalaymyo, Sekan khua pawng lungterep rialnak ah ralhrang pawl nih Kyunchaung (ကျွန်းချောင်း) khuami nufa an khangh hna tiah Chinlung Today sin in theih a si.
August 12 chun ah ကျွန်းချောင်း khua in sikhaan zohter ding in a kal mi nufa hna cu ralhrang pawl nih an tlaih hna i an thah hna. An thah mi hi Pi Hoi Iang ဒေါ်ဟွေးအီယာန် (Kum 50) hrawng, a fapa Samuel (Kum 30 hrawng) an si i an motor bike zong mei an kangh chih. ကျွန်းချောင်း khua hi Tazakung le Santha khua karlak ah a um mi khua a si.
August 10-11 ah Kalaymyo peng, Myo Hla le Sekan (Ceikkan) khua karlak ah SAC ralkap le mipi hriamtlai phu hna karlak kahdohnak ah ralhrang 4 le Pyusawhtii 7 an thi. Ralhrang pawl nih kahdohnak a dih hnu ah Kalaymyo nitlak thlanglei khua ah hriamngan in an kah ruang ah Sekan khua Independent Presbyterian Church a rawk tiah khuami sin in theih a si.
Naypitaw He Meng 100 A hlatnak Ralhmun Kahdohnak Kong. 2023 kumcheu chung ah Kyuaktaga peng, Phyu peng, Kyuakkyi peng le Bago ramthen nichuak Sittaung tiva pawngkam hrawng nifatin kahdohnak ah SAC ralkap an tuar ngai cang tiah mipi kahdohnak kong thawngla People Insight nih a langhter.
August 9 ni mipi ralkap nih teinak an hmuh mi Kyauktaga peng, Tamininnkone khua pawng suimilam 11tluk a raumi kahdohnak ah SAC minung 60 ah 30 leng an thi i, Mipi ralkap lei nih hriamnam tampi an lak khawh. Cu Tamininnkone khua August 3 ah kahdohnak a chuak i, SAC ralkap 4 an thi, 4 hliam an pu.
August 5 ni Phyu peng Okphyat khua pawng Sittaung hlei kam ah SAC ralkap cu mipi Sniper nih ralhrang 1 aa kahthah. Ohpyat khua thiam, August 8 ah SAC police sakhan a hnulei hriamngan umnak cu mipi ralkap nih drone in 60mm bom an thlak. Cun Sittaung hlei kam gate zong 40 mm in an kah.
Kyuaktaga peng Nanza khua July 19 ah SAC ralkap 400 operation an kalnak lam ah mipi ralkap nih lamin an orh hna i kartenh in an kah hna caah SAC ralkap 41 leng an thi, 40 hliam an pu. Nanza khua July 25 ah SAC ralkap 40 leng cu motor lian 1, le motor hme 2 he an rat lio ah mipi ralkap bom ruang ah hliam an tuar fak ngai caah july 26 ah hnu an kir ṭhan. Cu kahnak ah ralkap Captain pakhat telh in 7 an thi, meithal 5 an lak khawh.
Kyuakkyi peng, Poukmaung hlei pawng July 24 ah, Naungkone khua SAC sakhaan gate um ralkap 30 cu mipi ralkap nih an kah hna, ralkap 10 lawng an nung tiah theih a si. Kyauktakha peng, Taminiinnkone peng, Kyaukkyi peng, SAC ralkap Battalion 264, 307, 308 phu 3 le Kyauktaga peng le Tuhtay kone khua hrambunh SAC ralkap nih hriamngan an kah caah khua mi a thi mi an um.
Naypitaw he meng 100 aa hlatnak kahdohnak a tuah bik mi mipi ralkap phu ah, KNLA, PDF ṭangrual phu an si hna, Kyuakkyi peng kahnak cu KNU brigade 3 umnak, Ngaunglaypin pengkomh a ummi an si. Credit: The Chinland Post