Lai Lin Pi Kahdohnak A Fah Caah Tualchung Mipi Leng Chuaklo Dingin MDF Nih Ralrin An Pek Hna
=========
Chin ramkulh Matupi peng Lai Lin Pi khuapj chung kahdohnak a fah caah tualchung mipi lut chuak lo dingin MDF mipi hriamtlaiphu chungin ṭuanvo ngeitu pakhat nih a chim. September 25, zing suimilam 5:00 tluk ah thok in zaan tiangah MDF mipi hriamtlaiphu le SAC ralhrang karlak ah kahdohnak fak a chuah caah tualchung mipi hna cu Lai Lin Pi khuapi chungah lut chuak lo dingin ralrin an pek hna tiah theih asi.
Zingka suimilam 5:00 tluk khan MDF mipi hriamtlaiphu nih Lai Lin Pi khuapi chung SAC ralhrang umnak sakhan cu ankah caah an umnak inn zong an rawk piak hna a thimi an umle umlo cu fianghlang in kan thei kho lo khuapi chungah hriamngan le hriamhme thong a thang ngai ngai tiah tualchungmi pakhat nih a chim.
Chin Ramkulh Ah SAC Ralkap Pawl Nih Sakhaan An Kaltak Mi A Tam. Chin ramkulh chung ah riahcaw, hriam le ralkap thazang chapnak ding ah a biapi mi lam pawl an hman khawh lo nak hi a kum in a si cang caah Chin ramkulh chung ah a tang mi SAC ralkap pawl hi an thazang a der ngai cang.
Dothlennak caan chung ah a biapi ngai mi SAC ralkap sakhaan 4 an lak khawh i sakhaan 8 hrawng hi SAC ralkap pawl nih an kal tak cang tiah Chinland Joint Defense Committee (CJDC) Gen. Secretary nih Than Lwin Khet News ah a chim.
SAC Ralkap Raltuknak Vanlawng Chiahnak Hmun Cu Kachin Ralkap Nih An Kah! Kachin ramkulh, Myitgyina vanlawng sakhan cu Kachin hrambunh tualchung hriamtlai phu nih an kah i vanlawng pahnih zong an khen kong Kachin ramkulh hrambunh tualchung hriamtlai pahkahphah in Bu Tauk nih Khit Thit Media ah a chim.
Nizaan, September 24 zinglei suimilam 7:40 ah Kachin ramkulh, Myitgyina vanlawng chiahnak sakhan cu 90mm lung hnih le 107mm lung hnih in an kah i sakhan chung ah puahkehnak a chuak. “Raltuknak vanlawng pahnih zong an khen, tiah vanlei thawngthanhnak sin in kan theih,” tiah Bu Tauk nih a chim.
“Thawngpang kan theih ning ah cun F-7 raltuknak vanlawng pahnih cu bomb nih a khen pinah vanlawng lei i pehtlaihnak tower tung zong a khen tiah kan theih” tiin a chim. Myitgyina vanlawng tual pawngkam ah a um mi hna nih cun, nizaan zinglei suimilam 8:00 hrawng ah Myitgyina vanlawng chiahnak sakhan ah puahkeh thawng pehtlai in kan theih, tiah an chim ve.
Tabayin Peng Rallamsial In SAC Ralhrang An Luh Caah Khuate 14 Chungin Tualchung Mipi Khuamui Lak Ah An Zaam. Sagaing ramṭhen Tabayin peng SAC rakhrang rallamsialin an luhhnawh caah khuate 14 chungin tuangchung minung sing tampi zaan ah an zaam hna tiah People’s Defense Comrade nih Yangon Khit Thit ah a chim.
September 25, zaan ah Tabayin peng khuate hna cu SAC ralhrang nih luhhawh in hriamngan hriamhme ankah caah khuate 14 chungin tualchung minung sing tampi cu khuamui lak ah an zaam tiah theih asi. SAC ralhrang hi Ye-U thlanglei Segyi khua in rak lut i Tabayin chaklei Let Yet Kone khua ah umhmun an khuar chung khuachung ah hriamngam hriamhme an duh ning paoh in ankah tiah an langhter chih.
Kawkareik Hmai Naungtalar Khua SAC Ralhrang Hriamngan Kahnak In Tualchungmi 1 Nunnak Liam. Kayin ramkulh Kawkareik hmai Naungtalar khua cu SAC ralhrang nih hriamngan in ankah caah tualchungmo 1 nunnak liam tiah KNU nih an langhter. September 23, zing suimilam 5:30 tluk ah Kawkareik hmai Naungtalar khua Sah Kah Khah 12 tangah ummi cu SAC ralhrang nih hriamngan 120 MM in ankah caah tualchungmi kum 30 tluk upa a nunnak liam tiah theih asi.
Kyondoe peng Taungkyarinn khua fim cawnnak sianginn ah umhmun khuarmi SAC ralhrang Sah Kah Sah 12 kuttang a ummi Khah Lah Yah 130, Khah Mah Yah 546, Kah Lah Yah 208 le KNDO ṭangṭi phufonh mipi hriamtlaiphu battalion 6 hna karlak kahdohnak a fah caah a tu bantuk in ralhrang nih hriamngan an kahnak hi asi tiah an langhter.