Lawngtlai Pengkomh Ah Ralhraang 278 An Zaam!
===========
Kawl ralhraang le zapi ralkap cu Lawngtlai pengkomh Parva ral Myanmar ramchung ah an i kah caah nihin 2024 Tangkhawng 17 zanlei suimilaam 4 hrawng ah Kawl ralhraang 278 cu Bandukbang Lawngtlai pengkomh ah an zaam.
Kawl ralhraang pawl hi Assam Rifle nih an tawlrel cuahmah hna. Kawl ralhraang le zapi ralkap hi Karma tiva pawnghrawng ah an i kap i, tu bantukin ralhraang pawl Lawngtlai pengkomh ah an luh hi a si. Kawl ralhraang hi lutchap ding an um le um lo fiang in theih a si lo, asinain lutchap dingmi an um zumh a si. Kawl ralhraang nih hin an hriamnam an i ken chih.
SAC Ralhrang Minung 278 Mizoram Ramkulh, Lawngtlai Peng, Khua Pakhat Ah An Zaam. January 17, zaanlei suimilam 4:00 tluk ah SAC ralhrang minung 278 cu Chin ramkulh chungin India ram, Mizoram ramkulh Lawngtlai peng, Bandukbang khua ah an lut i Assam Rifles le Mizoram palik nih an ralthuam he an tlaih hna tiah theih a si.
SAC ralhrang le mipi ralkap hna cu Myanmar ramchung Karma tiva ah an i kap. Kahdohnak hmun in SAC ralhrang hi an zaan i Mizoram ramkulh, Lawngtlai peng ah an lut tiah The Lawngtlai Post nih an langhter. SAC ralhrang hi a rak lut ṭhan ding anum le umlo a tu dirhmun ahcun kan theifiang kho lo nain, a lut ṭhan ding mi cu umdawh ansi tiah a chim.
Lawngtlai ah SAC Ralkap 278 an Rak Zaam Ṭhan. Myanmar ram kahdohnak ruang ah Mizoram, Lawngtlai District chung ah SAC ralkap 278 cu nihin January 17 zaanlei ah an rak lut, tiah Lawngtlai tualchung thawngzamhnak The Lawngtlai Post nih a ṭial. Nihin zaanlei sml. 4:00 hrawng ah khan Lawngtlai District chung ah a ummi Bandukbang timi hmun ah SAC ralkap pawl an rak lut i, Assam Rifles sin ah an i ap.
Atu a rak lut mi SAC ralkap 278 leng ah a dang a phan ding an um ti le um ti lo theih a si lo, tiah The Lawngtlai Post nih a ṭial. Chinram chung kahdohnak ruang ah November 2023 in 2024 January thlathawh tiang ah Mizoram ah SAC ralhrang 400 leng an phan, tiah Mizoram cozah cherhchan in VOA nih a ṭial.
Tamu-PDF Sinah SAC Ralhrang 3 Cu Meithal Zuun 3 He An I Fonh. Sagaing ramṭhen, Tamu peng ah SAC ralhrang 3 cu meithal zuun 3 he Tamu-PDF sinah an i fonh, tiah theih a si. SAC Khah-lah-yiah 269 in ralhrang 3 hna cu Tamu-PDF Battalion 4 sinah MA-1 meithal zuun 3 le hriamthil hna he an i fonhnak kong cu Tamu-PDF nih nihin January 17 ah thawng an thanh.
Kyauktaw hrambunh SAC ralkap battalion ning in AA sin ah hriam an chiah. Rakhine ramkulh, Kyauktaw khuapi hrambunh LIB-539 SAC ralkap battalion nih nihin January 16, zinglei sml. 11:00 ah an Battalion Commander hruainak in thantaar raang an thlai i AA sin ah hriam an chiah tiah theih a si.
“Nizan te in an kulh dih cang hna. Tu zing an nam hna hnu lawng ah kan kap hlah uh ti in thantaar raang an thlai mi a si,” tiah AA he aa naihniam mi pakhat nih People Spring ah a chim. Hriam chiah in aa ap mi SAC ralkap le an chungkhar pawl zeizat set dah an si ti mi tu cu phung ning in thanhnak a um rih lo caah theih a si rih lo.
“SAC ralkap pawl nih thih nan duh lo ahcun tuan te ah thantaar raang thlai in hriamnam chia uh,” tiah AA Lutlai Major General Twan Mrat Naing nih social media hmang in January 15 ah ralrin peknak a rak tial cang.